🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 121📍✿
كانو شفافهم عند بعضهم .....افراح كي المخدرة .... مغمضة عينها تستمتع باللحظة ...... قلبها يخبط قريب يخرج من بلاصتو .... لحمها قشعر ... حل عينيه .... و جبد شفافو من شفافها... و هو راسم تبسيمة .... عينيه يبرقوو .... يديها مزالو محطوتين على ذقنو ..... حست شفافو بردو كي جبد روحو..... و يوزوزو فيها.. من قوة ما مصهملها..... حلت عينيها... قابلها يتبسم .... فوتت لسانها على شفافها لا اراديا ...... خدودها توردو ..... رمشت مرتين ..... و نطقت بصوت ما يتسمعش ...
افراح: تيم... انت صح عايش ! خايفة نكون نحلم ....
و تحرك في يديها على لحيتو ....
فيسع ما هدر و قطع عليها ....
كأنو يهمس ... صوتو فيه بحة و مخشخش... كلو رغبة ....
تيم: شششت ... انساي كل ليام لي فاتو.... انا هنااا ذرك ... معاد نحبك تخممي في لي فات ....
عينيها ذبلانين.... تشوف في عينيه و هبطتهم لشفافو وقت كان يهدر .... مزالت تحب تتاكد انو كلشي صح.... و بوستو ليها صح .... و الكلام لي قالهولها .... رجعت قدمت ليه ..... هبطت يديه لصدرو تستلمس فيه .... تبسم .... خاطر بدات تلعبلو على الوتر الحساس .... حكماها يدهااا .... و لزها ليه حتا ولاو لاصقين في بعضاهم .... و تكلم
تيم: تحبي نخليك تصدقي بلي راني قدامك بطريقة اخرى !
بلعت ريقها ... و عينيها تحلو ... جبدت روحها منو .... و حبت تبدل الموضوع ... قرنت حواجبها من جديد .... و هدرت بعصب
افراح: شكون هي !! شكون لي كنت عايش معاها فالشهرين هاذو ...
تبسم حس الغيرة خارجة منها ....
بدا يحل في قفالي الشوميز قدامها و جاوبها ..
تيم: وحدة مش حاب نقول شكون ...
تشوف فيه .. كمل حل القفلة اللخرة ... و نحاها بقا نصو الفوقاني عريان ....
جاتها رغبة اتجاهو جامي جاتها هكذ... ولا حست بشهوة اتجاه راجل .... زاد الريتم تنفسها .... لي خلا صدرها يطلع ويهبط كانها كانت تجري..... عينيها عليه ما رمشتش .... خرجت حروف من فمها منقطعين ...
افراح: ت.حب.ها !!!!
توجه حل الدرج جبد منشفة... فاق بغيرتها و برغبتها ....
هز لمنشفة ... و دار ليها هدر بملامح باردة
تيم: لا تحبني
زادت شعلت نارها كان مع مرااا تحبو شهرين اكيد كان بينهم حاجة ..... و لي زاد عليها طريقت كلامو استفزاتها.... من دقايق كان لاصق في شفافها يبوس بحرقة... و ذرك رجع للبرود تاعو ....
مشا راح يتوجه لصالدوبان .... حبساتو ....
افراح: ستنا ....
هز حاجبو و شاف معاها ... تتقدملو حتى وصلت لعندو .....
افراح: انا ...
تهدر و تسكت ترد النفس .... حشمانة و مترددة تسقسيه ...
افراح: كنت عايش معاها كيف الراجل و مرتو!
فهم وش قصدها .. وعمل روحو مش فاهم ..
تيم: كيفاه كي الراجل و مرتو ..!!
وجها زاد حمار ...
افراح: نقصد لي ما عملناهش حنا ...
حاكم تبسيمتو
تيم:وش لي ما عملناهش حنا!
حطت عينيها مع عينيه .... كانت لمعت عينيهم تحكي كلشي ... و كل حد رغبتو فالاخر اكثر ....
هربت عينيها ... و رجعت هدرت
افراح: والو تصبح على خير ...
شافها بلي تعصبت .... دخل لصالدوبان و هو فرحان.... مش باغي يلمسها حتى يشوفها صح باغياا عليه... رغم انو عارف انو قريب توصل لحدود رغبتها فيه ... بصح بش يطبخ وليمتو على نار خفيفة ....
