🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.140📍✿
جات لعشية ... افراح كانت فالجردينة مع هند .... يحكيو ... و فداء تلعب مع بدر خوها قدامهم ...
هند: تعرفي كي نشوف ولادي قدامي فرحانين نحس البراحة داخلي ... نحس اني ملكت الدنيا بضحكاتهم
افراح: شعور الامومة مليح!
تبسمتلها
هند: اكثر ما تتصوري ... تحسيهم قطعة منك تفرحي كي يفرحو تخافي عليهم حتى من النملة .. تقولي كان تجي فيا و ما تجي في ولادي .... شعور ما يتوصفش ... اما يتعاش ...
تبسمت افراح .... وهي تتخيل في ولادها ...يلعبو قدامها ...
هند: تعرفي احنا كبرنا بالخوف مفاتش عام ما خرجتش جنازة من عرشنا ... فلان قتل فلان و فلانة قتلوها .. انا مضيت صغري فالدار فالوقت لي تيم و الياس يلعبو برا حتى من احلام كانت صغيرة علينا اما الخوف كنت عايشاتو وحدي ... وكلو بدا بعد ما توفاة عمتي ...
و بابا و عمي حسن و مرتو نادية بابا عمي جدي.... كلو جا ورى بعض
افراح: يعني انت بدالك الخوف وقت ماتت امي !
هند : ايه كنت خايفة ... موت عمي حسن و طاطا نادية كان حادث ... اما امك يا افراح ماتت قدام عيني انا و اتيم ... معادش ننسا ... من وقتها نخاف نخرج بعدها نغلط و يتكرر كل لي عشناه ... في بالي انو برا قصرنا كاين الجحيم ... و الموت
افراح: على هذا قبلتي تعرسي بالياس! ...
هند: جدي كان بنظرتو يرعبنا كلنا بلا ما يهدر ...
افراح: كنت نسمع بيه حمدان عشماوي ...
هند: مش كيما تسمعي كيما فالحقيقة و الدليل احنا
تبسمتلها افراح ...
هند: جدي كان اطيب قلب اما ما يبينش هو كان خايف يخسر... كل لي بناتو عشيرتنا من سنيين خاف يخسرو .... و فرض انو انا و الياس نتزوجو كان عمرنا 16 ولا 17 عام ... مكانش حاب هدف العدو يتحقق و لي هو نسل العشماوي يختفي من الوجود ....
افراح: العدو هو بلقاسم ؟
حركتلها براسها ايه ...
هند: كيما كان الحال تزوجنا و كلش رجع من الماضي .... تزوجت انا و الياس واحنا ما نعرفو على الزواج شي ...
بعدها تبسمت و خرجت ضحكة ... و هدرت
هند: بش نقولك سر
تبسمت افراح و حركتلها براسها هيه
هند: اول ليلة زواج انا والياس ما عرفنا وش نديرو ... بايتين نلعبو بالخمس حجر ( لعبة بالحجر تتلعب باليد كل بلاصة وش يسميوها حنا نسميوها الكرود ) ...و هوما برا يستناو وكتاه نكملو
و خرجت ضحكة.... حتى من افراح ضحكت معاها .....
افراح: ستناو لصباح!!
سكتت من الضحك .. و هدرت
هند: لا زدمت علينا ڨرمية خانم لقاتنا نلعبو هههههههههههه
ولاو يضحكو بالدموع .... و ضحكاتهم تتسمع على امتار ....
حبسو طموبيلات من الجيهة الخرى ... و نزلو منهم .... تيم الياس و فيصل ...
الياس: حاس روحي نغمض عيني نرقد بالواقفة
فيصل: انا دزني بصبعك نطيح على وجهي ...
تيم: هههه لي يسمعكم تبانو هزيتو الكماين على ضهوركم .... غدوة مكانش خدمة ذرك ترتاحو ...
حتى سمعو صوت الضحكات جاي من الجيهة الخلفية من الجردينة ....
شافو في بعضهم
فيصل: لقصر ليوم زاهي ...
الياس: اكيد تهناو منا ليام هاذو لقاو الحرية هههه
توجه تيم و حل الباب ... لحقوه دخلو .... توجه لصالة ... وين كانت ڨرمية و زينة و رقية عند البالكون يشوفو في هند و افراح ....
تيم: خير وش تشوفو!!
دارو ليهم ..
زينة: جيتو مرحبا بيكم
رقية: نورتو عاش من شافكم فالوقت هذا
تبسم فيصل: خدمة برك
عينين تيم على الجردينة .... شافت ڨرمية وين يشوف و نطقت
ڨرمية: افراح ... شاف فيها تيم كي نطقت اسمها .... و كملت هدرت
ڨرمية: من سنين ما سمعتش الضحك فالقصر ... افراح دخلت الفرحة لينا ....
رقية: من سنين ما سمعتش ضحكت هند كيف ليوم
الياس: هند!!
زينة: ايه هند ضحكتها ما حبستش
توجه للبالكون .... و صح ضحكتها تلالي ....
تبسم تيم ..... و قلبو يخفق ... كانهم يحكيو عليه.... حاجة خاصة بيه.... ليه وحدو .....
ڨرمية لاحظت اللمعة لي في عينيه ....
