🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.97📍✿
تنهدت ... قدمت هزت الصندوق لي جاباتو زينا و حلاتو ...... و رجعت هدرت
ڨرمية: فاقو هنا فالقصر ... و لحقوها ...
افراح: كيفاه فاقو....
احلام: انا خبرت جدي.... كنت صغييرة صدقيني ماكنتش بش نهدر.... اصلا خذيت طريحة من تيم.... انا خسرت عمي و عمتي ذاك النهار ....
تهدر و تبكي ....
افراح: وش لي صرا!!
ڨرمية : لحقها صالح اختو بش يجيبها... تناقش مع سليمان ... جبد سليمان سلاحو و قوص على صالح... و كيف تلمو الناس عليهم قتل روحو قدامهم .....
افراح زادت شحقتها.... مكانتش تعرف لحكاية هاذي.....
ڨرمية: وقتها حمدان تبرا من وردة .... و رجع مع نعش صالح ...
زينة تبكي و شهقاتها يخرجو .... افراح عينها على احلام و زينة..... باين لي عاشوه وقتها مش قليل.... ودورت عيونها تخزر لقرمية.... لي عينيها يبرقو اما دموعها ما نزلوش .... وكملت هدرت
ڨرمية: وردة قعدت فالنص... لا عايلتها بش يردوها ولا سليمان عايش بش يسترها..... كمال ما خلاهاش.... رغم كان مريض ... و ما خبر حد... تزوج وردة ... و قبل ما تزيدي يا افراح كمال توفى بقلبو .... بعدها بمدة جيتي نتي لدنيا.... انا خليت مرا تمشي تجيب خبار بنتي ... ولات تراسلني .... و جبدت من الصنوق وراقي... مكتوبين بخط اليد ... شبه مفهوم ....
ڨرمية: وهاذو مراسل امك ....
هزت افراح ... قراتهم و تبكي... كانت الطمن امها و تخبرها لي هي في جهنم ... و يضربوها وهي نافس.... و تترجى في امها تهربها ....
كملت قراات و دموعها شلال على عينها ....
ڨرمية: انا ما نجمتش نحمي ولادي منهم ....
افراح حكمت قلبها ....
ڨرمية: كنت بش نهربها... وقتها خذيت معايا تيم و هند ... على اساس نروحو لمدينة نقضيو و ناخذ في طريقي وردة و نهربها من ....
هبطت دمعة ڨرمية لي كانت حاكمتها من قبيل .....
نطت احلام و قعدت عند رجلين ڨرمية و هزت يدها تبوس فيها ....
احلام: خلااص نانا كان بش يضرك الموضوع هذا انا نكمل عليك ...
زينة تبكي ....
ڨرمية: تنهدت و نطقت ... هربت وردة و انت بين يديها ... تجاوزت الغابة .. كنا. نستناو فيها وقتها تيم بش يموت بالفرحة ..... نشوفو فيها من بعيد .... جاية حاملاتك بين يديها .....
تيم سيب يدي و مشا يجريلهاا ...
اما لحقوها .....
صوت الرصاصة تتردد على مسامع وذني ..... صوت بلقاسم و هو يعيط باسمها ... وووووورردة ويييين بش تهربي .....
مشيت نجري لاحقة تيم لي تصمر كي سمع صوت السلاح ... و عيط
تيم: عمتي اجري بش يشدووووك اجري ....
اما الرصاصة كانت اسرع منها ... و تغلغلت في ضهرها.... الاولى و الثانية و الثالثة .... حتى طاحت على طولها .....
انا حاولت نهربهااا .... قتلوها يا افرااح بلقااسم قتلي بنتي قداااام عيوني ..... و عاودو هبطو دموعهم مع بعض ... افراااح عينيها حمارو.... تحس النار في قلبهااااا ......
ڨرمية: صوت بكاك كان معبي لمكان... امك مرمية فالارض و انت على جنب..... مشا هزك... هذاك قتال الروح و مشا بيك قبل ما نلحق عليكم... و هو يخزرلي خزرة موت .....و صلت و وقفت عند بنتي و طابست .. كانو اخر انفاسها و كلماتها فحضني ..... قالتي امي الحقي بنتي.... انقذيها منهم..... الحقيها ....
وردة نسات تشهد وهي توصي عليك.... كملت شهدتلها و
وعدتها .. و وعدت نفسي... ننقذك منهم و كان يكلفني هذا روحي ..... و تيم وعد روحو.... اما هند من وقتها تخاف الموت... و بقاتاها عقدة داخلها ....
