🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.117📍✿
كانت قاعدة معاهم .... من لي خرج فيصل و الياس و هي تتبسم .. و ساعات تضحك وحدها ... كي يشوفو فيها تلم ضحكتها .... ما عجبتهمش حالتها ... عينيها يبرقو من الفرحة .... تحطت القهوة لي جابتها احلام .... و سرباتلهم .... قعدو يشربو يشوفو في افراح و يشوفو في بعضهم .... نطقت ما عجبهاش حالها ..
ڨرمية: افراح شبيك !!! من قبيل تضحكي وحدك ...
توسعت تبسيمتها من جديد ...
افراح: تفكرت تيم برك نانا ..
تنهدت ڨرمية ... و زينة دلوح براسها غايضها حالها ....
رقية: الله يرحمو .. ذكراتو الرحمة ...
زينة: ابقاي ديما تكريه هك و تبسمي بنتي ...
ڨرمية غايصة ...
نطقت افراح
افراح: ما نزيدش نبكي وحد فينا ماراح يبكي.. تيم راجع ...
و توسعت تبسيمتها ...
حد فيهم ما دار رياكسيون بلعكس شافو في بعضاهم ... يحسابو فيها ضبعت ....
ڨرمية: افراح بنتي ... ما تعمليش في روحك هك ..
افراح: قلتلكم تيم راه جاي .. راجع ليووم شبيكم....
زينة عينيها غرغرو ....
ڨرمية: باهي بنيتي ... اطلعي ارتاحي ... بعدها نحكيو ...
افراح: بش نطلع نوجد روووحي ... تيم راه جاي ... كي يرجع مش لازم يلقانا هك ....
فجأة ناضت زينة تبكي و تشهق ما تحملتش كلام افراح .... و احلام ثاني بكات ... و هند غير تشوف فيها بشفقة ....
رقية: قلبي يڨدي عليك يا بنتي ما تعمليش لروحك هك ....
ڨرمية ما لقات ما تهدر يحسبو فيها هبلت و مخها ضبع .....
افراح تشوف فيهم .... ما فهمتش علاه مش مصدقينها .... هزت روحها و خرجت .... و تسمع في ڨرمية : عندها حق ... جثتو لا خبر عليها.... مستخسرين على حفيدي ... كمشة تع تراب ...
زينة: امي لولاد عملو لي عليهم ....
رقية: لا يكونو مشاو بش .....
وشافو في بعضهم
زينة: قلبي على افراح و ناري عليها ... من قبيل تقول تيم جاي تيم جاي ...
ڨرمية: يااا رب اعطيها الصبر و اعطينا الصبر ... و القوة .. راهي حرقتلي قلبي..... و تشويت على حفيدي ....
كملت افراح طريقها ... خلاتهم .. راح يتفاجؤو كي يشوفوه قدامهم .... مشات لبيتها حلت لخزانة .... تحوس بين قشها الجديد ما لبستش منو .... تحوس وش يخرج عليها ... تحب تقابلو باحسن زي ..... لقات حوايجها كل كحل و غامقين ... ما عندهاش حاجة فاتحة ... ولات تقلب حتى لقات غوب ... بهيونة ... جبدتها ...
دخلت عملت دوش تنحي بيه لعيا .... تستنا في محبوبها وقتاه تقابلو ... تتخيل في سيناريوهات ... زعما يكون توحشها!! ولا ما تفكرهاش حتى ... بعدها طردت الافكار السلبية .. حتى وكان ما توحشهاش المهم هو عايش و راجع ذرك ..... خرجت .... شيحت شعرها .... و ربطاتو بش يجي مليح وقت تحلو .... لبست الروب .... توجهت للمراية ... تشوف مع وجها ... بدات ترقع فيه بالماكياج ... فوتت لكحل على عينها ... و حلتهم تشوف فيهم ... رجعو يسحرو .... هزت الغوج .. و فوتاتو على شفافها ... و تقفل فيهم و تحل بش تمشيه .... خزرت مع روحها و تبسمت ......
هزت بارفانتها و رشت منها رشتين .... حلت شعرها لي شاح ...
و خلاص كانت واجدة .. بش تقابل حبيبها ....
دورت عينها على الشومبر ... تشوفها مريقلا... ما تحبش كي يدخل يلقا الحالة مخربة .... كل شي في بلاصتو .... غربت الشمس .. شافت فالساعة ... طولو عندهم تقريب 12 ساعة من لي راحو ..... قلبها يخبط خافت كشما صرا ..... راحت وقفت عند التاقة تستنا ثم .... حتى شافت الرجال يحلو فالباب .... قلبها بدا يخبط .... غير شافت الطوموبيلات دخلو للساحة .... طلقت رجليها ... و خرجت من البيت ....
هبطت تجري قابلوها خارجين من الصالة .... كي طمنو بلي الياس و فيصل جاو كانو بش يستقبلوهم و يمشيو يرقدو ...
الكل يشوف فيها كيفاه تجري فالدرج ...
ڨرمية: افرااح احرزي لا طيحي ....
نطقت وهي طايرة من الفرحة ..
افراح: تيم جا ... والله جااا ....
هوما هكذاك ... حتى تحل الباب عليهم ....
