🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.61📍✿
يوووم جديد ... قلت خلي نمشي شوي ما نبقاش ندور في نفس الاحداث .... افراح قاطعت عايلتها بعد النقاش لي صرا ... ليوم يوم العرس و يوم الحسم ... ناضت صباح على صوت البارود .... تخطفت و مشات تجري طل من التاقة في بالها زدمولهم . ... الرعب تملكها داخليا من مدة ... ما عادتش تاثق في حتى حد ... تبانلها كل مرة راح يخرجولها بخرجة جديدة .... معادتش تتحمل كثر ... كرهتهم ... كانو كل حياتها و ذرك صنفتهم مع اعداءها ..... طلت كورتاج بالخيل و الفرسان يضربو البارود عند باب لقصر ... بلقاسم من لتحت بعد ما حل لباب ... هدر ....
بلقاسم: خيير على صباح ربي
هدر واحد منهم....
السي تيم هو لي بعثنا ... نجيبو حوايج لعروس ... و قالك لعشية يجي مع الموكب يدوها ....
شاف بلقاسم فيهم و عمل اشارة بيدو باه يقدمو الصندوق لي جابوه ....
افراح تشوف فيهم من الفوق ... قلبها غاممها ... شعور داخلها مقلقها و خانقها ... تحب تبكي و تعيط ... ومن جيهة تحب تكون قوية و تواجه و ما تبينش ضعفها ..... عاودو خرجو الفرسان بعد ما دارو استعراض قدام ساحة لقصر ... و بلقاسم دخل ... قابلاتو شافية ...
شافية: خير الحاج ... و تشوف مع الصندوق ...
بلقاسم: طلعوه لافراح و وجدوها لعشية بش تروح لدار راجلها ....
و راح دخل لبيتو ....
خلا شافية غايضتها حفيدتها ....و من جيهة ما تنجم تقول حاجة فوق كلمة الحاج بلقاسم ... خرج يوسف من بيتو و هبط... باه يستفسر ... لقاهم كل مجمولين عند الباب....كانو راح يحلو الصندوق لي بعثوه العشماوي ... و هدر ..
يوسف: وش قاعدين ديرو!!!
فتيحة: نشوفو شا بعثو العشماوي لعروستهم ....
فضيلة: قلنا نشوفو شا قدرو يبعثولها ....
يوسف: و فرحانين!!!! هذا مش جهاز افراح هذا كفنها لي راكم فرحانين بيييه .....
شفاء: مزال يدافع عليها ... تمتمت بين روحها ...
شافية: ما تحكيش هك ... اصلا عرفت لحقيقة و خليناها براحتها سنين جا لوقت لي تاخذ بقارار العشيرة كيفها كيف غيرها من لبنات .. ...
يوسف: ااا خلاص كي عرفت لحقيقة بش تضحيو بيها ... تضحيو بيها على زوج اراضي بوور ما يصلحو لوالو .... بش دمروولها حياتها .... وقتها بش تندمو ...
فتيحة: اسكت ما تعليش صوتك على جداتك ... ويسمعك جدك
يوسف: خلي يسمع و يعرف... بلاك يفيق و يفض هاذ المهزلة ... و نتفكو من العشماوي و نفكو افراح منهم ...
شافية: مكانش رجعة ... و كلمت جدك ما طيحش قدام الرجال ..امشي طلع الصندوق هذا مدهولها ... وقنعها توجد روحها هي تسمعلك ...
شاف فيها ... علبالو كان يناقشهم .. يدخل في نقاش عقيم و ما يخرجش منو ... و هز الصندوق بين يديه و طلعو قابلاتو احلام .. مشا من جنبها ... وصل عند الباب دقدق عليها .. ما ردتش عليه ..
يوسف: افراح حلي .... افرااح ما تحقرينيش تعرفي نتقلق فيسع ...
افراح: وش تحتااج مني روح اخطيني ..
طلعت احلام بين الدروج .. و نطقت
احلام: خلي انا نهدر معاها ... ....
حركلها يوسف اوك براسو
احلام: افرااح حلي لباب يعيشك ... محتاجة نحكي معاك في حاجة
افراح: اخطيونيي
احلام: بش نخبرك سر
كانت لداخل قاتلها فضولها ...
احلام: افراح بش نكملك جزء من لي حكيتهولك المرة لي فاتت ... على عمتي ....
شاف فيها يوسف مستغرب وكتاه حكاو ... جا بش يهدر و يسقسيها تحل لباب .... دارو فيزوج شافو معاها ... حالتها حالة... باين عليها النوم ما ذاقاتوش .... تحلويق تحن عينيها من قلة النوم و كثرة لبكاء ...
شافت في يوسف و في احلام .. و هبطت عينها لصندوق لي جابوهولها ... ....
يوسف: بش نعمل اي حاجة غير باه ما نخليكش تروحي ... اوثقي فيا يا افراح كي قبل ... قوليلي يوسف عاوني وخليني النشعل الدنيا عليهم و ما تخرجيش من ... باشارة من عينك دليني نهد الدنيا ... و نعمل كلشي على جالك تعرفي مش هك !!
احلام تشوف فيهم .. و تستنا في افراح تاخذ بكلام يوسف... مش باغيتها تتعذب.. خاطر تعرف لي قصر العشماوي .. مقبرة للناس الحية ...
افراح بقات تشوف فيه .. هي تايهة ... كلمة ما نطقتها ... تشوف فيه بنظرة... قادرة تنظرها لاي غريب عكس نظراتها ليوسف قبل .. بلهفة ... نظرتها ما فيهاش اللمعة لي مالف يشوفها في عينيها ... لمعة الفرح .. لمعة التحدي و القوة .... عينيها رجعو هاوية ... بؤبؤ العين وساع اكثر ... نظرة حادة ... بعد الصمت لي كانو فيه نطقت
افراح: انا ما نحب حتى حاجة منكم ... ماوليتو تعنيولي حتى حاجة
يوسف: مش انا بوك و خووك و بير اسرارك .. نعرفك كثر من اي حد ...
افراح: افراح لقديمة ماتت ... ماتت... انساها ... انا من ليوم وحدة جديدة ... لا نعرفكم ولا يشرفني معرفتكم ....
يوسف يشوف معاها ... عينيه غرغرو بالدموع .. وهو يسمع فيها .. يحكم فيهم على الشعرة .. كلمة ما نجم يهدرها.. هي معاها حق... الكل عيشوها في كذبة... الكل كان يعرف غير هي ....
