🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.131📍✿
بلا ما يشاورها هزلها يدها و شمرلها عليه ... وين البقعة وين خلاهالها اعلى من يدها .... فوت يدو عليها عملت ڨريماس متوجعة ...
افراح: تيم يزي ... قلتلي بدلي و بدلت ....
تيم: وجعاتك!!
افراح: علااه يهمك!!!
و خطفت يدها منو
تيم: كي نسألك جاوبي
افراح: يزي تيم ... مش ملزم منك انك تعيش الدور تع راجلي لي يغير عليا و يخاف عليااا .... انا طول عمري نطيح و ناقف وحدي ... مش كيف سكتلك و سمحتلك تبوسني مرتين تحطني ستسلمتلك
تيم: احسنلك ما تعصبينيش
افراح: و انت ما تفرضش شخصيتك عليااا ..
تيم: اممم باهي مش بش نعيش دور راجلك... بصح بش نخليك تعيشي الدور تع مرتي ....
خلاها مزبهلة في كلامو ... مش عارفة قصدو ...
خرج ... فاقت غير كي الباب تقفل ....
خرجت بش تلحقو ... شافاتو فايت لبيت احلام .... و غلق الباب من وراه ...
افراح: وعلاه يقفل الباب غير الخير !!!!
حواجبها تڨرنو عند بعض ... قعدت مدة تشوف جيهة الباب .... رجعت لبيتها خاطر قلقت قريب تطرتق ....
#هدولة
دخل عند احلام ... بعد ما خذا الاذن منها ...
احلام: خير تيم ..
مشا جبد الكرسي و قابلها ... وجها مخطوف منو و عينيهم فيهم حيرة و خوف ...
يشوف معاها بعدها نطق
تيم: وقت كنتي صغيرة ما كنتيش تشوفي فيا بالنظرة هاذي
تنهدت ...
تيم: بعد هذيك الليلة كلشي تبدل ..
احلام: انا غلطت في صغري كي خبرت على عمتي ... و عاودت نفس غلطتها كي كبرت ...
و هبطت عينيها ...
تيم: احلام طلعي عينك ..
شافت معاه ...
تيم: انا مش هنا يش نحاسب... جيت ناخذ اذنك
احلام: في واه!!
تيم: يوسف ..
قلبها خبط كي سمعت اسمو ..
احلام: وش بيه !
تيم: الليلة بش يجي .. و لازم تحكي معاه و تراجعي قرارك ..
احلام: انا ما عنديش كلمة فوق كلمتكم اعملو لي تشوفوه صحيح و انا راضية بيه ...
تبسملها ...
تيم: احنا وراك ...
شافت فيه و توسعت تبسيمتها ....
تيم: بعد لعشاء بش يكون هنا ...
احلام: باهي بش ناخذ احسن قرار يرضينا الكل
تيم: و ما عنديش شك.... هيا وقت لعشا ...
و ناض من بلاصتو ... و توجه خرج من البيت ... و نزل لتحت و لحقاتو احلام وهي متبسمة ....
