🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 59📍✿
سمانة على اخر لقاء على قرار مجلس العشائر .... مرت سمانة على افراح و مزال الماء تتحتها يمشي و مش فايقة .... كلمة ما تحكيها معاهم ... حتى ما تخرجش من بيتها .... الكل مجمولين فالصالة ....
شافية: الحاج لوكتاه نبقاو هك .. كل يوم يمر نخلصوها حنا الوقت يمر و العشائر تستنا ...
احلام قاعدة من بعيد ... عاقدة يديها ... الخوف في عينيها ... هي في وسطهم كي الخضرة فوق طعام .... تخلص فالعملة لي دارتها ... و هاهي افراح تخلص معاها ....
بلقاسم: عيطولها
فتيحة: ما تحلش علينا ...
بلقاسم: يوسف هي تسمعلك روح عيطلها
يوسف: جدي ما تضغطش عليااا انا من الاول رافض الفكرة .... الا افرااح ما نسمحلكمش ترميوها لعدو بيدينا
بلقاسم: اذا عندك حل اخر قولو ... انا كلمتي ما طيحش قدام الرجال .... و نتا لي وصلتنا هنا بقراارك تفهم ...
يوسف: نتا لي قبلللت يا جدي حتى مجاتش قي بالك تعااارض على زووج اراضي بش تحط حفيدتك فالناااار .... علااااه
بلقاسم: يوووسف ما تعلييش صوتك عليااا
يوسف: والا وااااش تحرمني من الورث ؟!!!! انا مانيش مهدي نتهدد بالحاجة هاذي ....
فتيحة: يووووسف ما تحكيش هك على خووك
يوسف: مش خوووويا و ما يشرفنييش
نطقت
احلام: يزيييو خلااص رجعوني لعايلتي .... خلي نموووت ....و هك حد ما يتحمل مسؤولية لي عملتو ... دموعها في عينها
يوسف: كلمة ما نسمعهاااش منك.... و قصة ترجعي لداركم انسااايها .... حطيها في بالك انت فالدار هاذي مرت يوسف ....
و رجع هدر مع جدو
يوسف: حل الموضوع هذا.... والا كان تخرج افراح من الدار هاذي السماء نطبقهاااا عليكم ....
جا خارج نطق معاها (احلام)
يوسف: احكمي بيتك حتى نرجع ... و دار يوصي في مو
يوسف: حد ما يهدر معاها في غيااابي... ونتي بذات يا شفاء نبهك كان نعرف زودتي كلامك معاها حسابك بش يكون معايا لمرة هاذي مش كي قبل ...
احلام عجبها لحال اول مرة حد يدافع عليها و يحميها ... حست براحة من جيهة يوسف .. رغم انو لذرك ما حكات معاه وحدهم ...
هدرت شافية
شافية: امشي لبيتك ...
حركت براسها اوك و خرجت ...
بلقاسم قاعد يخمم
شافية: افراح وقت تعرف ...
قاطعها
بلقاسم: بش تقبل ما عندهاش حل اخر ... ليوم بش نخبروها .. بقا للموعد يومين ....
فضيلة: الله يستر
فتيحة: امين ...
#هدولة
غير خرجت من الصالة .. وصلت لدروج شافت لفوق .. مترددة تطلع ... حتى حطت خطوة و طلعت ... قابلوها بيبان .. منهم لي مسكر و خرين بيبانهم مفتوحين ... جات عينها على الضو لي خارج من بيت ... توكلت على الله و توجهت ليه ... دقدقت و حلت الباب مقفول .. حتى سمعتها تهدر من ورا لباب
افراح: قلتلكم اخطووني ... بعدووني
بلعت ريقها و هدرت
احلام: افراح هاذي... انا احلام ....
كانت حالا دفتر لي تكتب فيه .. غير سمعت كلامها دارت تشوف مع لباب .. حطت القلم و قفلت الدفتر و وقفت ... توجهت للباب
افراح: شكون معاك!!
احلام: و وحدي ...
سكتت شوي ... و دورت المفتاح و حلاتو ... تشوف فيها قدامها ..
افراح: وش تحتاجي! اذا جايا بش تلوميني على كلش نقولك انا راني نخلص ذرك .... ما عنديش مورال تلوميني عليه .... انا مدمرة تقدري تستشفاي فيا ...
احلام: لاا ... انا جيت نحكي معاك فموضوع ...
شافت فيها مليح ..قلبت عينيها و دخلت ...
افراح: اقفلي لباب و راك ...
قفلاتو و لحقتها
احلام: انا ... انا
افراح: يا اما احكي ولا خليني ... مش ناقصة تلعثيمك ... ادخلي للموضوع بلا ما تلفي و دوري ....
احلام تعجبت من كلامها و نطقت
احلام: كنت صغيرة .. عمري ثلاث السنين وقتها ... ما نشفاش مليح ... لي نشفالو ..عمتي كانت احلى حاجة في عايلتنا ... كانت هي بسمة لقصر ... فرحتو مبنية عليها ... غير تحضر وردة الفرحة ما تفارقناش ... نور عيون نانا و جدي و بنتهم لوحيدة ....
افراح غير تسمع و مركزة معاه ... تحب تعرف امها ملييح ... بما انو ما تعرف عليها والو ....
احلام: عمتي هي رباتني انا و تيم ... و خاصة تيم كان متعلق بيها خاطرو محروم من حنان الام .... وهي عوضاتو ....
افراح: وش صرا!
احلام:في ليلة نيمتنا عندها .. حكات حاجات كانها تودع فينا .... قالت لي هي تعلمت الامومة منا و بش تعرف تربي صغيرها يديها على كرشها طول لوقت.. عمتي كانت حبلة بيك يا افراح ... خبرتنا انو عندها صغير و فرحت انا وتيم انو بش يجي صغير يلعب معانا ....
عينيها تغرغرو دموووع ... افراح تستنا تكمللها
احلام: ليلتها لقصر تقلب ...و الكل يدور عليها خاطرها هربت ...غير انا و تيم لي كنا نعرفو و سكتنا ... عمتي ودعتنا و وصاتنا ما نخبرو حد وين مشات... ...
افراح: بعدها ...
احلام: الكل قايم ...انا لي هدرت و خبرتهم انها مشات هي وصغيرها لي في كرشها ... كنت صغيرة ... حتى من وقتها تعاوكت مع تيم خاطر فشيت السر ...
و هبطو دموووعها هي و افرااح
احلام: من وقتها انا ما شفتهاش و مع لوقت نسيت انو كانت موجودة ... اسمها تمحى فالقصر .. الا تيم قعد سنين و هو يستنى على امل ترجع ... كان يقول نكبر و نعرسو انا وهو و بنتنا نسموها وردة... لدرجة حبو لعمتي .... ...
