🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 65📍✿
مرو سوايع و هي قاعدة في فرد بلاصة.... عباد اول مرة تشوفهم .... ولا اصلا عمرهم لا شافوها ...عمرها لا داوها معاهم لعراس ولاحتى لمناسبات فالقرية.... كانت شاغلة روحها بقرايتها... و هوما لقاوها سبب باه حد ما يعرفها..... ما تنجمش تقوم قدام ناس... مزالت محافضة على برووودها... كانو مش عرسها و مش هي لعروس.... مرة تخمم تقعد ....و مرة تخطط تهرب ... مرة تحب تنتاقم ... طاح ليل وهي ما تحركتش... كيما حطوها لقاوها.... شنايفها فالسماء... و سعات وجها ما يدل على حاجة.... سنانها ما شافوهمش لمعازيم... سادة فمها.. كلمة ما نطقتها من لي جات.. حتى تبسيمة لناس ما دارتهاش.... خطرات تعض في شفافها من لعصب و توتر و خطرات تبلهم بلسانها خطرها جرحتهم ... ... فيقتها زينة ...
زينة: افراح بنتي...
لمرة لولة ما ردتش عليها مخها هازها لبعيييد ...
عاودتلها
زينة: افرااح
شافت معاها... بعيون مذبالة... الحس لعبلها على نفسيتها... و تاعبة
زينة: اذا تعبتي خلي نطلعك لبيتك...
حركتلها افراح براسها هيه.... تحس جسمها و عضامها مكسرين... من التوتر و الارهاق.... حاجة ما حطتها في فمها من لبارح.... فشلت وهي قاعدة
ناضت... تسمع فيهم يزغرتو.... صوتهم يجي و يروح على مسامع وذنها..... طلعت ... مشات مع زينة لوين وصلت للبيت.... حلتها زينة و شعلت الضو.... افراح عند الباب.... واقفة.... تفكرت كلام احلام... دورت وجها... تشوف مع لباب لي دلتها عليه... بيت امها.... عاودت دارت شافت في زينة لي قالتلها تدخل ....
لاحت خطواتها ... و دخلت للبيت
الغرفة كبيييييرة.... حيط طاقتو كبييرة وكلها قزاز ... يطل على برا.... الريدو مغطييي من فوق لتحت.... و سرير من جيهة اخرى... مفرش بفراش جديد فالرمادي.... خزانة كبييرة على جنب ...... و باب بحذاها... تع الصالدوبان .... كوافز على جيهة.. غرفة اقل ما يقال عليها فخمة بطراز قديم....
هي دور في عينها على الغرفة .. و تشوف في تفاصيلها ..
نطقت
زينة: اقعدي ارتاحي ... انا نمشي... ما ردتش عليها
و خرجت خلاتها.... مشات طلعت الريدو باه تشوف على واه طل.... لقات ضواوي شاعلين.... تيم قاعد مع رجال كبار..... من جيهة..... الغاشي فرغ مش كيما قبيل.... ردت الريدو فيسع و توجهت... للباب تع الصالدوبان... غير دخلت... قابلاها المرايا لمكسرة.... مطبعة بالدم.... شعلت الضو... يطفى و يشعل وحدو ... فيلم رعب هههه ... خرجت و ردت لباب...
افراح: عايش مع لفومبير هذا....
شافت لخزانة.. جيهة معبية قشو و جيها فارغة خلاه... قفلتهم...
تنهدت ... مشات حلت لباب و خرجت من لبيت... قابلتها طفلة صغيرة...
فداء: نتي هي طاطا لعروسة!!
تبسمتلها و هبطت لمستواها
افراح: اسمي افراح.... ونتي!
فداء: فدااء عشماوي
افراح: 😵💫 لقب هذا يفتاخرو بيه كبير و صغير ولا كيفاه...
فداء: ما فهمتكش طاطا
افراح: والو حبيبتي... بنت شكون نتي
فداء: ماما هند عشماوي و بابا الياس عشماوي و لي هنا في الدار كل عشماوي...
افراح: هههه معليش متشرفة بيك
فداء ؛ وش يعني متشرفة
افراح: يعني فرحت كي شفتك
فداء: و انا فرحت لي جيتي هنا من صباح نشرب فالڨازوز هههه
ضحكت افراح على براءتها .... و ناضت
افراح: روحي زيدي اشربي قدر ما تبغي...
قالت هك باه تروح...
ستناتها هبطت و توجهت للبيت لمقابلة...
