🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.73📍✿
#هدولة
خرجت من بيتها ... قابلتها هند حاكمة بنتها....
فداء: هاهي طاطا لعروسة اماما... نتي ما شفتيهاش لبارح ...
افراح تشوف معاها ... مرا طويلة .. و زينة ... عيونها ملونين كيف احلام ... و تشبها شوي ... عرفت بلي هاذي هي هند .... بصح علاه حالتها هك... و مهملة روحها .. تبان عجوزة ... شعرها فيه شعرات من الشيب.... تصكاني فيها من لفوق للتحت.. فيقتها كي هدرت ...
هند: صباح الخير ...
جاوبتها فيسع... و نطقت
افراح: خير ...
و خلاتها و مشات لبيتها ... كملت افراح نزلت ... تحس في كرشها لصقت مع ضهرها... لقمة ما تحطت في فمها من يومين .... تشوف منين ممكن تكون الكوزينة .... بعدها توجهت لصالة بلاك تلقى لمرا لي طلعتها لبارح ( زينة) و دلها على الكوزينة ... غير دخلت شافت الطابلة معبيا فطور ... توجهت تزرب ... تاكل وهي واقفة... و تشرب فالجي .. لي تحس فيهم كيفاه يفوتو و يوصلو لمعدتها الفارغة .....
#هدولة
بالها مشغول على تيم و الياس لي خرجو و ما خبروهاش وين ماشيين... خايفة عليهم ... هزت سبحتها ... و توجهت لصالة ... غير دخلت ... وقفت تشوف فيها ... عاطيتها بضهرها.... نفس الجسم من لور.. نفس القد و نفس لوقفة عند الطابلة ... نفس لون الشعر... و نفس الرووبة .... خرجو حروف من فمها .... وهي تشوف فيها ..
ڨرمية: و.ر.د.ة
#هدولة
دارت .. وهي مخطوفة ... و رسمت تبسيمة .... كي عوايدها .... ردت شعرها لي جا على وجها ورا وذنها ....و ردت يديها ورا ضهرها... وهي تمضغ فالماكلة لي في فمها و تبلع فيها.... عينيها يبرقووو .... نطقت
وردة: امي ... مرة اخرى حكمتيني متلبسة ناكل قبل ما نتجمعو كل ... تبسمت خلاااص امي اخر مرة ما تقلبيش وجهك عليا و تتغششي مني ....
و توجهت ليها بخطواتها.... باستها من جبينها .... و رجعت هدرت
وردة: نوعدك ما نعاودش الصنعة هاذي تع ناكل قبل ما نتجمعو... و نتي ابقاي تبسميلي هك كل مرة و باصابع ابهامها حركتلها فمها و شكلت بيه تبسيمة ... و انا بش ندير لي بغيتيه
ڨرمية: تبسمت... لا اراديا وهي تتفكر في بنتها وحيدتها..... وردة كانت سبب لي يخليها تضحك فالدنيا....
دارت افراح مخطوفة كي حست بحد وراها .... لقاتها ڨرمية .. و البسمة مرسومة على وجها... تخزرلها و ما ترمش....خاطر مخها مش عندها..... كملت بلعت افراح لي في فمها .... و تشوف في روحها هبطت عينيها لقشها... و وين تركزو عينين ڨرمية .... عرفت بلي عينها على الروب نقضتها بيديها ... فاقت ڨرمية من سرحتها .. و خزرت في افراح ... لي نطقت فاللحظة هذيك...
افراح: الروبة .... انا
قاطعتها
ڨرمية: روبتك امك جات عليك يا بنتي .... و طبايعها ثاني فيك ....
افراح فضولها على مها و طبايع امها و تصرفاتها بش يقتلوها... تحب لي يحكيلها خاطر عمرها ما عرفت ...
افراح: وش من طبايع ...
بدلتلها ڨرمية الموضوع كي نطقت ...
ڨرمية: راجلك وينو!!
افراح الجن ركبها ... كي شافتها قلبت عينيها و توجهت قعدت تسبح بالمسبحة لي في يدها ...
افراح: ما علاباليش فيه و ما يهمنيش وينو ...
ڨرمية: لااااا ...انت لازم يكون عندك خبر في كل خطوة يديرها....
و خزرتلها بخزرة تخوف ... خزرة ڨرمية المعهودة ...
افراح: هذاااك ما بقالي اني... نعس سي حفيدك المتغطرس... اموركم ما دخلونيش فيها....
ڨرمية: انتي وليتي مرتو ....و امورو يا لالة هوما امورك ... راكي وليتي منا و فينا ....
افراح: مااانيش منكم ... و ما يرتاحلي بااال حتى ناخذ انتقام بابا منكم ....
ڨرمية: بوووك مش احنا لي قتلناااه بش يجي نهار و تفهمي .... و انساااي ال خلييفة انسااايهم
افراح: ماااا تنعتيليش وش ندير... و ما ناخذش اوامري منك نتي .... انا ندير لي نشوفو و يحلالي ...حتى وكان غالط .... و خبري حفييدك كي يجي ... لبارح انا سكتلوو كي رفع يدوو عليا ...لمرة لجاية ما نسكتش... ... ما تستناوش مني نخضعلكم و نرضخ ليكم.... وجات خارجة... قابلتها زينة ... عند الباب ...
زينة: امي ال خليفة جاو من جديد راهم عند الباب
شافت افراح في ڨرمية كي نطقت.... بحدة في صوتها
ڨرمية: وش بغاااو من جديييد.... حلت عينيها في افراح وهدرت قبل ما تخرج من الصالة
ڨرمية: اقعدي هنا ... و توجهت خرجت من صالة مشات جيهة البوابة .... غير حلو لباب دخلت بلا اذن و لا دستور و تعيط
شفاء: ويني افراااح... عيطولها .... شبيكم تشوفو معااايا عيطولها ....
ڨرمية: اول شي مش زريبة باه تدخلي هك اطفلة... و ثاني حاجة انطقي لي بغيتيه بلا عياط ... ماكيش ترعاي فالغنم ....
غير سمعتها و عرفتها من صوتها.... عدلت وقفتها .. و خرجت ...
افراح: خييير وش جابك !! وش تحتاجي ...
شافت فيها من لفوق للتحت و ضحكت ..
شفاء: هههه العشماوي هذا ما قدرو يلبسوك!
افراح: ما يهمكش فيا. نلبس لي بغيت .وش دخلك .. اصلا وش جايبك عندي ..
شافت فالصنادق لي جابتهم..
شفاء: جبتلك درابلك.. جدي قال طيشوهم ما يحبش يشوف حاجتك فالدار ... وانا قلت خلي نجيبهولك نستحسن فيك ... و زيد قال يفرغو الشومبرا تاعك بش يمدهالي انا و مهدي...
