🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.124📍✿
تبع فيه بعينيها ... مشا بدل قشو .. خرج يقفل فالشوميز .... يشوف فيها وراه من لمراية ....
كاين كلام بين شفافها و حابة تقولو .... نطق
تيم: لي حابة تقوليه غير اهدري
و دار ليها
شافت فيه ...
تيم: لا تكوني راح تطلبي ذرك
و غمز حط عينو فالسرير
حشمت و هبطت راسها .....
و خرجت حروف من فمها
افراح: لالا
تبسم علبالو راح يتعب فالقرار لي داه .... راح تشيط ريقو و ما تنطقش .. .
تيم: خير
افراح: تيم في غيابك كنت نخدم ... قلت نقولك انا ذرك خير ما تسمعها من حد
طلع حاجب و هبط لوخر ....
تيم: وش تخدمي !
افراح: مع الياس و فيصل
تيم: وش عندك خدمة نتي في امور الجنانات و الحقول هذااك ما خصني ذرك مرتي تخدم مع الرجال
افراح: انا ما قريتش باه نقعد فالدار و الخدمة لي عطاوهالي مش مع الرجال نخدم مع الياس و فيصل
تيم: افرااح ما تقلقينيش على الصباح
افراح: انا ما قلتلكش هك باه تقلق ... قلت نقولك باه نكمل في خدمتي
تيم: مالا يش نمدهالك ذرك مكانش خدمة ...
افراح: انا مش نشاور فيك ... و نانا وافقت
كمل عدل الكول تع شوميز و هدر بعصب
تيم: بش ننزل و نحاسبهم كفاااااه يخليوك تخدمي وش من عرف
افراح: مكااان حتى عرف يحكم فياااا انا قررت و خدمت ... و بش نكمل نخدم و عاجبني الحااال
تيم: هذااا في غيااابي انا رجعت وهدرتييي لي تمشي
افراح: مش علياااا.
الدم يفور في عروقو .... الجن لحمر ركبو .....
لز على سنانو و هدر
تيم: اخر يا افراااح اخر مرة تعارضيني
خلاها واقفا في بلاصتها عينيها حمر .... و قريب تطرتق ....
مشا هز ساعتو ما جا يلبسها حتى خرجت و خبطت لباب من وراها .... تمتم
تيم: هذا لي ناقصني .....
رش بارفانتو ... و خرج لاحقها ...
#هدولة
نزلت ... فاتت لصالة لقاتهم كل ثم ضحكاتهم تلالي ... عكس ليام لي فاتو الحزن كان في كل بلاصة فالقصر .... حتى من لحيوط تبدلو كانو مغمومين و رجعو ضاوييت .... تبسمت وهي تشوف فيهم هكاك ....
افراح: صباح الخير ...
دارو ليها كل صباح النور ..
سيف: وينو عمي تيم مش مصدق
بدر: وانا ثاني
ضحكت هند امهم
هند: كي قلتلهم الصباح مش مصدقين
افراح: انا و لذرك مش مصدقة ..
دخلت قرمية:لا صدقو تيم الحمد لله رجع بخير و على خير ...
الحمد الله و ليوم نعملو معروف على هذا
الياس: وينو
دخل عليهم ..
تيم: صباح الخير ... المعروف عليا!
الياس: اها عليا هههه
توسعو تبسيماتهم كل غير لي توجهت قعدت في بلاصتها ... تستنا فيهم يجيو يفطرو
مشا سيف و بدر يسلمو على تيم ... و فداء ختهم الصغير ثاني هزها بين يديه ... و توجه بش يقعد في بلاصتو ...
فداء: عمي كنت فالجنة ؟! هي مليحة
ضحكو كل ...
تمتمت افراح : كان فالجنة تع العاهرات
سمعها و محسوب كل سمعوها تركزو عينيه معاها ... ما حبتش تشوف معاه ...
احلام: فداء ارواحي عندي صحيتي خالتي خلي تيم يعرف يفطر ...
الكل قعدو يفطرو بالضحك و يحكيو فلي فاتو ....
ڨرمية: تيم كول من الكسرة افراح لي دارتها ...
طلعت افراح عينها ليه .... لقاتو مطفيها .... تقلقت ...
احلام: يعطيك الصحة تهبل
افراح: كثر خير خالتي زينة والا مكانتش راح دجي هك
زينة: ما عملت والو غير ولهتك برك
تبسمتلها و كملو يفطرو ....
بلعت اللقمة لي في فمها .. و نطقت ..
افراح: صحا عليكم ... و ناضت
ڨرمية: كملي افطري
افراح: لا نطلع نلبس قشي بش نمشي مع الياس و فيصل ليوم عندي خدمة ...
شافو في تيم .... لي كمل يمضغ براحتو ... و هو النار تڨدي داخلو .... جات راح تمشي .... خبط الطابل بقبضة يدو فجأة خلاهم كل يتخطفو و نطق فاللحظة
تيم: ارجعيي بلاصتك ..
كملت مشات ... الدم رجع يفور في عروقو ... دار شاف معاها و عيط بقا لحيوط ما تزلزلوش
تيم: قلللللت لر....بك ارجعيييييييي بلاصتك ....
دارت تشوف معاه و رجعتلو بنفس النبرة
افراح: ماااا تعيطش عليا ...
ڨرمية: تيم هدي روحك
دار ليها
تيم: ما تدخلييش حسابي مزال ما بداش معاك ..
افراح: اذا عندك حساااب افريه معااايا
تشرف فيه ... عينيهم نااار تقابلو من جديد يتحداو في بعضهم ..
تيم: مااتحكيش حاجة تندمي عليهااا و قتلك ما تعارضينيش
افراح: انا مرتك مش عبدتك افهمهااا ما تنجمش تحطم احلامي بي بنيتهم
الكل يشوف فيهم .....
خبط كرسيه طاح ... و قدم ليها ... بدات ترجف و الخوف ركبها ....
بصح مش مبينا ليه ...
تيم: اطلعي لاحقك ..
افراح: قالك مش عبدتك ما تامرنيش
تيم: افرااااح اطلعيييييييي
ناضت ڨرمية و عيطت
ڨرمية: تييييييييييييم يزييييي
و مشات ليهم ..
ڨرمية: يزييييي نقاشاتكم يتحلوو بينكم ... و انت افراح اطلعي لبيتك يالله
شافت فيه بتحدي و خرجت
