🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.127📍✿
خرج و توجه مع الياس و فيصل ... حبسو كيما لمجلس نزل عدل كوستيمو ...
الياس: والله الحاج عمار ما صدق كي وصلتلو خبر
تيم: انا نعزو الحاج عمار وقف مع عايلتنا و معروفة عشيرتو ...
فيصل: انا مشيت صغير بصح كي رجعت لقيتو اول حد وقف مع عايلتنا
تيم: انا ثاني كنت كيفك يا فيصل بصح بش نعيشو لي جاي و ننساو لي فات...
فيصل: انشاء الله
تيم: هيا خليو ندخلو...
دخلو ثلاثتهم بهيبتهم .. خطواتهم مع بعضها .... وصلو للباب .... حط تيم يدو على لمقبض و حل لباب ....
دخل هو اللول ... قابلوه كبار العشائر ... شافو جيهتو .. غير لمحوه ناضو ... و فرحانين بجيتو و رجوعو ..... مشا سلم عليهم ....
و قعدو ...
عمار: نورتنا و فرحنا برجوعك
تيم: منورة بيكم ...
محمد: فرحنا و ما صدقنا ...
عمار: لي فات بش يتسكر ...
الياس: عشيرة ال خليفة مش جايين!!
براهيم: يوسف بعث خبر الصباح هاذي يقولي حالة مرت المرحوم مش مليحة
تيم: يعرفو بلي صار!
عمار: لا غير احنا الحاضرين لي نعرفو ... و خلف يوسف بلاصة بلقاسم
تيم : وين نجم نلقا يوسف !
شاف فيه الياس مستغرب
براهيم: بش يجيب الحاجة من السبيطار و راجع
عمار شاف فيه و تبسم
عمار: طول عمركم هك العشماوي بالكم طويل و قلبكم كبير ...
تيم: الحمد لله لي خلا عرضنا مليح
محمد: ربي يتقبل عليك ..
تيم: امين ... انا بش نمشي ذرك
عمار: ما شربت والو
تيم: بش نتقابلو من جديد ...
الكل انشاء الله
عمار: خلي نمشي معاكم خلي حد كبير يصلح الامور
محمد: عندك حق ...
تيم: باهي ...
شاف في فيصل و الياس ... و ناضو توجهو لطموبيل ركبو .. عمار ركب وحدو ....
الياس: تيم ما ترووحش
تيم: الراجل قتل جدو يا الياس على خاطر واحد منا
فيصل: كي نتفكر حد مات بسبتي
الياس: كان ما ماتش هو كنت بش تموت نتا ...
تيم: هيا
و ديمارا .... مسافة عشر دقايق كانو عند باب القصر .... قصر ال خليفة ..... غير شافو طموبيل عمار حل فاتح الباب .... و دخلت وراها طموبيل تيم ..... غير شاف تيم هو لي يصوق تخطف.... خاطرو ما سمعش ....
نزلو من الطموبيلات .... توجه ليهم
عمار: يوسف هنا!!!
جاوبو و عينيه مع تيم
فاتح: ايه الحاج غير وين دخل ...
تبسم معاه تيم ... و هدر
تيم: مش خيال هذا انا تيم هههه
ضحك عمار ...
عمار: بش يسمعو الكل برجوعك...
ستوعب فاتح ... و مشا سلم عليه ....
فاتح: سامحني ستغربت... الحمد لله لرجوعك ... فرحت والله ...
تيم: يعيشك ...
الياس: مد خبر ليوسف ...
هوما هكاك تحل لباب من وراهم .....
و تركزو عينين يوسف مع تيم .... دار سلم على عمار لي واقف على يمينو .... الياس و فيصل ورا تيم .... يستناو في يوسف يقول شي حاجة ولا يمعني بشي ...
حتى توجه لتيم ... و وقف عندو ... و هدر
يوسف: الحمد لله على سلامتك ...
تيم: يسلمك ...
يوسف: فرحت كي رجعت بخير و على خير لعايلتك و عشيرتك ...
تيم: وانا عرفت لي صرا فعايلتك ... البركة في راسكم ..
حركلو يوسف براسو ... اصلا يضرو قلبو كي حد يعزيه في جدو ولا ...
بقا الصمت معبي لمكان ....
تيم: انا نخليكم ذرك .. نهاركم زين
قبل ما يمشي ... هدر يوسف
يوسف: انا ضيافي ما يوصلوش للباب و يرجعو بلا ما نضيفهم ....
شاف تيم في عمار لي تبسم ...
يوسف: لي صار من سنين ما عندي دخل فيه ... نتمنى تتفضل وخلينا نبداو بصفتي يوسف و بصفتك تيم ... وخلي المشاكل كلها على جيهة ...
تيم كبر في عينو يوسف.... تفكر اول ما جا... و حب يعرف على العايلة العدوة... عايلة ال خليفة كلشي.... وقتها فاتح قالو انو يوسف مش كيفهم... هو سبع ال خليفة .... و ذرك تأكد من هذاك لكلام... هو لا يشبه بلقاسم ولا هو من اتباع بلقاسم .... يشوف مع يوسف.... والاحداث تمشي في راسو .... فالاخير هو لي جاب الرجال و لحقهم للحدود... هو لي انقذ يوسف و كان السبب في موت جدو....
عينيهم مع بعضهم.... حتى ترسمت تبسيمة على وجه تيم .... و هدر
تيم: و انا ما تربيتش باه نرد لي يكرمني ...
الياس واقف ملامحو ما دل على شي ... خايف و متردد من انو يكون ورا هذا فخ... يقولو لي قرصاتو اللفعة يخاف من لحبل... و الياس هكذاك.. مش ضعف شخصية ولا حتى نقص كارزما... هوما ترباو على الخوف و انعدام الثقة في اي حد غريب ..... اما فيصل تبسم مع يوسف... رتاح قلبو جزئيا انو ما حطوش العراش اللوم عليه في موت بلقاسم .....
فتح يوسف الباب... و دخل تيم و عمار و لحقوه الياس و فيصل
