🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ54.📍✿
افراح: وش الحاجة لي كلكم تعرفوووها غير اناااا!!!! الماء يمشي تحت رجليااا وانا مش فايقة ....
تهدر و تعيط ..... عينيها حمارو ... غير لي يرميلها الكلام و هي ما تفهمش .... وهذا من زمان حتى كي كانت تقرا .... تقول انو مش راح تسمع لكلام و وش يتقال عليها .. و ركزت في هدفها لي هو تكمل لقراية ...
افراح: علااااااه ساكتيييين .... اهدرووووو وش مخبيين عليا ثاني!!!! وش لي تخطتولو من ورايا من غير زواجي من يوسف ...
دخل بلقاسم ... من وراها
بلقاسم: افرااح وش الصرااخ هذا وش كاااين ليل ليل!!!!
دارت عندو ....
افراح: انا بنت شكوون ... وش لي مخبيينو عليا ....
الكل متلبك .... وش يخبروها !! يقولولها بلي هي بنت سليمان مش بنت كمال!!! يقولولها لي امها من العشماوي هربت عند سليمان.... وهي بالحمل و ما ستعرفش بيها و تزوجها كمال و تستر عليها !!!
يخبروها انو هي بنت حرام!!!... ولا بلقاسم هو سبب في موت بو احلام... لي وقتها جا بش ياخذ اختو ولا سليمان قتل روحو ليلة عرس خوه و وردة !!! ولا انو خباو عليها لحقيقة باه ما تحوسش على عايلة امها لي مزالو حابين ياخذو ثار ولادهم لي ماتو بلا سبب و ياخذو الارض مقابل الدم .....
تلبكو و دخلو بعضهم
بلقاسم: وش السؤال هاذا !!!!! ... هدر و يشوف معاهم كل .... يحاول يفهم منهم ....
افراح:وش مخبيين عليا ... وش لي خايفينو نعرفو !!!
بلقاسم: مش وقتو ...كي يجي وقتو بش نخبرك كلشي
افراح: لاااااا وقتو ... نحب نسمع ذرك ....
نطق خلاها تتهز و تتنفض ... اصلا تخاف جدها ... و مكانش كلمة فوق كلمتو
بلقاسم: افراااااااااح قلت مش وقتووووو ... بش تعرفي كلشي بصح مش ذرك كل وحداااا تحكم غرفتهااا غدوا ونشوفو لحكاية هاذي لي ضهرت ليل ليل ...
فتيحة: و لعشاء
شاف فيها بلقاسم .... هوما وين وهي تخمم فلعشاء ...
بداو يمشيو كل وحدا مشات على روحها ... افراح في نفس لبلاصة ما تحركتش ......
كي خرجو كل .. قدملها ...
بلقاسم: كل لي خبيناه عليك كان لمصلحتك .... هاذا لي حابك تفهميه و تعرفيه ذرك
افراح: رجعتو كلكم تعرفو مصلحتي... حتى من شفاء تعرف كلشي وانا كي البلهاء هنااا ....
بلقاسم: بش تعرفي كلشي في وقتو ... هيا اطلعي لبيتك غدوة و نحكيو ...
دخل يوسف ...
يوسف: افراااح وين كنتي دورت عليك جنانات كلهم ...
ما ردتش عليه ... تشوف في بلقاسم لي نساحب من قدامهم و مشا بش يخرج حبساتو وقت سقساتو..
افراح: دم العشماوي يمشي في عروقي ؟!
تخطف يوسف و شاف في جدو في بالو قالولها .... دار ليها .... و هو مستغرب .... و قدم ليها
بلقاسم: انت افراح ال خليفة حفيدتي انا ... و مشا خلاها .... كمل طريقو ...
تشوف مع يوسف ... لي ماعلابالوش وش راه صاري ... ولا وش صرا قبل ما يجي .... اصلا لي يهمو افراح وهو يشوف في حالتها .... بقا واقف عند الباب ...
يوسف: خبرووك !!!
شافت فيه مليح حتى هو يعرف لي مخبينو عليها .... فاتت عليه كلمة ما قالتهالو .... و طلعت لبيتها .... و قعدت تخمم في كلام تيم ....
#هدولة
كملو تعشاو .... و كل حد مشا على روحو ... قاعد يخمم ... يخمم فيها .... سلباتو و جذباتو .... هي مش كي غيرها ... ركز مع كي قالتلو انا افراح بنت كمال .... و انكارها انها تنتمي ليهم .... فيقاتو من سرحتو وقت حطت القهوة قدامو و نطقت.....
ڨرمية: فاش تخمم ...
بلا ما يتردد و قال
تيم: افراح ....
عدلت قعدتها ... و عقدت حواجبها ...و شافت فيه مركزة عاجبها لحال ...
ڨرمية : وش لي مخليك تخمم فيها ..
تيم: قابلتها قبيل في جناناتنا ....
ڨرمة: في جناناتنا وش دير!!! علاه ما جبتهاش!!! كنا بش نخليوها هنا ..
رجع روحو و حط ضهرو مع الفوتاي ..
تيم: حفيدتك مش ساهلة مش راح ترضخ بكلمة ... حتا وجبتها مش من النوع لي تقعد .... راسها قاسح ... حفيدتك صعيبة يا الحاجة ڨرمية
تبسمتلو
ڨرمية: علااه مشها حفيدتي!! بش تكون نفس طباعي ...
تيم: بصح قالت حوايج خلوني نشك في حاجة ....
شافت معاه تستنا يكمل ...
تيم: افراح ما عندها علم بحتى حاجة ... هي ما تعرفش بنت شكون ...
ڨرمية: في واه!!
تيم: ممكن يكونو مخبيين عليها الحقيقة ... هي قالت انها بنت كمال ... و ما عندهاش فكرة على شكون تكون امها
ڨرمية: ما نتصورش .. وش خلاك تشك !!!
شاف معاها ...
تيم: غدوة انتي بش تتاكديلي من الموضوع
ڨرمية: كيفاه ..
تيم: بش تروحي لقصر ال خليفة ...
ڨرمية: مستحيل
تيم: ما عندناش حل اخر .... لازمك تروحي و تخبريها ...
و خزر معاها عينيها لمكحلين مركزين معاه تستنا فيه ...... باه يبدا يفهمها ....
