🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 82📍✿
شافت زينة في تيم عرفت من نظراتو مش موافق ..
زينة: اذا حبيتي اي حاجة راني غير هنا
افراح: اقعدي معايا راح يقتلني ...
سمعها تيم .... حاكم روحو على الشعرة بش ما يغلطش معاها.... حرك عظمة فكو . عينيه ناار فيها ...
زينة: اوخدي
تيم: هيه وبش نشرب من دمك ليلة ... خالتي تصبحي على خير
ناضت من بلاصتها ..
افراح: لالا اديني معاك نرقد عندك اصلا راه يرقد فيا فالارض
شافت زينة في تيم مستغربة ... تيم قريب يتحول ... شعرة برك و يدفنها في بلاصتها
زينة: تصبحو على خير و مشات خرجت ... ردت الباب ..
مشا حطلها السنيوة في حجرها ..
تيم: كولي
افراح: ما نحبش ..
يحكم في اعصابو ... .هدر بحدة في صوتو كانو يهدد فيها
تيم: الامووور لي تصرا فالبيت هاذي ما نحبهاش تخرج برا ...
افراح: ما صرى و ما راح يصرى والو ...
يعرف بلي النقاش معاها مش راح يخرج منو بنتيجة ايجابية ...
تيم: كولي
افراح: قتلك ما ناكلش ... و شافت معاه عينيهم يواجهو في بعضهم ....
قدم عندها .. حتى بقاو بينهم سونتيميترات ...
تيم: ما تناقشينيش
افراح: بلااك حاسب صح نتا راجلي و انا نطيعك ... قتلك ما بغيتش ..
هز قبضت يدو .... تشوف غي كيفاه راح تجيه فيها ... غمضت عييينها ... حتى حست بووووم فاللوحة تع السرير ... حلت عينها تشوف في عينيه حمر صح.... معناها عصباتو تع الصح .... بلعت ريقها ... و خرجت حروف من فمها ...
افراح: ب.عد عليا .. ناض من بحذاها... يهدي في روحو ... مشا خطوتين و عاود.. فوت يدو على راسو و دار لز على سنيه و هدر ...
تيم: مش حاب نتعامل معاك بعنف... ما تخليش وجهي الثاني يخرج .. راح تكوني نتي الخسرانة ...
و مشا لصالدوبان يغسل وجهو خلاها.. مصدومة ... توصل روحها لحافة الموت و تمنع ....
هزت المغرف و بدات تاكل... اصلا كانت تكابر قدامو برك ... الجوع قطعها
#هدولة
كانو فالبيت مع بعضهم ..
يوسف: كان مش موافقة بش.. قاطعاتو
احلام: عادي يوسف ... بش نلقاو حل كيفاه نرقدو فالغرفة .. ذرك نفرش فالارض
يوسف: من لغدوة و نشوفو كيفاه ...
تبسمتلو ..
احلام: علبالك يا يوسف.. انت احن انسان شفتو في حياتي ... و راجل تع الصح ... بش يهداو الامور و نطلقو نشوف شي بلاصة نقعد فيها.. انت تستاهل لي تحبك و تحبها ...
تقلق من هدرتها
يوسف: ما نحبكش تعاودي لكلام هذا .. انتي من مسؤوليتي ... مش راح نمشي نشوف حياتي و نخليك في نص الطريق...
احلام: ما تربطش حياتك بياا.. انا اصلا حياتي خلاصت من زماان
و غرغرو عينيها ...
قدم عندها ...
يوسف: تسأ تسأ ... ما نحبش نشوف الدموع ... مدامك وعايشة تتنفسي.. ما نحبكش تفقدي الامل ... انا حاس بيك وعلبالي شعور صعيب تشوفي لي حبيتيه مع غيرك
احلام: انا مهدي ما وليتش نحس من جيعتو حاجة صدقني يا يوسف... انا نسيتو بين ليلة و اخرى ... منعرفش لي فتت عليه نتا حتى قلتلي لكلام هذا ... بصح حط في بالك كلشي مكتووب
تبسملها حس انو حابب يحكي معاها لي مخبيه من سنين
يوسف: انا الطفلة لي حبيتها صح هي اول حب ليا اول طفلة ربيتها كيف بنتي .. انا حطيتها داخل عيني وعلقت روحي بيهم ... هي كانت حاطتني خوها و كلشي... غير اني نكون راجلها فكرة مستحيلة... المفروض عليا وقتها اني ننساها ... وكان لازم عليا ما نحبهاش ...
احلام: تحكي على افراح !
شاف معاها ... تنهد من قلبو ...
يوسف : افراح الطفلة الصبورة من صغرها ... كان في قلبها عذاب كبير و البسمة ما تفارقهاش ... تبسيمتها كانت مصدر فرحتنا كامل ...
هبطت دمعة من عينها ... وهي تتذكر في عمتها...
احلام: وهكذ كانت عمتي وردة وقتها ....من نهار خرجت من القصر ظلام علينا كامل ...
