🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.156📍✿
ڨرمية: مرحبا مبكر ليوم ..
تيم: تعبت قلت نروح ..
هند: الياس جا!!
تيم: لا مزال
رقية: تحب على قهوة!
عينيه على افراح ... لي حشمت من نظراتو قدامهم ...
افراح: بش نمشي نعملك...
تبسم شطر تبسيمة كي قامت ... و مشات من بحذاه.... و رنة الخلخال ... لي كانها ترن في قلبو .... و زادت من رغبتو ليها .... مشا قعد .... وين سكتو كامل ....
تيم: كي دخلت ضحكاتكم تلالي وش بيكم!! ... قلقتكم
زينة: لااا حاشى
ڨرمية: لبنات كانو يحكيو لافراح عليك
عدل قعدتو
تيم: جاني فضول نعرف وش حكيتو
هند: امور عالصغر ... قبل ما نكبرو بين ليلة و ختها ... و خرجت تنهيدة من قلبها ...
عم السكات و تيم فهم لي قصداتو هند... انو العادات و التقاليد فرضت عليهم يوليو كي الغرباء بعد ما بلغت هند فأول يوم قراية ليها فالمتوسط .... و تفرض عليها يبطلوها و يحرمو عليها اللعب معاهم بحكم ولات مرا ...... و تغيرت حياتها بين ليلة و ختها ....
عم الصمت .... حتى نطقت
ڨرمية: تيم افراح خذات قرار ....
طلع عينيه و غمزلها بمعنى لي هو!!
ڨرمية: قررت تمشي لقصر ال خليفة و تزور ناناها ....
فهاذ اللحظة دخلت و في يدها سنيوة .... تبعها بعينيه حتى حطتلو قدامو .... و نطق
تيم: مكانش روحة ....
طلعت حاجب و هبطت لوخر مستغربة !!! مش هو لي قاللها روحي و افتحي صفحة جديدة!!!
افراح: تيم
قاطعها
تيم: بما انو العيلتين صرا الصلح بينها ... بش نبعث خبر ليوسف... غدوة بش نروحو كلنا ليهم وهاذي بش تكون اول صفحة نظيفة بين العيلتين....
الكل تبسم .... افراح عينيها لمعو ...
ڨرمية: انشاء الله الايام السودة تخطيناها و ما يجي غير الربيع ...
الكل: انشاء الله ...
قام تيم .... خرج .... جات بش تلحقو افراح نطقت قرمية ....
ڨرمية: افراااح .. امشي لبيتي عندي ما نقولك ....
حركت براسها اوك و توجهت للبيت ... ثواني و كانت قرمية عندها ...
افراح: خير نانا!!! كشما كاين .. !!
حكمتها و قعدتها جنبها عالسرير و نطقت
ڨرمية: افراح ...
افراح: انعم نانا
ڨرمية: شوفي بنتي ... قبيل صح كنتي تضحكي اما انا قريت بزاف امور في عينك ....
افراح: نانا انا ..
ڨرمية: خليني نكمل .... شوفي بنتي اي مرحلة نفوتو عليها في حياتنا .. تدي وقت معين و تروح ... اي موقف ضرنا ولا جرحنا حتى و يكون دمرنا من ساسنا لراسنا ... في لحظة نحسبو هاذي هي حياتنا و مش راح تتبدل .... لا
افراح: اما حياتي فاتت على حرب يا نانا ...
ڨرمية: بش تكوني جندي فالحرب هاذي... و المشاكل لي فاتو كل هوما جثث اعدائك... بش تمشي عليهم و حاجة ما تهزك .... كل حزن نعيشوه باه نعرفو قيمة الفرحة
تبسمت افراح ....
ڨرمية: ابقاي ديما تبسمي هك....
حلت الدرج و جبدت باطة قديمة..... و حطتها في يد لافراح
افراح:وش هذا!!
ڨرمية: هي ثمنها مش غالي اما غالية على قلبي ....
حلت افراح لبواط... فيها بوكل بالذهب و الؤلؤ
ڨرمية: حلق نانا
شافت فيها افراح ... مستغربة
ڨرمة: في صباح عرس امي لبستهولها... و امي لبستهولي صباح عرسي ما كتبش ربي نلبسو لبنتي انا بش نلبسهولك .... بنت بنتي
افراح: لالا نانا ما نجمش ناخذو غالي عليك ...
قرمية: بش تلبسيه و يجي النهار تلبسيه لبنتك ... في اسعد نهار ليها ....
تبسمت افراح .. و باست جبين ڨرمية ...
افراح: ربي يخليك لينا
ڨرمية: هيا امشي لراجلك راهو مبكر على جالك ليوم هههه
حشمت و توردو خدودها... فيسع ما هزت روحها و خرجت .... طلعت لبيتها تزرب....
