🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.74📍✿
شافت معاهم .... عينيها مغرغرين ما تحبش تبينلهم ..... مكفاش عايلتها طيشوها بلا ما يخممو مرتين .. ذرك طيشولها قشها و جابتهالها اللفعة عند لباب..زيد طلقت سمها عليها ... وحتى من غرفتها بش تاخذهالها ..... هوما محاوها من حياتهم ... و محاو كل حاجة تخصها ...
ڨرمية: هك موالفين يعاملوك !
افراح: وش يهمك ....
جات ماشية حبستها ....
ڨرمية: عمرهم لا حبوك ..و الدليل نتي مشيتي من و هوما فرغولك غرفتك من ...
افراح: سمعتيها قالت بش تاخذها
هي وراجلها .. مش يعني ما يحبونيش ....
ڨرمية: انا غرفة امك مزالها على حالها... و غرفة احلام بش تبقا هكاك... و مدامني عايشة وعينيا محلولين مش بش نفرغهم ...
رجعت افراح لخطوات لي دارتهم ... تشوف في عينين قرمية وهدرت...
افراح: ما يحقلكش تحكي على الحب.. بمجرد خليتي غرفتهم قايمة ...امي سمحتو فيها و احلام و سمحتو فيها ثاني و كنتو بش تقتلوها... ما تحكيش شي و فعالكم يبينو شي اخر .... ما تحاوليش تبينيلي انكم ملاك... اغلاطكم ما تتغفرش ....
و مشات خلاتها ...
تنهدت
زينة: الطفلة معاها حق امي....
ڨرمية : نهار تعرف حقيقة ال خليفة بش تتبدل نظرتها لينا ....
زينة: كلامها ثقيل
ڨرمية: على كتافي بش يكون خفيف ...
و مشات خلاتها واقفة....
#هدولة
من جيهة اخرى ... قاعدين فالمدينة ... يستناو ... حتى لمحو جاي عندهم .. نزل من طوموبيلتو ... و خرج ليه ..
مراد: واش تيم من نهار وليت اغا العشيرة نسيت صحابك و حبابك ههه وزيد تزوجت و ما عرضتناش
تبسملو تيم .. و مدلو يدو غير خمسلو .. جبدو ليه وحضنو ..
تيم : ما لتيتش والعرس جا على غفلة.... ونتا ما تركحش في بلاصة وين راح نلحق عليك....
مراد: ليوم حتجتني لقيتني...
تيم: كان كنت تحت لارض راني قلتلهم يجبدوك ...
مراد: نعرف نعرف ....
تيم: هذا الياس.. ولد عمي
مراد: متشرفين ... منعرف كيفاه سلمتوه كلش تيم طايش و مش تع مسؤولية ههههه
تيم: جيت باه تفزد سمعتي!! ولا كيفاه
مراد: ههه لا حاشى غير نتمسخر .. هيا خلي نروحو مشوار طريق و نلحقو ...
تيم: وين!؟
مراد: مش انا لي بش نجيبلك امانتك شي كبير عليا... بش نعرفك بناس هوما لي يقدرو عليها ...
شاف تيم في الياس ...
الياس: يقدرولها!!!
مراد: انا كان ما جيتش واثق ما ندلكش عليهم ...
تيم: شكون هوما!!
مراد: كي نوصلو بش تعرفو ...
تيم: باهي خلي نمشيو مالا ...
مراد: هيا خلي نمشيو بطوموبيلك ....طريق طويلة شوي ...
مشاو ركبو ... و ديمارا .. يدل فيه على الطريق ....
حتى وصلو ... فيلا صغيرة قديمة ... قريب تريب ...
تيم: هنا!!
مراد: هييه
نزلو مع بعضهم ..
الياس: متاكد لي ساكنين هنا هوما لي يعاونونا
مراد: ما تشوفش مظهر الدار من برا... عندهم نفوذ عالي في ليبيا ...
تيم: خلي ندخلو مالا ...
توجهو للباب و دقدقو ... مدة وهوما يدقدقو ... حتى تحل لباب... بانت وراه ... طفلة تكون ف 26 من عمرها.... فولارا كحلة على نص راسها.... لبستها تبين انها من بنات لمدينة ... حاجبها طالع ... و لوخر هابط... عينها كحلة م مكحلة .. و شعرها لباين كحل.. وحتى من حواجبها كحولة ... عندها هيبة ... بصوت واثق منو و بلا حتى ڨريماس في وجها نطقت ..
.... سمعت الدجقدجيق قلت ما تكون الا انتا...
مراد:يعني مكانش مرحبا ..!!!
..... اهلا وسهلا بيك و بلي معاك ....
مراد: هذا تيم لي حكيتلك عليه ... وهذا الياس ولد عمو عمت بعينيها صحيت لالياس ... و
مدت يدها لتيم باه تصافحو .... ما طولش و مد يدو خمسلها و نطقت ... ...
.... معاك تبغاغو (تبرارو )
خمسلها وعينو على مراد اول مرة يسمع بالاسم هذا
تبرارو: اتفضلو .. الحوش حوشكم ...
شافو في بعضهم لهجتها ليبية.. و دخلو وراها ... ظلام عكس لبرا الضو الشمس ... الشمع شاعلين ..... ضواو الدار طافيين ... لين و صلو لصالون هي قعدت على لفراش و... نطقت
تبرارو: گعمزو
شاف الياس في تيم ... و مش فاهمين ...
تبرارو: گعمزو شبيكم واقفين ...
الياس: تامنيني مش فاهمك ههه
مراد: ههه قالتكلكم اقعدو
قعدو ....
تبرارو: توا تحبو نحل لامبة الدار ولا نحل روْشن (الشباك) ولا نولع ليكم الشمع كثر ...
تيم: حلي الضو احسن ...
دار ليه الياس: فهمتها وش قالت ؟!
نطقت
تبرار: مالا ارفع (نوض) برا غادي اضغط ع البطمة (الزر) الامبا
تيم قلق .. تقول راح دير عليهم المزية و تخدم فيه ... تعصب من معاملتها ...مراد حسلو بلي تقلق... و الجو فالدار يقلق ...
مشا مراد حل الضو ...
الياس: الحمد الله تقول كونا في كهف....
تيم: وينو راجل الدار لي بش يعاوني....
تبرارو: كانك تڨصد برومينو خويا.. راه طلع لليبيا وانا لموجودة هناا ..
غير سمعها
ناض تيم من بلاصتو .. و هدر ....
تيم: مالا انا ما عنديش كلام مع النساء قومو بش نمشيو ...
مراد: تيم اقعد ...
تيم: قلت انا ما جيتش هنا بش تعاوني مرا...
جا ماشي نطقت ... حبساتو
تبرارو : من لي جيت نحڨْ (نشوف) فيك و نتا حامق (قلقان) كي شفتني مرا ... نقولك راهو عندنا حنا يهود ليبيا.... لمرا بالف راجل يا سي تيم ....
غير سمعها... شاف مع مراد و هدر
تيم: يهود!!
قامت من بلاصتها و هدرت مع نبرة عالية ...
تبرارو: اياه يهود ... معاك تبرارو اربيب من يهود ليبيا الارستقراطيين ... سلطتنا هي لي تمشي لهيه ... و كان وكلتني في حاجتك بش نجيبلك امانتك بالحفظ و الصون ...
