🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 164📍✿
بعد ساعة كلشي وجد ... المعاريض جاو .... الكل قاعد فالصالون قبل ما يروحو للجردينة لكبيرة وين بش تكون الحفلة .... دخل يوسف و احلام و بناتهم سناء و هناء ...
هند: و هك تكون تلمت العايلة الكل و مشات تسلم على اختها ...
نطقت افراح: وينهم وينهم عماتي!!
احلام: امي فتيحة تعبانة شوي ...و خالتي فضيلة ما حبتش تخليها وحدها
افراح: اللطف وش بيها
يوسف: زدرانة ما حبتش تجي تعدي و خاصة الدار الله يبارك تعبات بالصغار
تبسمت افراح ... بعدها رجعت شافت فيهم
افراح: و شفاء!!!
قبل ما يردو عليهم تسمع في صوتو الرقيق
آصف : امي افرااااح امي شوفي شكوون
تشوف فيه حاكم شفاء من يدها و يحب يدخلها لصالة ....
توجهت و نطقت ..
افراح: اصف اطلق خالتك ...
آصف: نحبها تدخل علاث هي واقفا هنا
افراح: بش تدخل ... خالتك شفاء بش تكون معانا ديما و جميع لمتنا ..
مش هك يا خالتو!!
تبسمتلها شفاء .. و نطقت
شفاء: اكيد يا بڨوص ....
افراح: يعيشك كي قبلتي تشاركينا و جيتي .. تفضلي ادخلي ...
حبستها ..
شفاء: افراح سامحيني على كل لي عملتو فيك ...
شافت فيها
افراح: الماضي يبقى ماضي و خلي نعيشو حاضرنا ....
و مشاو دخلو ....
الكل فرحان حتى نطقت .. بصوت تعبان معلوم راهي فاواخر الثمانين من عمرها
ڨرمية: محلاها اللمة فرحانة لي شفت احفادي و ولاد احفادي مجمولين عليا و العيلتين متصالحين ... ذرك نقدر نموت مرتاحة ...
افراح: ربي يديمك و خليك معانا ...
ڨرمية: بزايدني عشت لي يكفيني .... الحياة الجاية ليكم ....
الكل في حالة صمت و هوما عارفينها كبرت ... و اليوم لي يروح احسن من لي يجي عليها ... كل يوم تزيد تفشل كثر من لي قبلو .... افراح دمعو عيونها ... ما حبتش تبكي قدامها ... هزت روحها و خرجت للجردينة ..... وين لحقها تيم و حضنها ليه تيم ....
