🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.99📍✿
بلقاسم: احسنلك اعمل لي قالتك عليه والا لا انت ولا هو راح يطلع عليكم النهار....
شاف تيم في بلقاسم .... و رجع شاف في فيصل .... يدور في عينو على لمكان .... يحوس على رجالو لي بعثهم قبلو .... ريحتهم ما تتسعاش..... ولا واحد .... تقول بلعتهم الارض
تبرارو: هيااا ازرب قرر لوقت ما عندناااش .... الشمس راح تطلع و المكان مش آمن ...
بلقاسم: قرر يالله .....
تيم بلا ما يتردد .... ما عندوش حل اخر بما انو الرجال مكانش.... مش مداير الامان في بلقاسم ... هو باغي يتخلص من كل جنس ادم تابع لعايلة العشماوي... اكيد بش يعمل حاجة في فيصل .... توكل على الله و خطة في بالو راسمها بصح مش بدقة ... مش واثق تصلح... بصح ما عندوش حل اخر ....
تيم: باااهي .
هز يديه .... و تقدم ....
تيم: بش نجي ....
تبسمت تبرارو .... و علامة النصر في عينيها .... تشوف فيه يتقدم .... عطات اشارة يطلقو فيصل .... لي حلولو الرباط و نحاولو من على فمو ...
فيصل: تيم ما تجيش ارجع لبلاصتك ...
عاودت حطت تبرارو السلاح في راس فيصل ... و مشات بيه ..
تبرارو: اتحرررك و سد فمك .... كان باغي تعيشو لزوز
تيم: نحب نحكي كلمتين مع فيصل ...
عمللها بلقاسم بعينيه ماعليش بما انهم اخر لقاء مع بعضهم ... و مطمن خاطر مسيطر على الوضع ورا تيم .... يتحرك يقوصو عليهم ....
وصل تيم عند فيصل .... كل واحد واقف على خط الحد ... و كل حد واقف في بلد ...
فيصل: تيم انا موالف ... ما نحبش نرجع خلااص روح نتا ....
تمتملو
تيم: اعمل لي لازم والا بش يقتلونا ... بش نسيطر على الوضع ..... فما رجالنا هنا كلشي تحت السيطرة ...
قالو هك بش يطمنو برك.... فالحقيقة حد ما كاين ...
فيسع حكمو تيم و جبدو للحدود الجزايرية و هو راح بلاصتو .... للحدود الليبية .... صوت الشارج تع السلاح .... فاللحظة هاذي عبا لمكان ... تبرارو على الشعرة تقوص عليهم... تحسب تيم ما جاش في بلاصتو ....
دار عند تبرارو ... و رفع يدو ..
تيم: باهي هاني هنااا... خلي رجالك يهبطو سلاحهم .....
شافت فيهم هبطو سلاحهم .... دار يشوف مع فيصل ....
لقا بلقاسم مصاوب سلاحو عليه... كيف ما توقع انو مستحيل يخليه عايش و جات الفرصة لعندو عارفو انو حد ما راح يحميه .... اكثر نقطة عجز تحط فيها تيم هي ذرك ... انو يخير بين حياتو هارب... و موت ولد عمو لي عمل المستحيل باه يرجعو ..... مكانش مخطط لكل هذا... في حياتو ما تحط في موقف هك ....
تبرارو: هيااا امشي ... لي وراك انساااه ....
حطت سلاحها على راسو .... دار و مشا معاها.... يخطط كيفاه يغدرها و يسرقلها سلاحها ..... .. لكن شي خلاهم يحبسو .....
يسمعو في حس من وراهم .... دار بالخطفة ... يشوف في بلقاسم و رجالو تحاوطو بجيش من الرجال المسلحين ..... على مد العين طموبيلات نازلين .... تقدمت تبرارو وهي مصدومة في رمشة عين صرا هذا كل .... منين جاو ... تمشات و وقفت بحذاه .....
تبرارو: وش راه صاري .... شكون هاذو ...
تبسم تيم و هو يشوف في رجالو مع كبار العشائر..... و يوسف هابط مع عمار و شيوخ اخرين محمد و براهيم لكبار من القرية ...
تبرارو غافلة تشوف فيهم تصدمت من كمية الرجال المسلحين .... لباسهم يوحي انهم من القرية .... بالعمامات مغطيين وجوهم .... غفلها و خطفها من يدها جابها بين يديه و جبد سلاحها صاوبها بيه .... رجالها هزو سلاحهم من جديد جيهة تيم لي نطق ...
تيم: كان تحبوها تبقا عايشة .... هبطووو سلاااحكم ..... و شارجا السلاح يهدد فيهم ...
