🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.132📍✿.
وصل وقت لعشاء ... تلمو كل ... حطو لعشاء ... و حكمو بلايصهم ...
ڨرمية: افراح ويني!!
تيم: مش فالكوزينة!! ما نزلتش
زينة: لا عشية كل ما شفتهاش ..
ڨرمية: فداء اطلعي عيطي لطاطاك تتعشى ...
نزلت و راحت تجري .... دخلت على افراح
فداء: طاطا هيا تتيعشاي
افراح: قوليلهم كولو بصحتكم انا شبعت ..
رجعت الطفلة تجري كيما جات ... وصلت ليهم تنهج
فداء: قالتلكم شبعت كولو بصحتكم
زينة: وش كلات حتى تشبع ...
تيم: هيا باسم الله
شافو في بعضاهم ... و بداو ياكلو ....
#هدولة
بعد ما هبطت فداء ... عدلت روحها فوق السرير.... كانت متأكدة انو راح يطلع يهبطها .... ستنات ستنات ... ما تحلش الباب .... فاتت نص ساعة ... حتى قلقت ...
اكيد كملو لعشاء و راهم ياقهواو ....
افرااح: نهبط ولا ما نهبطش ... اوووف
عدلت شعرها ... و قررت تهبط ... فالوقت هذا وصل يوسف .... و فوتو تيم لبيت الضياف مع الياس و فيصل
هبطت توجهت لصالون ... فوتت عينها ما لقاتوش ...
ڨرمية: ارواحي فروحتي اقعدي حذايا خلي نشم ريحتك ..
تبسمت افراح و مشات قعدت حذاها ... وهزت يدها و باستها ...
احلام نانا رانا نغيرو هههه
ڨرمية:بووووه هي راها صغيرة
احلام: بصح انا رايحة ليوم
شافت فيها افراح
افراح: وين رايحة ..
زينة: جا راجلها و ممكن يديها و تروح
افراح: يووسف راهو هنا!!!
قالتها بلهفة ... حست بيها غير احلام ..
ڨرمية: ايه
رقية: شوف مكتوب ربي من عام لتالي كنا حاطين احلام ما تكون غير لتيم ....
افراح رجف قلبها ... حست بنخزة فيه ..
زينة: صح مكتوب
ڨرمية: كيما يقولو مرت حد ما ياخذها حد ... ولي مكتوب فالجبين ما تشوفها لعين ...
و ضمت افراح عندها
زينة: ايه صح ...
عيط تيم لاحلام ... و خلاها مع يوسف تفاهمو ... ما بينهم ...
يوسف: يعني قابلة ترجعي معايا ...
حركتلو راسها هيه .. حشمانة ...
خرجت من عندهم ... ومشات توجد امورها باه تروح معاه ... ودعت النساوين
افراح: تهلاي في روحك
احلام: وانت ثاني ... وحكمو يدين بعضهم .. رجعت بيهم ذاكرتهم يوم عرس افراح ... كيف ودعو بعضهم بنفس الطريقة ....
خرج يوسف من بيت الضياف ... تحطو عينيه مع افراح ... لي ثبتت فيه .. بعدها شافت تيم من وراه .... مزير ملامحو ... بحكم يعرف مشاعر يوسف لافراح .... فيسع ما طلعت خلاتهم .... حد ما فاق بيها خاطر كانو يودعو في احلام ....
تنهد يوسف و خرج .... و احلام معاه ....
