🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.91📍✿
طلع يوسف لبيتو يلبس قشو و لعصب راكبو... راح يمنع جدو انو يعمل اي عملة .. صح باغي يرد افراح بصح مش بالطريقة هاذي... ديجا مش مستوعب انو السبب في موت اب تيم و امو هو بلقاسم ... وش الهدف... وش لي خلاه يعمل هك... كل هاذ الاسئلة في راسو... وصل.. حل الباب لقا احلام واقفة تستنا فيه ...
احلام: يوسف خير وش كاين !!
يشوف معاها ... راح يضلمها معاه كان ترجع افراح هي تموت.... عاودت سقساتو
احلام: يوسف وش صرا شكون لمرا لي جات !!!
نطق ..
يوسف: جيبيلي قشي نلبس ...
احلام: وين رايح في هاذ الليل ...
يوسف: باه نحبس الشي لي راح يعملو جدي
مشات جابتلو فيسع قشو ..
احلام: خوفتني وش راح يعمل جدك!!
هبط سروالو قدامها و هو مش فايق.... بقات مركزة معاه .... حلت عينها شوي.... علامة الاستغراب في وجها ... هو ولا على بالو طلع يشوف معاها و نطق
يوسف : حابين يتخلصو من تيم
و طلع تريكوه باللحظة نحاه
احلام : كيفااااااه تيم !!! علاااااااه ... بعني كيفاااااه ... وييين
لبس تريكوه و هدر
يوسف: هدي روحك .... بش نحل كلش ونجي
احلام: كيفاه بش يقتلوه !!!
يوسف: منعرف قتلك بش نحل الموضوع لازم نمنع تيم يطلع من القرية باي طريقة
احلام: علاه تيم و
يطلع من القرية وش رااه صاري ...
مشا هز سلاح من لخزانة ...
طل لقاهم خرجو راح يديماريو
يوسف:منعرف لي نعرفو لازم نخرج ذرك ....
و مشا بش يخرج
احلام: يوسف
دار شاف معاها
احلام: رد بالك على روحك ...
عمللها اوك براسو و خرج .... غير شافاتو من التاقة خرج ... هزت فولارتها و نزلت تزرب .... غير حلت لباب قابلها فاتح .... لي كان يستنا فيها ...
احلام: فاتح بش نمشي لقصرنا
فاتح: مستحييل كان تطلعي من مش راح يرجعوك
احلام: تيم في خطر يا فاااتح عملولو فخ بش يقتلوه
فاتح: كيفاااه
احلام: مش وقت سؤالك لي يهم لازم نمنع تيم يطلع من لقصر ...
فاتح : باهي بش نبعث حد ...
احلام :لااا انا لي بش نروووح
شاف فيها ... شاف من حولهم .. الرجال كل داهم بلقاسم معاه ...
فاتح : باهي بش نرافقك ...
غير تقدمت خطوتين حبست كي سمعتها
شافية: احلااااام وين ماشية
شافت في فاتح و همستلو
احلام: استناني وسط الغابة امشي
زرب تخبى ... و دارت هي
لقاتها في وسط الدار
احلام: بش ننقذ عايلتي
شافية: احنا عايلتك
احلام: نموت انا و ما يموتش تيم
شافية: كان زدتي خطوة انسي ترجعي
احلام: باهي
ردت خيمارها و مشات تجري جيهة الغابة ....
شافية: فااااتح احكمهااا ... فاااتح
مشات خرجت تشوف فيها دخلت لغابة .. دورت عينها فاتح مكانش ...
دخلت باه تعيط لمهدي يلحقها ماعندهاش حل اخر
