🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.120📍✿
طلع لحقها ... غير وصل ... لقاها هذاك وين خبطت الباب .... تبسم ... و مشا توجه ... وصل عند الباب عدل وقفتو .... و حل الباب دخل ... لقاها تهز فالمخاد من السرير بش تعدل لبلاصة و ترقد ..... دارت شافت معاه .. و ما داتهاش ... فيه مشات حطت لمخاد لكبار على الكرسي .... نطق هو
تيم: وش بيك طلعتي تجري!!
افراح : غلبت و باغيا نرقد ...
قبل ما تدخل داخل لفراش ... رجع هدر
تيم: مش باغيتني!!! ولا ما فرحتيش كي رجعت !!
دارت تشوف معاه عينيها تقول فيهم النار من كثرة ماهم حمر ...
افراح : يهمك !!! انت ما نتابهتش حتى لوجودي لتحت بينهم علاه تسقسي ذرك اذا فرحت ولا ما فرحتش ...
تقدم عندها ... حسها تغشت .. وبعد لي سمعو من ناناه لتحت اكيد تغششت فوق الازم و هي كانت مستنياتو على احر من الجمرة .... تقدم و حب يرضيها ....
وصل عندها ما بغاتش تشوف فيه ...
تيم: رمانة شوفي فيا ...
افراح: اسمي افراح مش رمانة ...و ما نشووفش فيييك ... اخطيني باغيا نرقد ...
كملت تنفض فالبلاصة .... و تعدل فيها من التوتر
تيم: قتلك شوووفي فيا ..
كان كلامو فيه نبرة ترهيب ...
طلعت شافت فيه ... و هبطت عينها من جديد تكمل وش كانت دير ....
افراح: خلاص شفت فيك خليني ذرك ...
جات بش تقعد حكمها من ذراعها .... و وقفها ....
تيم: قتلك شووووفي معايااا ...
هزت راسها ليه ... اما عيونها ما كانوش مع عينيه ... تتعمد ما تشوفش فيه... خاطرها حابسة الدموع داخل عينيها ....
تيم: عيينيك عندي ...
بدا قلبها يخبط ..... و لقشعريرة ملات جسدها ....
تيم: قتلللك عينيك عندي ...
دورت عينيها ليه.... تحطو مع عينيه بالضبط .... شاف اللمعة لي فيهم ....
رجع سألها من جديد
تيم: ما فرحتيش كي رجعت!!!
زادت دقات قلبها .... صدرها يطلع يهبط .... نطقت فيسع
افراح: فرحت ...
طلع حاجب وهبط واحد ... و نضرتو ما عجبوش ردها ....
تيم: هذا برك !!! فرحت برك !!!
افراح: تيم سيبني خليني نرقد .. وانت ارقد الضاهر فيك تاعب ...
تيم: افراح ...
دارت عندو من جديد و عينيها حطتهم المرة هاذي مع عينيه... و باين لعصب وصل لحدودها .....
افراح: شبييييك افراااح ... و مرة رمااانة ... خير!!!! امشي من قدااامي تيم .... امشيييي وين ما كنت .... ارجعلهااا و ارجع لاحضانهاااا... و ابعد عليااا .....
بقا مستغرب من لي تقول فيه ! زعمة منين عرفت !! ...
رجع خطفهاا من خصرها و جبدها عندوووو ... خلا جسمعا لاسق فيه.... يستلمس في طراوة جسمها ..... هي رعشت بكلهااا... بقات تشوف فيه ...
تيم: طول المدة هاذي انتي و بس لي في بالي ... بلاصتي هنااا .... حط يدو الثانية فوق صدرها ... و كمل هدر ....
تيم: في احضانك .... نتي ....
جات تبعد عليه زير عليها .....
افراح: ما تكذبش عليااا انا شمييت ريحتها في لحمك .... انت كنت عند مرااا صحييح ...
يخزرلها في عينيها لي معبيين دموع .... و نطق بلا ما يتهرب... ولا حتى بؤبؤ عينو يتحرك... يشوف في حاجة وحدة هوما الدموع لي على حافة مدمعها ....
تيم: صحييح كنت مع وحدة ...
غير كمل جملتو ... دزاتو .... و بعدت عليه و عملت قبضة بيديها .. و تخبط فيه على صدرو وتعيط
افراح:متنااااا في غياااابك ..... علبالك .... تحرقو قلوووبنا .... و تشوطناا... شهريييين يا تيم .... شهريييين غير الله لي عالم بيناااااا .... و انت !!!كنت تتسلى مع النساء !!!!! ... خرجت ضحكت استهزاء .... و جاي بعد هذااا كل ... و انا قتلني الشوووووق فوق من هك ما عبرتني ولا قيمتني بنظرة قريب ساعة باه فقت بوجودي..... و تقوولي طول المدة انتي في بالي ؟!!!!! على من تضحك !!!!!! تسخابلك كيف لي كنت تتسلى بيهم ..... انا افراااح مرتك ..... مع الاسف انا لي كنت غاالطة و ستنييتك .... انا لي كنت نبكي كل ليلة على مخدتك ... انا لي كنت نلوم روحي كي ظلمتك .. ركزت معاه و قالت افراج لي كانت تتمنى رجعتك دقيقة وحدة باه نصلح كلش ...
هو غير مخليها تبرد قلبها .... جبدت روحها منو
افراح: اخرج علياا .... اخررررج ...
وجها كلو رجع مبلول ....
جبدها رجعها عندو ....... فوت يدو على الدموع لي على خدها ... حاولت تمنعوو ... اما هو اقوى منها ... و مشاعرها كانو اقوى من انها تتصدى لمساتو ...... قرب ليها ما بقاش مسافة بينهم ... خشومهم يلامسو بعض ... نطق بهمس... صوت مخشخش ..
تيم: عندك الحق... فكل لي قلتيه.... اما صدقيني... انت كنتي معايا كل اوقاتي.... ودقيقة ما غفلت وما خميتش فيك.... ملامهحك ...عيونك ... و الاخص شفافك .... قريب خرج قلبها من بلاصتو.... تحس روحها طايرة فوق الارض.... غمضت عينيها.... حتى حست بشفافو لاصقين في شفافها..... شعوور اول مرة تحسووو... فراشات كرشهاا يطيروو ...... طلعت يديها .. حطتهم على لحيتو .... و دخلت فيه في عالم..... كانو فيه وحدهم ... غير هي و هو .... عالمهم وحدهم .... كل وحشهم لبعضهم خرجوه فالبوسة هاذي... لي لخصت كل لي عاناوه لزوز في شهرين لي فاتو ...... جبد عليها .... يشوف فيها كيفاه مغمضة عينها... تستمتع بالشعور ..... تبسم ....ما نجمش يحكم روحو و رجع غطس في شفاافها من جديد ..
