🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.56📍✿
دخلتها ما خلاتهاش واقفة .....
فالصالة ... جابتلهم فتيحة لقهوة ....
شافية: خلينا وحدنا
حطتها فتيحة و مشات ... خرجت
غير خرجت ....
لقاتهم عند الباب
شفاء: شجابها وش تحتاج !!!
فضيلة: الله يستر من لي راح يجي .....
شفاء: بلكشي جات تدي حفيدتها ... و نتهناو منها ...
فضيلة: في بنتها ما جاتش كيفاه صار عندها قلب و شفقت على حفيدتها وجات تاخذها ما نتوقعش ...
فتيحة: فضيلة معاها حق ... كاين ورا جيتها حاجة .... هيا امشيو للكوزينة ... مشاو و كملو يتناقشو ...
حتى دخلت عليهم
افراح: شكون هنا!!
شافو كل في بعضهم و سكتو ....
#هدولة
شافية: وش جابك يا ڨرمية ....
ڨرمية: افراح
شافية:شتحبي منهااا ... ما عند حتى علاااقة معاها امشي من .... هي لا تعرفكم ولا عندها صلة بيكم ....
ڨرمية: مخبيين عليها صح
شافية: وش مدخلك خبينا ولا خبرناها .... وش يهمك فيها !!!
ڨرمية: لبارح فالليل افراح كانت مع تيم فالغابة ....و فهم منها انها ما عندهاش علم بشي .... و انا جيت نخبرها
تنطت شافية من بلاصتها ....
شافية: الزمي حدك مش حفيدتي لي تحكي عليها هك.... تفهمي... العار ما يجيبوه كان سلالتك نتي ...و غير بناتك و حفادك لي يتلاطمو فالغابات و فاليالي ....
ڨرمية: شاااافية نسيتي العار بديتيه نتي فالعايلة .... ما تحاوليش تتناساي الماضي ولا على الاقل ما تلعبيهاش قدامي ... كان ما هربتيش نتي وقتها ... مكانتش باه تكون لعداوة بين لعيلتين ....
شافية توترت لا يسمعوها لي برا
ڨرمية: ولا نفكرك بعمايلك!!! تربيتي وسطنا و ما فرقناك علينا... لا بابا و لا عمي فرقوك علينا ....قالو بنت ختهم على عينهم و راسهم ... ضربتينا في ضهورنا ...و هربتي ... انتي لي شعلتي النار هاذي يا شافية .... ما تحطيش اللوم على بنتي وردة ولا حفيدتي احلام .... النار تخلف الرماد ... و انتي لي شعلتي النار هاذي ...
#هدولة
افراح: بش نشوف وحدي مدام بلعتو لسانكم .. جات بش تروح نطقت .....
شفاء: قرمية عشماوي ...
قرصتها فضيلة باه تسكت
شافت فيها .... افراح ستغربت
افراح: ڨرمية ... وش مجيبها ... على جال احلام!!
فتيحة: وش يهمنا ...هيا بنتي ارواحي كعبري معايا الكفتة ....
ما ردتش عليها... و مشات متوجهة لصالة لحقوها .. غير وصلت حلت الباب و دخلت ... شافو معاها نطقت ....
افراح: وش مجيبك عندنااا وش تحتاجو منااا!!!!
شافية: افراح اخرجي من .....
افراح: مانيش خارجة نانا ... وش مجيبها
نطقت قرمية و هي تشوف في عينين افراح
ڨرمية: جيت نخبرك الحقائق لي خباوهم عليك....
افراح: ما نسمعش منك و ما فما حتى حاجة مخبية عليااا ..
شافت شافية في ڨرمية
شافية: خذيتي جوابك امشي من ... اخرجي من داري
ڨرمية: ما خذيتوش ... افراح تعرف هي بنت شكون!!!
افراح قدمت ليهم ... و هدرت
افراح: علاه ما نعرفش انا بنت كمال ال خليفة و وردة
ڨرمية: وهذا لي نقصد بيه .. و سقسيتك.... انت ما تعرفي شي ... و تبسمت
افراح: وش قصدك!!!
شافية: ڨرمية امشي من .... بجاه ولادك امشي
مش سامعة بيها و نطقت
ڨرمية: عيشوك في كذبة يا بنتي و بعدوك عليا ... ريحت بنتي الوحيدة .... سكتت شوي و نطقت انت مش بنت كمال يا افراح كيما راكي تتوقعي .....
أفراح: 😦😠
تفاجأت و فيسع تعصبت و نطقت
افراح: شوفي انت وحفيدك .... بعدو عليا ....ما نسمحلكمش ترميو كلامكم عليااااا... مرة دم العشماوي في عروقي و مرة مش بنت كمال ... وين باغيين توصلو
شافية: افراح اخرجي من .... يعيش بنتي
شافت فيها افراح و نطقت
افراح: مدامني مشني بنت كمال بنت شكووون انا
شافية: ڨرمية لالا بجاه ربي ....
ڨرمية: ......
افراح: وش لي بجاه ربي نانا !!!! علاه خايفة!!؛ انا بنت كمال .... ولا بنت شكووون
نطقت وراهم كي دخلت لصالة
شفاء : انتي بنت عمي سليمان يا افراح
شافية: شفااااااء ....
دارو يشوفو معاها .. و كلامها يتردد بنت سليمان ....
قلبها يخبط ... تجبد فالنفس... تجمدت في بلاصتها .... تتمالك في روحها ..... كانو غطسوها فالماء و عيات تتنفس .... قلبها قريب خرج من بلاصتو ....
زادت عليها كي نطقت
ڨرمية: و وردة امك هي بنتي الوحيدة ... وردة بنت حمدان عشماوي ....
عيات تنطق .... غير تشوف معاهم ....
حكمتها شافية من يدها ....
شافية: افراح
فمها يرجف و سنانها يخبطو في بعضهم
افراح:س س س سيبيني ...
كملت تهدر
ڨرمية: بوك الحقاني ما ستعرفش لا بيك ولا بامك ... كمال حمل المسؤولية ... امك عاشت لي تعيش فيه احلام ذرك ....
افراح: خلااص ... بزاايد يزي خلاااااااااااص ما نحبش نسمع ... تكذبووعليا
شفاء : افراح
افراح: خلييييييوني ما نحبش نسمع .. اسكتوووووو
حطت يديها في وذنهااا و تبكييي ..... ماااا نحبش نسمععع .... تكذبوووو تكذبو عليااااا...... ما نسممعععش انا بنت كماااال ....
قدمتلها ڨرمية و هدرت ... ما كنتش بش نخليهم يعيشوك في كذبة ... الذنب ذنبهم ....
شافية: اخرجي من ... قتلك اخررررجي .... اخرجي من داااااري يا ڨرمية ....
ڨرمية: مش بش نخليهالكم و بش نحرمكم منها كيف ما حرمتوني من شوفتها. .... وحرمتوني من بنتي
افراح جهامة بلا روووح ....
ڨرمية بش نرد حقها و حق امها و حق العشماوي كلو .....
شافت مع افراح لي في عالم آخر .... هزت روحها و مشات .. مهمتها كملت ...
