�� #عــــــــــــرش_الــدم��
�❀ ممنوع النقل بدون اذن❀�
�♛#️هہدوله آلجزآنسـيـة♛�
✿�آلحلقهہ.85�✿
المطر برا عامل حالة .... الشمس على حافة بش تغرب .... قاعدة فوق السرير مربعة رجليها عند بعضهم ... لاما شعرها لفوق .... هازة قلم ... و تعض فيه بفمها ... تشوف فالورق لي كان هزهم وهو واقف ... كان قدامها .... مقابلها .... يخزر معاها ... حتى طلعت عينها كي حساتو مش يشوف فالورق ... نطقت
افراح: ما لقيتش حل ... ممكن حالة عدم تعيين ... ولا نسينا شي مرحلة ما درناهاش ... خلي نعاودو من جديد
سيف: قتلك راهي صعيبة ..
افراح: كل حاجة ليها حل ... بش نلقاوه ... مكانش حاجة صعيبة
سكتت شوي و رجعت نطقت
افراح: ما ينفعش هنا فالسرير ... خلي نمشيو للمكتب احسن ....
جبدت روحها من السرير و وقفت توجهت للبيرو . قعدت خلاتلو بلاصة فالكرسي بحذاها ..
سيف: خلي نمشي والله كان يجي عمي تيم بش يتغشش كيف لمرة لي فاتت ...
افراح: ما يعمل شي ماتخافش.. اصلا مش وقتو ... مزال شوي باه يجي ... خلي نكملو هاذ المسالة فيسع ....
قعد حذاها و غطسو فالورق... كل مرة يكمشو ورقة و يرميوها كي يغلطو ... حتا وصلو لطريقة توصلهم للحل صح ...
افراح: واخييرا هاذا لي كنت نحوس عليه ... هيا كما وحدك ذرك ...
#هدولة ...
حبس عند القصر نزل من طوموبيلتو ... و توجه دخل قبل ما يتبل من المطر ... غير دخل قابلاتو نازلة ...
هند: مساء الخير
تيم: خير ... فرحت لي شفتك وسطنا من جديد .. .
هند: كي نشوف ولادي ملاح و بعاد على امور العشيرة و مشاكلها ... نكون مليحة
كشغل وجهتلو لكلام بطريقة غير مباشرة .... و مشات خلاتو ... جا بش يطلع .. تراجع وفات عند ڨرمية قبل ... غير دخل .. كان لعشاء واجد فوق الطابل ..
ڨرمية: جيت في وقتك
تيم: لباقي وين
ڨرمية: بش يجيو ... مشات زينة تعيطلهم
تيم: افراح ويني ...
نطقت كي دخلت هازا الصحن تع السلاطة في يدها
زينة: لفوق مع سيف ... عندهم شي ساعتين يقراو قالت ما تحبش تاكل ...
شاف تيم في ڨرمية و النار تشع من عينيه .... وصاها قبل ما تخليهمش وحدهم فالبيت ...
ڨرمية: ما فيباليش نحسبها راقدة ...
غير سمعها خرج ... اصلا من مدة رجع شعور داخلو يتملكو كي تكون مع حد غيرو .... غيرة ولا ممكن حب تملك ...
تمتم بين شفافو
تيم: باهي انت لي بغيتي ...
زينة: خالتي وش بيه تيم ...
ڨرمية: يضهرلي غاير من سيف و تبسمت ....
#هدولة
طلع الدرجات زوج درجات بوحدة ... كانو باغي يلحق ليهم في اسرع وقت .... غير وصل للباب لقاه محلول ...كمل دزو برجلو و زدم ... دور عينو لمحها عند التاقة ...مطلعة الريدو شوي عاقدة يديها عند بعضهم تتأمل فالمطر ... و السماء و لغيوم .... دارت شافت معاه ... دور عينو جيهة البيرو لقاه كان قاعد وقف ....كمل دخل للبيت .. وقف في نصها و نطق ...
تيم: سيف اهبط يستناو فيك تتعشا ...
سيف: عمي تيم انا ...
غير شاف جيهتو سكت .... و شاف في افراح ... لي نطقت
افراح: سيف كمل لباقي وحدك... و كان ما فهمتش حاجة نوريهالك
سيف: باهي يعيشك مرت عمي
غير سمعاتو قلبت عيونها
افراح: افرااح يا سيف... اسمي افرااح ...
و عينيها مع تيم تتحدا فيه .... عينيه يدلو على لعصب لي داخلو.... مخو يقولو كل مرة يكسرلها فمها.... نبها انو ما تقعدش مع سيف وحدهم و فالشومبرا ... و عملت لي في راسها.... خاصة انو سيف محسوب كبر عمرو 15 عام .. غاير منوو ... و مش باغي انها تقعد حتى مع راجل آخر غيرو ....
