🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ 57.📍✿
شافية : افراح .. بنتي ...
هزت يدها بمعنى يزي
افراح: ما نحب نسمع والو
كل ذرة فيها ترجف ... مش مستوعبة لي صرا ذرك ....
شفاء عند الباب واقفا ... دخلت فتيحة و فضيلة لي كانو برا ...
فضيلة: وش صراا وش كاين ...
شفاء: امي افراح عرفت كلش ....
شهقو فيزوج ....
افراح تشوف معاهم ... الكل يعرف حتى من شفاء .... غير هي ... حست روحها في موقف الغبية لي لعبو بيها كيما يحبو .... كلشي جا عليها ورا بعض .. كانو بش يعرسولها بيوسف و بخططو ورا ظهرها ... و بعدها تيم و كلامو لي دخل فيها الشك ... كلامهم لبارح عليها ... و ذرك ڨرمية لي فضحت كلشي .... دموعها في عينها ... مش عارفة وش دير ...
افراح: انا عمري ما راااح نسامحكم ... مش رااح نسامحكمم ...
دزتهم و خرجت .....
شافية: افرااااح .... انا ماكنتش نحب الامور توصل هك .... افراااااااااح اسمعينااااا ... افراااااااااح
تبكي .... مكانتش حابة الامور توصل هك ....
#هدولة
بعد ما مشات من قصر ال خليفة توجهت ... لمجلس العشائر .... بش تنفذ باقي خطتها ... بما انو الجزء لول ... داراتو ... غير وصلت نزلت بكل هيبتها ..... و مشات
دخلت عليهم وين كل شيوخ العشائر متلايمااا ... اخر حاجة نطقوها
بلقاسم: وينو هذا علاه ماجاش ...
عمار: تهنى يا الحاج كلشي باش يتصلح ....
السكوت عم المكان ... وقت دخلت عليهم .. و خبطت العكاز لي في يدهاااا و هدرت...
ڨرمية حاجة ما تتصلح ... عيلتنا وعيلتكم بينهم دم وعرض ... لا انتو تنجمو ترجعولي ولادي و لا احنا راح نرجعلكم اراضيكم ... حق دم ولادي وعرض بنتي ...
الكل يشوف فيها ... واقفة حاجة ما تهزها ... معروفة بقوتها هي ڨرمية بنت هماام العشماوي كان بهيبتو و شانو و مرت حمدان ولد عمها ... رئيس عشيرة العشماوي ... ڨرمية لي ضحت بخمس من ولادها ولا هبطت دمعة من عينها ... معروفة بقسوتها و قوتها بين لعراش المراة الوحيدة لي نجمت تواجه كبار العشائر و توقف في وجهم ... و عند حدهم
ناض من بلاصتو ... و دار يشوف معاها بحكم كانت تهدر من وراه ...
بلقاسم : مدامك وصلت بيك انك جيتي للمجلس اكيد عندك كلام تقوليه ... ولا ما عندكش ثيقة في حفيدك ... و عمل روحو يتذكر في اسمو ....
و دار عند يوسف
يوسف: تيم الحاج ..
رجع شاف معاها
بلقاسم: تيم العشماوي لي لذرك لا شرفنا لحضورو ....
مع كمل كلامو تحل الباااب ... و دخل بكل هيبة ... عيونو كي المجرة ... هاوية و نطق بصوتو الخشين لي مخلط مع بحة ... بكل هدوء اما كانو صدا صوتو فالقاعة بقا يتردد ....
تيم: يضهرلي تعرف الاصول يا سي بلقاسم ... في غياب راجل العشيرة ممنوع تهدر مع مرا من عشيرتي حتى و تكون الحاجة ڨرمية ...
بلقاسم: نعرف الاصول اما انتو لي خالفتوها لا .. المرا ما تخرجش من دارها باه تواجه رجال بشلاغمهم في وجود رجال من عشيرتها ....
حميد: ستهدو بالله احنا تلمينا ليوم باه نجمعو بينكم مش باه نزيدو نشعلو النار ...
تيم: مش لازم مدامهم قبلو ياخذو الطفلة خلاص ... واذا على حقنا بش ناخذوه و فوق خشم اي حد معارض
هزت قرمية يدها ... و نطقت ..
ڨرمية : دم ولادي وخلصناه بالارض ... ذرك بش يجي الخلاص تع عرض بنتي و حفيدتي بش يتسلك ليوم ...
شاف فيها تيم ..
تيم : نانا ب...
قطعاتو
ڨرمية: كيف خذيتو منا بنت بش ناخدو من عندكم ... والاصول تقول هك .....
حميد: الموضوع تسكر يا الحاجة
ڨرمية: و انا عاودت فتحتو تو ...
بلقاسم: شفاء بنت ولدي مفتحة و معرسة على ولد عمها مهدي ما عندناش بنات لزواج و على حسب معرفتي انتو ما عندكمش ولاد لزواج ....
شافت في تيم .....
عمار: نقتارح تختارو بنات من عشيرتكم و ولاد من عشيرت العشماوي يا الحاج و تعملو زواج جماعي و يتحل الموضوع ... وش قلت سي تيم ...
ڨرمية: العرض عرض بنتي و عرض خطيبتو السابقة .... و انا لي نجاوبك يا عمار ... انا ...نتكلم على حفيدتي افراح بنت وردة.... و دارت تشوف مع بلقاسم ....
ناض يوسف من بلاصتو ....
يوسف: جدي وش راهي تقول ... شاف فيه و سكت
يوسف: افراااح مش ليييكم تفهمي مجرد تخمااام ما تخمووش ... مش رااح نسمحلكم .... خليكم بعااد عليها
تيم قلق و تعصب ....
تيم: نتا بذات ما تهدرش ... في وجود رئيس عشيرتك ما عندكش كلمة قدامو ...
يوسف: جدي بش نكسرلووو فمو .. هز يدو بمعنى يزي و هدر
بلقاسم: ههه لا تكوني معولة تديها ضرة لحفادك ....انا ولا يمكن نسمح لهذا يصير ...
عمار: يوسف خلي لكبار يهدرو ....
ڨرمية : افراح بش تكون زوجة اغا عشيرتنا تيم بما انو سامعين انو خاطب ... خطيبتو احلام لي هربت .. و شرفها من شرفو ...بش يتسدد ...
حل عينيه و دار شاف معاها ...
