🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.76📍✿
غير خرج من لباب .. لقاه يستنا فيه .... خطفو و حصرو مع لحيط .... و خنقو بيدو ..... جن ركبو من لعصب..... حس روحو مكتف ليدين لداخل .....
تيم: شكووون هي ... وين لحتني نتااااا ويييين .... يهوووود خلاه ....
مراد: سيبني بش تخنقني ... تيم سيبني
تيم: تكللللم وين باغيااا توصل لمرا لي لداخل... من ورا كلااامها فايقلها .... كاين حاجة وراها
جا الياس يفك فيهم .... رجع يكح ... و يرجع فالنفس ...
مراد: نتا قتلي محتاج معريفة في ليبيا و هاني وصلتك ...
تيم: كونك واثق كان ما نجمتش عليييها ....حسابي بش يكووون معاااك نتا......
مراد: و رقبتي سدادة لييك ....
تيم: باهي ابقى عند كلمتك للوقت هذاك ....
و بعد عليه .... و رجع هدر
تيم: امانتها بش تلحقك غدوا مع الياس
مراد: باهي ...
تيم: هيا الياس خلي نمشيو ...
مشاو ركبو .... و ديماراو ...
الياس: زعما تقدر عليها!!
تيم: انا مش واثق منها !!
الياس: بصح مراد صاحبك مش بش يحطك فالنار
دار شاف فيه شوفة نااار و هدر
تيم: انا نفسي و ما ناثقش فيها .... و لمرا هذيك مش مطمنلها .... كاين من وراها حاجة ما تبشرش بخير ...
الياس: تحب نبعث جماعة يسقسيو عليها !!
تيم: مش لازم... المهم ذرك توصلنا لوين حبينا ... كان شفنا حاجة هك ولا هك بش نتصرفو معاها كيما يلزم ...
#هدولة
ترشف في قهوتها ... بالها مزال عند تيم ...
زينة: خالتي ڨرمية راكي مليحة!!
ڨرمية: مليحة... قوليلي عروستك ويني !!
تنهدت
زينة: هند من يوم العركة و حاطتنا كل اعداءها ...قافلة على روحها في بيتها و ما تخرجش منها... غير لضرورة .... والله خايفة عليها.. و خايفة تأثر على ولادها ثاني.....
ڨرمية:هذا كلو من ولدك الطايش .... هيه و امها وش دير!!! علاه ما تحكيش مع بنتها ولا ڨرمية لي تحل مشاكل الناس كامل فالقصر هاذا
زينة: ماكي تعرفي رقية ... هي بروحها تشف... من جيهة ولدها لي من عشر سنين ما شافتو ولا سمعت صوتو ... ولا احلام .... و لا هند ...
ڨرمية: راهم عايشين لباس بيهم... تحمد ربي لي ماهمش تحت التراب .... وانا وش نقول في مكانها ...
و قامت من بلاصتها ....
زينة: كشما تحبي نجيبلك ما تعبيش روحك.. انتي اقعدي ارتاحي...
ڨرمية: بش نشوف حفيدتي
زينة: هند ؟!
شافت فيها ڨرمية .... هزت سبحتها من فوق الطابلة وهدرت
ڨرمية: لا افرااح ...
#هدولة
دقدق باب لبيت ... حساتو تحل لباب ... عرفت بلي حد جا ... مسحت دموعها وهي على راقدة على فراشها .... مع دارت لقاتو هو.... تبسمتلو .... ناضت قعدت فسرير...
سيف: ماما راكي مليحة !
هند: مليحة ماما... كي تكونو نتوما لباس انا نكون مليحة ...
سيف: حنا لباس... لمهم نتي ...
تبسمتلو.. سكت شوي وهدر
سيف: انا عارف و فايق بكلشي... انا ما وليتش صغير باه تخبي عليا....
هند: ما خبيتش عليك ..
سيف: لا كنتي تبكي... وعينيك محلوقين ... من ايام ما طلعتيش من لبيت... نعرف حالتك هاذي.. من صغري كنت نشوف نضرتك ... و دموعك لي تخبيهم عليا
حكمتلو يدو ...
هند: نتا ما تخمم في حتى حاجة غير في قرايتك... نحبك توصل لاعلى لمراتب... و يقولو هذاك ولد هند ...
سيف: خبريني شكون قلقك فالدار!! نانا؟! ولا بابا!!!
تنهدت ..... زيرت يد ولدها مليح
هند: انا تظلمت من ناس كل يا ولدي .... لدرجة ما وليتش نتمنى اني ما نتظلمش ولا نحس بحاجة تضرني .... رجع حلمي انو لي ظلمني يطلب السماح لمرة برك ... بعدها ننسى لي فات كل ...
سيف: ما تسمحيلهمش... وانا بش نوقف معاك انا كبرت و مش راح نخلي حتى حد يقلقك حتى وكان بابا ...
هند:شوف سيف كاين ناس تغلط و تندم ... و ناس تغلط و تغلطك معاها ... ما نحبش ندخلكم فمشاكل الدار.... كيف ما هوما عايلتي هوما عايلتكم ... مشكلهم معايا ما دخلش روحك ...
سيف:ماما انا ما نحب حتى حاجة غير نشوفك يوم واحد فرحانة ...
عينيها غرغرو .... و جبدت ولدها ضماتو لحضنها ....
