🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.161📍✿
عملو جو الا شفاء لي كانت في غرفتها بعيدة عليهم ... ملامحها كبرت ولات تبان اكبر من عمرها ... شعرها شاب .... و زيها تبدل .... حتى يدق الباب و تدخل عليها افراح .... غير شافتها .... نطقت
شفاء: جاية تشوفي حالتي كيف كل مرة تتشمتي فيا من داخلك!!
افراح: شفاء انا عمري ما تشمت فيك ولا تمنيتك توصلي للحالة هاذي .... كان بيدك تبدلي كلش ... و تكملي حياتك و تفرحي كيفنا.... اما انتي لي خترتي تقعدي فالبيت هاذي و بين اربع حيوط ... تنجمي تبدل قرارك و تنضمي لينا لصالة تنجمي تبداي من جديد... نأكدلك بش نفرحو على الاقل تشاركينا الحكايات و انت تسمعي ... و تتخالطي هك بش تضري روحك ... مهدي اذا كان ميت كيما حطيناه كلنا الله يرحمو اما اذا كان عايش معندوش حق يخليك تعيشي كل هذا لي عشتيه ... لازم تشوفي طريقك و حياتك بلا بيه ....
كلمة ما نطقتها شفاء ... كل لي حكاتهولها صحيح ...
افراح: كان بغيتي تقعدي معانا انت مرحب بيك معانا ديما ....
و خرجت خلاتها ..... قابلها تيم تبسمتلو .... توسعت تبسيمتو ....
مشات ليه و نطقت
افراح: هدرت مع اوس!!!
تيم: ما تخمي الا في ولدك نسيتيني و جبدها ليه زير عليها
افراح: اووه تيم سيب لا يشوفنا حد
تيم: خلي يشوفو مش جديدة عليهم هههه
افراح: يااا تيم
تيم: اقلب تيم
خرجت ضحكة صغيرة وهي تحاول تبعد عليه رغم السنين هاذي ما قدرتش تبدلو تسوفيجو ..
افراح: يشوفونا يقولو شياب مسوفجين و الشيب و العيب
ضحك هههه
تيم: بصح مازلت ..
وقدم عند وذنها وهمسلها
تيم:ما شبتش .. قدراتي تع شاب فالعشرين
و جبد عليها غمزلها
تبسمت بخبث
افراح: مالا خبيلي قدراتك كي نروحو و انا بش نخليك تعيش عشريناتك كيف ما يحلالك
توسعت تبسيمتو
تيم: كوني قد كلمتك و تحملي لي بش يصرالك هههه
عضت على شفافها و شافت فيه بكل شهوتها .. صدرها طالع هابط من جبتها ..... نفسها بدا يخرج سخون .... قدمت حتى ما ولاش مسافة بينهم و هدرت و شفافها قراب من شفافو ....
افراح: انت لي خليني نشوف العشريني لي داخلك
قبل ما يرد باساتو فيسع و جبدت روحها فيسع هربت و خلاتو يشوف فيها كيف كل مرة طيرلو شطر من عقلو و تخليه ....
