🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 167📍✿
دق الباب ... و تحل المقبض ..
افراح: اليييف وينك ... اليييف ...
توجهت للبالكونة وين لقاتها تقرا فالكتاب ... و غارقا معاه ....
رجعت عيطت
افراح: اليييف ...
فاقت و طلعت عينها ليها
اليف: وي امي!!
افراح: الناس تستنا فيك و نتي هنا تقراي!!! عيب راهو الكل تجمع على جالك ...
فاقت اليف انو الناس لتحت ..
اليف: والله نسيت ... اما لكتاب خلاني نعيش تفاصيلو ..
ضحكت افراح ..
افراح: هيا هيا يعيش بنتي ....
غلقت اليف الكتاب ... و نزلت مع امها ... وين لقاتهم الكل يستناو فيها و غير خرجت للجردينة .... غناولها .... مشات بش طفي الشمع تع الكايك تعها ... حبسها صوت ...
أوس: عييب طفي الشمع و انا مش موجود !!
الكل الضحكة على وجهم الفرحة ...
توجه عند تيم ..
أوس: سامحني بابا كنت مشغول
ضمو تيم و تمتملو في وذنو يضهرلي فما لي خذاتك علينا ههه
ضحك اوس ...
رجه همسلو في وذنو
تيم: امك بش تولي ڨرمية عليها هههه
ضحكو لزوز
الياس: شوفي افراح البو و ابنو دارو الراس عند الراس هههه
افراح: ههههه انشاء الله مش لي في بالي .....
رجع ضحك تيم و مشا اوس يسلم عليهم الكل و فالاخير باس راس افراح ....
أوس: ربي يديمك و يخليك لينا
تبسمت وهي فخورة بولدها و فرحانة بعايلتها الكل
حتى قاطعتها
اليف: عيد ميلادي راهو اوس خليلي شوي مجال نطفي شمعاتي
تيم: خليو بنتي ليوم يومها ...
غمضت عينها اليف و تمنت ربي يحفظ عايلتها ... كيف كل مرة تتمنى نفس امنية امها ..... نفخت الشمعات و الكل صفقولها .....
____________
الكل على طاولة لعشاء.. بعد ما حتافلو .... جا وقت لعشاء ....
نطق
أوس: نحب نخبركم انو كتابي لي عندي مدة و انا نكتب فيه خلص ...
افراح: الف مبروك حبيبي فخورة فيك ...
الكل باركولو ...
افراح: بش نكون انا لي نقراه لولا ...
شاف اوس في اليف و رجع شاف في امو
أوس: مع الاسف فما وحدة قراتو قبلك ..
شافت افراح في تيم ...
تيم: امم و شكونها!!
اوس: اليف ... مش هك اختي هاذا كان شرطها و كادو عيد ميلادها ...
افراح: اممم و انا نقول وش لكتاب لي خلا بنتي تنسى عيد ميلادها هههه
ضحكو
تيم: على وش يحكي ...
اوس: خلي اليف تقولكم ...
اليف: لكتاب اسمو الملح الحلو ... انا لحد الآن قريت المقدمة .... اما مضمون على الناس لي كانو موجدين فالحفلة الكل ... و بالاخص على زوج كانت قصة حبهم ملحمة و حديث كل القرية
تبسمت افراح و الدموع في عينيها كي قدم تيم يدها و باسهالها .... و همسلها
تيم: نحبك
افراح: و انا نحبك ثاني
ڨرمية: الف مبروك لكتاب ... اكيد حكايتو مشوقة
اليف: اكيد نانا ...
و الكل على الطابلة رجع يهدر على لكتاب و يحبو يعرفو مضمونو و تفاصيل لحكاية ... و بالاخص حكاية تيم و افراح ....
و دارت اليف عندنا .... اكيد نتوما تعرفوها ... اي هاذي حكاية امي و بابا ...
أوس: نتمنى تكونو ستمتعتو ✨❤️
آصف: النـــــــــــهـــايــــــة
الكل شاف فيه و ضحكو ضحكة تلالي "هههههههه"
