🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 102📍✿
وصلو الشرطة .... لبلاصة ... مشاو يجريو لجثت بلقاسم .... يقلبو فيها و وصلت الشرطة العلمية و بداو بالتحقيق ...... و يشوفو فالنار من بعيد .... فالحدود الثانية ..... تلمت الشرطة الليبية على طموبيل لي شعلت بكلها بالنار ..... طفاو النار منها .... مكان حتى خبر على لي داخلها .......
#هدولة
طلع النهار .... و فات سوايع .... رجال بدلو الطريق لي جاو منها .... و داو اطول طريق ....و مرت 24 ساعة على الحادثة .... و طلع فجر نهار جديد .... و خبر عليهم ما بان .... عمار يستنا يوصلو خبر على تيم .... و بقاو مستنيين.... بعد ما فقدو الامل انو يوصلهم اي خبر عليه .. نطالقو و رجعو ... و هوما في خيبة .... كيف راح يخبرو ڨرمية من جديد بموت واحد من عايلتها ..... طلع الصباح ... و كورتاج طموبيلات داخلين للقرية .... متوجهين لقصر العشماوي .....
عمار يهدر مع يوسف ...
عمار: يوسف امشي لقصرك ... اكيد بش يوصل لخبر في اقرب وقت ...
يوسف: ما عنديش وجه نقابل بيه عايلتي ..... انا مستحيل نخبرهم انا لي قتلتو .... دمعو عينيه
فيسع ما جبدو عمار و حضنو ...
عمار: حنا معاااك لي عملتو مش غالط ... الرجال ما تبكييش ....
قوات بكيت يوسف ..... حس بالذنب ....
عمار: امشي لقصرك ذرك .....
احنا بش نخبرو الحاجة ڨرمية ... بعدها نجو عندكم .....
حركلو يوسف براسو ... و كأنو مخدر و مش فايق .....
#هدولة
ڨرمية فالصالة ... هي و زينة و رقية ... و احلام ..... على اعصابهم ... اكثر من 24 ساعة و خبر ما وصل ...
زينة: خالتي ماوصل حتى خبر ...
حركت ڨرمية براسها بلا .... و المسبحة في يدها ....
احلام: كولي حاجة نانا ...
ڨرمية: ما نجمش
رقية: افراح ما نزلتش ؟!
زينة : هاني بش نطلعلها
هوما هكاك دخل عليهم الياس ...
تخطفت قرمية
ڨرمية: فماااا خبر !!!
تبسم
الياس: هيه نانا وصلني خبر انهم دخلو جسر القرية ....
تنهدت
ڨرمية: الحمد لله ياااا رب
زينة: الحمد لله يااااا رب
احلام تبسيمتها توسعت ....
رقية: خلي نمشي نعمل طمينة الرجوع ...
ڨرمية: ايه لاا زينة تعملها نتي خليك ... اكيد كي تعرفي شكون جاي مش راح تكملي الطمينة ...
الكل شافو فيها
ضحكت ڨرمية و نطقت
ڨرمية: فيصل .... راه راجع
رقية .... كانها ما سمعتش مليح .... بقات ساكتة حتى نطت عليها احلام و تعيط ...
احلام: اميييييي فيصل خووووياااا يش يرججججع ....
دموع رقية نزلو .....
قدمتلها زينة و حضنتها
زينة: مبروووووك رجعت عزيزك الغالي.
و هزتها بتولويلة ....
الياس عند الباب يضحك .... من سنين ما دخلتش الفرحة لهاذ الدار ......
الياس : هيا نضن وصلو .... خلي نستقبلوهم ....
خرجو يزربو ... و كانت ڨرمية اول لي خرجو ..... و رقية كان لقات تجري ..... الم الفراق لي عاشاتو سنين بش يجبر ......
#هدولة
