🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.137📍✿
نهار جديد ... حلت عينيها كالعادة ... دارت للجيهة الاخرى ما كانش ... اصلا يتعمد يروح كي تكون راقدة فالليل حتى و ما تكونش راقدة ما يقيمهاش و يمشي يحكم بلاصتو يرقد .. و يخرج صباح بكري قبل ما يطلع الضو ....
غير ما لقاتوش تقلقت ... ندمت كي دارت هكذاك .... ناضت من بلاصتها و تتخبط وحدها ... نفضت الفراش ... و قضات امورها فالصالدوبان ... مشات لبست كيما يحلالها بما انو عرفت انو مش يجي كي ليام قبل ... لبست غوب بلا ذرعين ... و تحت الركبة بشوي .... بما انو سخوون الحال ... مشطت شعرها و هزاتو ... و خرجت من بيتها ... نزلت ... مشات تعاونهم فالفطور ... و فطرو نساوين في بعضهم فيصل و الياس و تيم يخرجو مع بعض ...
قعدو افراح هزها مخها لبعيد ... وقت هوما كانو يهدرو ...
هند: امي كنت نقول شي نهار نروحو نزورو احلام
رقية: ايه علاه لا اما خليها مزال شوي ولا وش قلتي خالتي!!
تنهدت ڨرمية
ڨرمية: لقصر هذاك كان بهيبتو ... لا بقا بلقاسم يحكم .. ولا شافية وراه ...
زينة: هاذي الدنيا كي دور ...
رقية: امي كانت تقول .. الدنيا تعطيك تعطيك وقت يجي لوقت تاخذ منك كلش مرة وحدة ..
ڨرمية: وقتها قلت يا قاتل الروح وين تروح ... موتت بلقاسم باشعة حد ما يتمناها ...
افراح رغرغو عينيها بالدموع .... الانسان لي كان عزها و قرة عينها .... كان كلشي كذبة .... مات وشكون لي قتلو يوسف... يوسف لي ما يقتلش نملة .... صح متهور و عصبي بصح عقلاني .... كان حاميها و مربيها ... و معاها في كلشي .... كيفاه نجمت تنسا كل لي عملو يوسف على جالها في لحظة .... هو كيفها ما عندو حتى ذنب .... و ناناها شافية ... رغم كلشي ما نجمتش تحقد عليها ... رباتها و كبرتها و كانت معاها في كل قرار داتو ... وقفت للكل و لبلقاسم بالاخص و سمحتلها تقرا و تكمل تعليمها ..... شافيا ليها كل الفضل باه تقرا و تتخرج .... كانو لاهيين يحكيو .... حتى سمعو شهقاتها وسطهم .....
الكل شافو فيها ...
ڨرمية: افرااح!!
ما حبتش تشوف فيهم ...
قوات البكية و الشهقة ... و بان ضعفها .... افراح تبكي و بشهقة!! ...
مشات زينة ليها و حضنتهااا ..
زينة: سمحيلنااا مش قصدنا نفكرووك ...
ڨرمية: ااااه على بنتي وش حاملة في قلبها ...
هند و رقية يشوفو فيها كيفاه تبكي غايضتهم .. كانها تخرج فالغصة لي داخلها... غصة ليها ايام و شهور و ممكن سنين ....
افراح: حاسة روحي وحدي ضايعة ...
زينة: لااا لاااا كلنا معاك ....
مشات ڨرمية و وقفت عندها ... تمسحلها دموعها ...
ڨرمية: انت حفيدتي ... و وردة الدار ... انت يا افراح جيتي و دخلتي لينا الفرحة لي مشات مع وردة زمان .... احنا كلنا عايلتك هنا ... ماكيش وحدك ....
ركزت نضراتها ليها و نطقت
ڨرمية: انت مرت تيم .... و مرت زعيم العشيرة عمرها لا تكون وحدها ... هي لالات العرش ... و متربعة على قلب تيم و قلوبنا كامل .... هزي عيونك الفوق ... و قولي انا افراااح .... دمعتك عزيزة ما تنزل غير على لعزيز ...
طبطبتلها على كتافها و كملت هدرت بشموخ
ڨرمية: و عزيزك هو راجلك و ولادك لي بش يجيو .... من غير هاذو ... دمعتك ما تنزلش ..
افراح خبط قلبها ... رجع يرفرف... غير تخيلت انو يكون عندها صغار من تيم ... خلاها ترسم تبسيمة لقرمية ..... و تهدر
افراح: و انت العز كلو يا نانا ... الله يديمك لينا و نعوض السنين لي تحرمت منك ...
قدمت باستها ...
ڨرمية: امين ... ربي يطولي عمري و نشوف ولادك انت و تيم ... هذا لي نتمناه
هبطت افراح عينيها .. كي تفكرت تعامل تيم معاها الفترة اللخرة .. و نطقت بنبرة حزن
افراح: إنشاء الله ....
تأكدت قرمية انو كاين حاجة بينهم فالموضوع هذااا ....
ڨرمية: هيا قريب وقت لغدا هيا للكوزينة ....
غير قامو .. حكمت افراح
ڨرمية: وش بينك و بين تيم مش عاجبيني ..
تنهدت و نطقت ... اصلا كرهت تعاملو البارد معاها .. و قررت تحكيلها بلا ما تخم مرتين ...
افراح: تيم يا نانا يمشي فالليل ما يروح غير فليل يرقد ومش....
سكتت
ڨرمية: و مش واش!!
افراح: مش يحكي معايا 😔
