🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.138📍✿
قربت ليها .... و همستلها ..
ڨرمية: يعني ما صار بينكم شي !!
افراح حمارو خدودها ... و حشمت ترد عليها .... حركتها هيه براسها
ڨرمية: تيم مقصر معاك فالموضوع هذا!!
مزالت مهبطا عينيها فلرض ...
افراح: لا ....
ڨرمية: وش مالا !!!
افراح: انا نانا .... انا لي ما قبلتش ...
كأنو ڨرمية فهمت المشكل ... تبسمت و نطقت
ڨرمية: يعني قلتي نشفلو دمو شوي
تبسمت....
افراح: اما دمي لي نشف ههه
ضحكت قرمية ضحكة بعد السنين هاذي كل هههه
ڨرمية: هههه باهي خليه علياا ..
شافت فيها افراح مستغربة ...
ڨرمية: ما تخافيش مش بش نقولو .. بصح نعرف كيفاه نأثر عليه
افراح: نانا 🥺
ڨرمية: قتلك متهنية كلامك في بير
سدت فمها بيدها ...
باستها افراح من جبينها ... و مشات تعاونهم .... خلات ڨرمية تخمم و تتبسم وحدها ...
#هدولة
لعشية ... الكل لاتي في حاجة يخيطو بالكروشي ... افراح كانت في بيتها .... جبدت دفترها.... وحلاتو بدات تكتب ...
اليوم الخامس على التوال .... و بين احضانه قد اعلنت ثورتي ... وحدود عقلي اعلنت برائتها مني ...لقد اثرت جنون شهوتي ... احساسي ينهار كلما اقتربت منك .. اصبحة ضحيتك ...ف لما انت بخيل هكذا ... كن كريما .. و اسمعني طرب كلماتك ...لا تجعلني اعيش في منفى الشوق ...
فانا الان اشتهي .. التمرد ... الذي يبدأ بهمس و قبلة منك و ينتهي .. بعالم من الجنون ... لكلانا
( تسرق وحدا الشعر تاعي نقطعها هههه )
#هدولة
هيا هكذاك تكتب ... تحل لباب بقوة و دخلت عليها تبكي ...
فداء: ااااا اااااا 😭😭
نطت ليها ..
افراح: فداااء وش بيك !!!
فداء: سيف علنبعب حوايجي
افراح: ما فهمتش علااه راكي تبكي !! ضربك سيف!!
فداء: كالي ما تلعبيش بحوايجي و نحب نكتب فالكراس
افراح: عندو حق هو عندو امتحانات و نتي تفزديلو
فداء: ما عنديش وش نكككتب ...
افراح: باهي ... ارواحي نعطيك ورقة من دفتري ...
مسحتلها دموعها ... و عطاتها ورقة من الدفتر و خلاتها تكتب في شومبرتها ..
افراح: انا بش ننزل كي تكملي تكتبي جيبيلي نشوفلك
خرجت خلاتها ....
مرت نص ساعة و تيم كان عند باب القصر من غير عادتو ... فالوقت هذا ....
هند: تيم جا ... تخطفت افراح من بلاصتها ... ما عرفتش وين تروح ... راحت درقت ورا الباب قدام عينيهم
ڨرمية: وش بيك
افراح 🤫🥺
دخل عليهم ... عينيهم لي كانت في افراح رجعو فيه هو ...
تيم: السلام ..
ردو عليه
عينو عليهم ما لقاهاش وسطهم
ڨرمية: خير جيت بكري ليوم !
تيم: محتاج وراقي نديهم من ...
ڨرمية: باهي تروح لعشاء!
تيم: منعرف .. افراح ويني ؟!
قلبها يخبط 200 فالثانية .... رجليها رجفو هي في حد ذاتها مش فاهما علاش
سكتو شوي .. توسوسلهم ... حتى نطقت هند
هند: لفوق مع فداء ...
حرك راسو اوك و خرج ... طلع الدرج ... كان بش يفوت للبيت تع فداء رجع بطل و مشا لبيتو غير دخل ... لقاء فداء فلرض ... راقدة على كرشها و رجليها من لور ... و لورقة قدامها و ترسم ....
شافت فيه و عينو على كل لبيت يحوس عليها....
فداء: عمي تيم زيدلي ورقة
تيم: طاطاك ويني !
فداء: افراااح!! خرجت
مشا هز الدفتر عرفو تع افراح... كان فوق السرير ... مع حلو لقا مكتوب .... قرا سطور لولين .. دور الصفحات لقا بزاف حوايج كاتبتهم .... هزو مشا هز حطو وسط لورق لي كان بش يهزهم... مد ورقة لفداء ... و جا خارج لقاها متوجهة للبيت ... غير شافها قلبو ضرب .. رقبتها كلها تبان ... سيقانها ثاني .... وقفت تشوف معاه ... مشا ليها
وهدر بصوت خشين ...
تيم: خرجتي هك!!! راكي ديري في رايك!!
افراح: مكان حتى راجل و سيف في بيتو يقرا ... هبطت نشرب لماء و نطلع ( اه يا الكذابة هههه )
تيم: بااهي نتي ديري راايك و انا ندير رايي ...
افراح: ما درتش رايي
شاف فيها مليح
تيم: مش قاعد ذرك كي نروح لعشية نتفاهمو
افراح: مش لعشية الليل قصدك
تيم: المهم كي نروح نتفاهمو
و مشا خلاها ...
غير نزل خرج برا جبد الكارني هذاك و بدا يقرا فيه و يتبسم
