🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 52📍✿
واقف يخزرلها ... ملامحو صارمة .. و مالامحها اكثر ... ذرة خوف ما لمحهاش فيها .. هذا لي جذبو فيها لمرة لي فاتت ... في حياتو ما خزرتلو طفلة بالخزرة هاذي .... نظرة التحدي ... جات ماشية بلا ما تحكي معاه ... حكمها من ذراعها و زير عليها .... دارت ليه خبطت يدها لي كان حاكمها منها تنفضت يدو ..
و نطقت بحدة
افراح: خيير وش تستحق
هز حاجب و هبط لوخر ... عدل وقفتو مليح ونطق ...
تيم: على حسب علمي راكي في حدودي انا لي نسالك وش تسحقي
زيرت على حواجبها كثر.... وهدرت
افراح: شفتك ما تنكرش ... نتا لي كنت في حدودنا علييها تبعتك و لحقتك هنا ... وش مازلت تستحق عندنااا ... شمازلتو باغيين تدوو من عندنا ...
دور وجهو شاف جيهة لقصر يهدي في اعصابو ... و رجع شاف معاها .كي كملت هدرت
افراح: مش بنتكم و رميتوها وش باغي تخلص علييها!!! وش مزال باغي !!!! تقتلها!!!
تيم:انا ما زلت ما خذيت والو... و كان عيني راني قتلتها هذيك لمرة ...
هدر بكل هدووء و اعصابو رايحة .. حتى انو ما قلقش كي راهي في حدودهم بلعكس عجباتو مواجهتها ليه ...
اما هي كي شافتو هك تعصبت كثر ... اصلا تكره العشماوي .. من صغرها زارعينلها فكرة هوما سبب انها تتيتم و ما تشوف لا بوها ولا امها ....
نطقت بعصب ...
افراح: خذيتوو بابا و امي وعمااامي هذا قليييل!!! روح شكون ناوي عليها المرة هاذي!!! على من ناويين على جدي ولا على يوووسف!! ( ياره يا مهدي ياره افراح مش حطاتك راجل كيما بنات لقروب ههه)
تيم: كلامي مش مع النساء ... و ثبت معاها مليح من لفوق للتحت ...و رجع هدر ...
تيم: و ما ناقشش اموري مع فرخة كيفك ....
غير سمعاتو الجن لحمر ركبها تكره لكلمة هاذي .. لمت قبضة و خبطاتو بيها لصدرو و رفعت صبعهااا ليه ... تهدد فيه
افراااح: ما ولدااااتوش امو لي يقولي فرخة تفهم .....
حكملها يدها لي مزال صبها واقف بالتهديد .... و زير عليه قريب كسرها ...
تيم: مش باغي نتصرف معااااك بشي ما يعجبكش ... والا كنت كصرتلك يدك ...
تجبد في يدها لي مزير عليها و وجعها ....
افراح: سيبنييييي ما نسمحش ليديكم لي ملطخين بدم بابا يلمسوني ...
وخطفت روحها منو ...
افراح: ما نسمحش للعشماوي يمس شعرة مني تفههههم .... والا بش نق.تلللك ن ق ت لك
تصرخ و مقلقة ...
بقا يشوف معاها .. حاجة داخلو تجذب ليها.. اول مرة يتهدد بالقتل .. و من شكون من طفلة ههههه ضو الومب الفاصل بينهم بين ملامحها اكثر .... عيونها فيهم لمعة ... ما شافهاش قبل ... تحدي و غرور ... قوة داخلهم .. فيسع ما فاق و رد عليها ..
تيم: نسيتي انو في عروقك دم العشماوي لي قاعدة تلومي فينا دمنا يمشي في عروقك ... اقنعيني كيفاه سامحة لروحك تعيشي .... الدم عمرو ما يصير ماء لا يذوب ولا يتبخر
سمعت هدرتو بصوتو الخشين المجحح ... قرنت حواجبها مستغربة... هدر و هو واثق من هدرتو ... اكيد مش بش يستفزها بحاجة مكانش منها ... وش يقصد ... وش من دم عشماوي في عروقي .... راه يرمي فالكلام !!
نص دقيقة وهي تستوعب بعدها نطقت....
افراح: وش تقصد .. وش من دم ...
حتى هو ستغرب من سؤالها.... و يجاوب في روحو ...مستحيل ما تكونش تعرف... راهي غير تلعب فيها قدامو... باه يطلقها تروح ... تفكر وقت ڨرمية قنعاتو انو افراح الطريق المختصر لاهدافو .. فيسع ما راحت هذيك ليماج و بقا يشوف فيها... هو مستحيل يستغلها و مستحيل يستغل حتا حد بش يوصل لهدف تاعو ... نطق
تيم:قلت دمنا في عروقك... و اذا تعملي في دور الغبية قدامي باه نخليك تروحي ... نحب نخبرك انا اصلا كنت بش نخليك ... قضيتي مش معاك ...
مزالت مستغربة ... تحاول تفهم لي قالو ... حطلها لومباتريك في يدها و هدر ...
تيم: تنجمي تروحي .. و جا ماشي .. مشا خطوتين و دار ليها ..
تيم: هااا .. ومش انا لي كنت في حدودكم مش تيم عشماوي لي يتخبى من حد ... وقت نحب ندخل ليكم ندخل بكرامتي و من الباب و ما نخافش ... حطي هذا في بالك يا حفيدة العشماوي ....
واقفة في بلاصتها ما تحركتش .... تشوف معاه متجمدة و تصمرت فالبلاصة .... حتا عاود هدر
تيم: امشي و في طريقك خبري عرشك لي يدعيو عفة بناتهم... قوليلهم وش كنتي تعملي وسط الغابة و فالليل .. خزرت معااه .... كلمة ما نجمت تخرج ... تصدمت ولا بلعت لسانها ... وجها صفار ..... تبسم وهو يشوف فيها هكذاك و كمل مشا .. حتا سمعها عيطتلو ... غير دار لقاها متوجهتلوو
افراح: اسمممع نتا
دار و حط يديه في جيوبو ... و وقف يستنا فيها حتى لحقتلو ...
افراح: كنت فالغابة ولا فالسماء ولا في قاع لرض هاذي حاجة ما تخصكش .... و انك ترمي فالكلام عليااا حفيدة العشماوي و منعرف وشيه ما تمشييش عليااا... انا حد ما يستفزني... واذا حاسبني كيف بنات لقرية يخافو منك و من عشيرتك انا ما نخاف غير من ربي.... اناا افراااح ال خليفة بنت كماال و حفيدة بلقاسم حطها في بالك ما نرضخش لحد وخاصة عدويا .... شافت يخزرلها .. بنظراتو لي يستفزوها .. بااارديين و ما يدلو على حتا حاجة ... مشات خلاتو واقف ... طريق كل هي تسب فيه ... باقي يشوف معاها يتبع فيها بعينيه ... لين ختفات بين الشجر ... تبسم و رجع لمها .... و مشا متوجه لقصر ...
