🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.149📍✿
🏰قصر ال خليفة 🏰
كان راقد ... غير حس بالباب تغلق .. تحلو عينيه ... شافها داخلة فوت عينيه من ساسها لراسها .... و زير ملامحو .. و نطق بكل عصب
يوسف: ويين كنتي!!!
تخطفت من نبرت كلامو ...
احلام: كنت عند ناناك عطيتها دواها شبيك!!
يوسف: و خارجة هك بروب النوووم عايشة وحدك!!!!!
تلبكت ...
احلام: كنت مزروبة تأخرت على الموعد لي نعطيها الدواء
يوسف: احلاااام ما تهبلينيش ماشي عذر ....
احلام: ياخي غير النساء فالدار
يوسف: الدار دار العايلة فاي لحظة ينجم اي حد يدخل ... احرزي نزيد نشوفك خرجتي من البيييت هك ...
احلام: مش بش نعاود ...
قام من بلاصتو ... جن جنانو بمجرد خمم انو مهدي ولا حد اخر يشوفها هك .... غير خرج بش يروح لصالدوبان... تبسمت ... عجبها الحال كي غار عليها ....
مشات بدلت فيسع حوايجها .... حتى رجع دخل للبيت ..... ما شافش فيها ... و مشا يلبس في قشو .... حتى حس بيها عنقاتو من تالي .... و حطت راسها على ضهرو .... القشعريرة حكماتو .... نطقت ..
احلام: يوسف سامحني ... والله ما بقصدي... و ما نتحملش تكون قلقان مني ...
دار و جا قدامها ...
يوسف: مانيش قلقان منك ... بصح الامور هاذي لازم تتولهيلها وحدك مش لازم نهدرلك عليهم ...
احلام: غلطت و قلت مدام حد مش حيشوفني نمشي فيسع و نرجع .... اما معاد تنعاد والله ... ( دخيلو لي ترضي ابن عمها تبان تتسيتت كي تع باب الحارة ههههه)
تبسم ...
و قدم باسلها جبينها ....
يوسف: هيا قدامي نفطرو ...
هو مشا .. و هي بقات واقفة ...
حتى دار ليها...
يوسف: وش بيك!!
احلام: يوسف حالت ناناك مش مليحة ...
رجع عندها ...
يوسف: خذيتها لاحسن اطباء.. شعندي نعمل...
احلام: جسمها ما يتجاوبش للعلاج ... الدواء لي نعطيهولها تقول تشرب فالماء ..
يوسف: والحل!!
احلام: هي تحب تريح بالها و ضميرها... تحب تشوف افراح وتطلب منها السماح ...
يوسف: بصح افراح عمرها ما راح تسامحنا. ... حتى اخر مرة قابلاها لامتني ... هي تبدلت... مش افراح لي نعرفها
احلام: شي ما تبدل فيها والله... هي برك متغششة والغش عماها ... كان تعرف انو تانا شافية مريضة لدرجة هاذي بش تجي .... اسمحلي نرووحلها... ونشرحلها وهك كان قبلت وجات لمصلحتنا.. و كان رفضت و حقها ترفض.. على الاقل نكونو درنا خطوة ما نندموش من بعدها ...
قعد يخمم ... كلامها صحيح.. لوقتاه بش تقعد العيلتين هكذ ... لازم يلقا حل ....
حتى نطق ..
يوسف: باهي لعشية بش نديك ليهم... و احكي معاها و اشرحيلها...
تبسمت و اخيرا بش تمشي للقصر ...
احلام: باهي بش نوجد روحي ....
