🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.78📍✿
دخلو لدار ... قريب تغرب الشمس ....
الياس: انا بش نروح نرتاح حاسس روحي كان نزيد خطوة نطيح على وجهي لبارح ما رقدتش ...
تيم: باهي وانا بش نفوت نطمن ڨرمية علينا تلقاها نهار كل بالها مشغول ...
حتى خرجت عليهم ....
رقية: اهلين بيكم ..
الياس: اهلا خالتي راكي مليحة!!
رقية: نحاول نكون
شاف في تيم .. و نطق
تيم: قريب بش تكوني مليحة
رقية: كشما شفت ام تكون مليحة كي ولادها ما يكونوش ملاح!!
تيم: يفرجها ربي
رقية: ان شاء الله .. الياس نحب نحكي معاك
الياس: خير
مشا تيم و خلاهم مع بعض...
رقية: هند
تنهد ...
الياس: وش بيها ثاني ...
رقية: ولدي هي ام ولادك و بنت عمك قبل ما تكون مرتك...
الياس: انا ما نقصت عليها حتى حاجة لا هي ولا ولادي هي لي مرضت روحها و قريب تمرضنا معاها و انا بش ما نكذبش عليك مليييت منها و من تصرفاتها
رقية: حاول تسايسها
الياس:كان تحبي قدرك يقعد عزيز يا مرت عمي ما دخليش روحك وسط راجل و مرتو ... احسن ..
و مشا خلاها .....
#هدولة
فات عندها ... ريحة القهوة لي ترحي فيها تغلغلت لمخو ... توجه ليها... شافت فيه .... و نطقت
ڨرمية: الحمد لله على سلامتك
تيم: يسلمك .. وش راكي!!
ڨرمية: كيما راي تشوف عينك لباس بيا
تيم: مقلقة من حاجة!!!
ڨرمية: وين مشيت ونتا عريس وش يقولو ناس!!!
مشا قعد مقابلها و هدر
تيم: خلي يقولو لي يقولوه.... لمهم نتي وفيتي بوعدك و جبتي حفيدتك عندك ...و هذا لي يهمك مش كلام ناس ...
ڨرمية: جبت حفيدتي عروسة لحفيدي ... عروسة ليك مش عروسة لياا .. هذا هو لي ناوي على عشر ولاد
تبسم.. و ما قدرش يلم ضحكتو... و طلقهاااا اول مرة تتسمع ضحكتو تلالي فالقصر ....
شافت فيه ڨرمية.. ضحكتو من سنين ما سمعتهاش .. تبسمت.... بعدها هدرت...
ڨرمية: وش يضحك فيك قلتلك لعيب... هذا كلامك نتا
تيم: مالا بغيتي حفيد من ليوم لول ولا كيفاه يا لحاجة ڨرمية
ڨرمية: دبر راسك ....
عاود جمع ملامحو و نطق
تيم: كلش في وقتو مليح... اصلا وينها
كملت ترحي فالقهوة بالرحاية الصغيرة .. جاوباتو بلا ما تشوف فيه ...
ڨرمية: شكون!!
دور وجهو ليها قد قد
و نطق
تيم: مرتي
(وححح قشعر لحمي هههه)
طلعت عينيها لمكحلين تحطو مع عينيه ..عينيها فيهم لمعة فرة بعدها تفكرت ... و هدرت
ڨرمية: ليوم جات بنت عمها سممتلها بدنها بلكلام ...
عدل قعدتو ...
يسمع فيها تعصب داخليا.. ما يبغيش ال خليفة يخطيو خطوة عندو ... بصح ما بينش.. بقا يسمع باقي لحكاية
ڨرمية: قالتها بلي فرغولها بيتها لي كانت فيها... و جات رماتلها قشها قدامنا... و بلقاسم قال ما يحبش يلمح حاجة من حوايجها فالقصر ....
تيم: خلي وهي وش مقلقها فالموضوع!! ونتي علاه ما دخلتيش و طردتيها! اصلا علاه تقابل فيهم ...
ڨرمية:هدي روحك ... افراح مش كيف مبينا من برا يا ولدي انا فهمتها قبيل من تصرفها معاها .... فاللحظة اذيك ردت عليها... رد قاسي... لي ممكن انا ما كنتش اني نجم نردو فالدقيقة هذيك.... وقالتلها ما نحبش نراكم في قصري .... بصح بعدها ... انا شفت الدموع في عنين افراح... لمتهم وطلعت للبيت من وقتها ما نزلتش
فرح من داخل ... اصلا من لبارح عرف انها مش لي تسكت على حقها كيف قابلت يوسف .... و طرداتو
هدر
تيم: كشما كلات!!
حركتلو ڨرمية براسها لا ...
ڨرمية: حاجة ما فاتت من حلقها ...
قام من بلاصتو و مشا خارج ....
ڨرمية: وين!!
تيم: .......
كي خرج من صالة تمتم ... بين شفافو ..
تيم: بش نرضيها...
