🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 108📍✿
مرو ثلاث ايام .... و رجعت لقرية لحالتها ..... لعزاء تقفل عند كل من ال خليفة و العشماوي ..... شافية هزوها للمستوصف تع القرية بعدها نقلوها لمستشفى المدينة ... دخلت في حالت لا وعي.... و صرالها شلل نصفي... تلعطلها طونصيون و ما فاقولهاش ..... كي وصلو بيها للسبيطار كان .. فات الاوان ..... عند ال خليفة كل حد هايم في حالو.... يوجدو لشافية بش تروح من السيطار ..... يوسف رجع وكيل جدو و خلف بلاصتو ..... حد ما يعرف وش صرا ليلة هذيك من غيرو هو ... و كبار العشائر لي كتمو ... وخلاوه سر بينهم ... و ما حبوش يحكيو على هذيك الاحداث ......
بالنسبة للعشماوي حالتهم مزرية.... لحد الان ما وصلهم جثمان تيم... ولا حتى خبر عليه... ڨرمية قامت من جديد كي شافت افراد عايلتها منهارين كي هي منهارة ..... الياس و فيصل مزالو في بحثهم .... فيصل بعث لمعارفو في ليبيا باكشي يوصو لشي.. يسقسيو في مراكز الشرطة... و يستفسرو ..... افراح عايشة بلا روح..... لا تاكل ولا تشرب.... طول النهار و حتى الليل تخمم .... تغيص بين ماضيها..... دموعها مرة على مرة ينزلو وحدهم ... و تولي تبكي بشهقة... و مرات يجفو داخل عينها ...... الكل يواسيو فيها ... زينة لي حطتها كيف بنتها و معاها و ما خلاتهاش.... احلام لي مرة على مرة تقعد معاها ... ....
#هدولة
اليوم تقفل باب القصر... و قعدو مالينو وحدهم .....
دخلت عليها كانت فالصالة ... مربعة رجليها..... تسبح و تخمم ..... فيقتها كي هدرت
احلام: نانا تحبي نجيبلك شي تاكليه !! الدواء وحدو يضرك ...
حركتلها راسها بلا. ...
ڨرمية: هبطي افراح ... المسكينة ما حطت لقمة في فمها ...
زينة: عييت ما نقنع فيها خالتي .... اتكلمي معاها ممكن تسمعلك ....
تنهدت ڨرمية ... و قامت من بلاصتها ....
ڨرمية: احلام وجدي لقمة و طلعيهالها بش نهدر معاها ...
احلام: باااهي نانا هاني رايحة ....
خرجت ... وطلعت اذوك الدرجات بالزور ما وصلت... تنهج و قلبها واجعها ....
توجهت للبيت تيم و بلا ما دق لباب... حلاتو و دخلت .....
لقاتها قاعدة وسط قش تيم لي هبطاتو من لخزانة و تعاود طبق فيه... هدفها من هذا غير تشم ريحتو بين حوايجو .... مش تحوس على ريحة البارفان لي معبيا كل القش .... تحوس على ريحت لحمو ... عندو ريحة سپيسيال.... ريحة الرجولة .... ريحة عمرها ما شمتها في حد ..... ڨرمية تشوف فيها .... وجعها قلبها عليها ..... ردت لباب... لي عمل صوت كي تقفل ... فيقها و دارت تشوف جيهتو .... نطت وقفت وهي تشوف في ڨرمية حاكمة قلبها ....
افراح: نانا ... علاه طلعتي ... كان ناديتيلي نهبطلك ....
غمضت ڨرمية عينها .... و تشم ...
ڨرمية: ريحة تيم تتغلغل داخلي .....
افراح تغرغرو عينيها فاللحظة
افراح: انا عييت نشمها يا نانا ....
قدمت ليها
و جبدتها ليها .... و نطقت
ڨرمية: غمضي عينك و حطيه قدامك ... بش تحسي بيه و تشمي ريحتو .....
غمضت افراح عينها ... و تشوف فيه .... هاز حاجب و مهبط لوخر .... نظرات الصرامة في عيونة ..... تغيرو ملامحو .. و ترسمت تبسيمة تسحر على وجهو .. عينيه تكمشو من التبسيمة .... و خارجين منها خطوط مجعدة على الجنب .... تبسمت بلا ما تحس .... و قلبها رجع يخبط ..... كانو هو صح قدامها .... ريحتو تغلغلت بين خشمها .... جبدت نفس و بدات تختفي صورتو .... حلت عينيها .... دورت تشوف مع ڨرمية لي نزلو دمعات من عينها ..... و هدرت
ڨرمية: لي شافك اول يوم دخلتي عندنا ... ما يصدق انك انت لي قدامي ...كنتي كيف الاعصار...
تبسمت افراح وقت تفكرت رمانة ... اصلا من وقتها و تيم دخل بالها ... واي رواية كانت تقراها .. يجي هو اول حد في بالها..... هو عجبها من اول مرة شافاتو..... و تعلقت بيه كيف عرفاتو.... هي حباتو بلا ما تحس.... وقت سمعت لخبر تحس قلبها تقطع....
افراح: سامحيني اذا غلطت معاكم .... ونتمنى تيم يكون مسامحني ....
ضمتها لحضنها .. و طبطبت على ضهرها.....
ڨرمية: تيم قلبوو كبير ... تعرفي اخر حاجة قالهالي وقت راح..... ردي بالك على افراح ...
تبسمت ... و الدموع في عينها ..
ڨرمية: تيم كان ما جا يحبك ما يوصيني عليك....
جبدت روحها افراح و هي تستوعب فلي قالتهولها ... شافت مع عينين ڨرمية
افراح: يحبني!
تكمشو عينين ڨرمية ...
و عملتلها هيه
وجها كلو مبلوول من لبكاء .... فوتت ڨرمية يدها على وجه افراح ...
ڨرمية: اذا يعز عليك .... و ما تحبيش تعذبيه ما تعمليش في روحك هك ... كلنا هنا معاك ... و مش راح نخليوك.... و تيم بش يبقا في قلوبنا حي .... سكتت و هدرت ... هو حي بالنسبة ليا حتى نشوف نعشو ...
افراح: مكان حتى خبر!
ڨرمية: لا ....
افراح حاطة امل انو عايش .. بصح ما حبتش تهدر و تمد امل لڨرمية بعدها يتصدمو كان يطلع ميت ....
دق الباب و دخلت احلام ... بالسني في يدها
ڨرمية: هيا يعيش بنتي كولي لقمة ..
افراح: باهي ...
تبسمتلها احلام و حطتلها تاكل
