🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.103📍✿
كانت في بيتها ... هازا شوميز تاعو .... و تشم في ريحتو .... قلبها غاصها من لي عرفت لحقيقة.... تيم عاش كل هذا و هي كانت ظالماتو .... تعلقت بيه المدة لي فاتت و ما حبتش تبين .... كانت تكابر .... كانت بش تنتقم من الانسان الغالط .... مكانتش تفهمو.... اما ذرك عرفت وش يحس.... عرفت علاه كرها فالاول..... هي و هو قدرهم واحد ..... عرفت معنى المراية المكسرة ..... هو محطم مالداخل كيف ما هي محطمة .... تستنى في رجعتو بفارغ الصبر .... خافت تكون جراتلو حاجة ..... عينيها خرجو و تنفخو من كثرة لبكاء ...
افراح: وينك تيم .... حاسة روحي وحيدة وينك ..... 🥺
سمعت حس برا .... نطت جات واقفة مشات الطل ..... شافت طموبيلات برا عند البوابة لكبيرة ..... لي تحلت .... و كانو بش يدخلو .... تبسمت .... و تمتمت
افراح: تيم جيييت .. رجعتلي ....
طلقت الشوميز لي في يدها ... لبست في رجلها .... هزت فولارتها و حلت باب بيتها و مشت تجري تنزل تستقبلو .....
غير خرجت لقاتهم كل برااا يستناو ... شافت فيها ڨرمية .... و شافت التبسيمة لي على وجها ..... رجعت تبسمت حتى هي معاها .... قدمت افراح عند ڨرمية
افراح: جااا !!! تيم رجع ؟!
عملتها هيه براسها وهي متبسمة ....
ڨرمية: راجلك و راجل الدار و ساسها رجع يا بنتي ...
تكمشو عينين افراح من الفرحة
و دورت عينها .... دخلو طموبيلات ... كبار العروش ....
و تحل لباب طموبيل .... و خرج فيصل ... اول واحد ...
رقية: فااايصل
و مشات تجري عندو ... و هو جاااا يجري ....
فيصل: امييييييي ....
تحاضنو و الدمووووع شلال نازل من عينيهم .... فراق عشر سنين ..... تمس فيه و كانها مش مصدقة ولدها قدامها .... تبوس فيه من كل بلاصة .... هزلها يدها يبوووس فيها... يبوس خدها و راسها و عينيها ...كي المشتاق و لي تحرم من ريحت امو وهو صغير .... و و هي تحرمت من عوينتها الوحيدة .... ولدها الوحيد ....
احلام تبكي ... و زينة تضحك و تبكي ...... اما افراح فرحت .. لكن عينها تحوس على حاجة وحدة لي هي تيم .....عمار و براهيم و محمد خرجو من الطموبيلات ...
تقدم فيصل باس يد ڨرمية .... و حضناتو ...... و تلاحت عليه احلام ... و هند لي جات من الداخل و تبوووس في خوهااا وتحضن فيه ....خوهم لي قالو انو معادش ينجمو يشوفوه .....
ڨرمية تشوف في كبار لعشاير يتقدمو عندها .... و مستغربة لي هوما جابو فيصل.... تيم مش معاهم والا كان جا هو لول ...
ڨرمية: خير ان شاء الله علاه جايين ...
افراح شافت في ڨرمية لي وجها تغير لونو ... و كانها تعرف السيناريو لي كل مرة يتكرر .... و يجيبولها خبر الموت ....
الحروف عيات تخرجهم .... مترددة
ڨرمية: قلت خير انشاء الله ... يا حجاج و شيوخ القبيلة ....
عينها حتى هي رجعت تحوس على تيم وسطهم ..... افراح نطقت
افراح: تيم وينو ! ...
تنهد عمار ....
ڨرمية: شبييكم حفيدي وين !! علاه نتوما لي جايبين فيصل .... تيم وينو!!!!
هدرت بحدة .....
افراح قلبها غصها .... كانت تستنا فيه احر من الجمرة .... غير باه تطلب السماح منو و تشم ريحتو ....
نطق ....
براهيم : الحاجة ڨرمية حناا ..... و سكت عيا يهدر معاها
ڨرمية: نتوما واش ... تشوف في ملامحهم تبدلت ... و سينارو تعاود
ڨرمية: عندكم تنطقوووهااا لالا .... ما تقولوهاش
قدم الشيخ محمد
محمد: احنا مش متأكدين .... اما الطموبيل لي كان فيها تفجرت في ليبيا ....
افراح تلمو الدموع في عينها وهي تسمع فيهم ....
براهيم: و على الاغلب تيم توفى ... البركة في راسكم ..
الكل شهقو ......
افراح: لالا مستحيل .... لالاا ..... تيييييم لااااااااا
و الدموع هبطو من عينها ....
ڨرمية : لااااااااااااااااااااا آآآآآ
و طاحت فلرض .... شي لي خافت منو تحقق
اول مرة يشوفوها عيطت على حد ... ماتو ولادها ولا دمعة شافوها منها .....
هبطت زينة .. و احلام ليها حكموها ..... وهي تخبط في روحها ... كانت بش تندب وجها .... حكمولها يديها ومنعوهااا
