🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 148📍✿
🌹علبالي طولت عليكم بصح مش بيدي .... 🌹
حلت عينيها ... يوم جديد... و حياة جديدة بش تترسملها .... دورت عينها لقاتو مزال جنبها غاطس في نومو .... تبسمت... شكون قال بش يجي النهار .. لي الطفلة لقوية... افراح الطوفان لي هب على عايلة عشماوي .... بش ترضخ و طيح في شباك الحب.... بلا ما تحس و فوق من ارادتها تعشق تيم ... تيم هو نفسو عدوها فالاول.... ولد العايلة لي كبرت وهي تتمنالهم الموت ..... مر سيناريو بين عينيها من اول ليلة قابلت فيها تيم ..... كانو كانت حاسة انها بش تعيش قصة بعد اذاك اللقاء... قصة دم و عرش ....
تسللت من السرير ... مش حاسة بشي عكس الروايات لي قراتهم انو بعد ليلة لعمر تحس بوجاع .... قامت ... و ما حست بحتى حاجة .... علامات الاستغراب على وجها ..... وضربها الشك انو لي عاشاتو كان حلم ..... بخطفة دورت وجها للفرش ولمحت الدم فالمنشفة و بقعة صغيرة على السرير ..... تبسمت .. وهبطت عينيها للخلخال لي لابساتو ..... هزت فيسع الروب لبستها غير كملت سمعت صوتو ...
تيم: صباح الخير طبوزتي
شافت فيه متبسم .....
تلبكت و الرعشة سرات في جسمها ... حشمت زربت لصالدوبان غلقت الباب .... و رسمت تبسيمة على وجها لي تملا بالسر و الحشمة ....
توسعت تبسيمتو و شاخ على تصرفاتها ...تكسل في بلاصتو .... و البسمة على وجهو قريب ضروسو بانو ....
نطق ...
تيم: افرااح مكالاه تدوشي يضربك لهواء مش مليحلك ....
كانت مزالت واقفة عند الباب .... في عالمها تسترجع فكل لحظة عاشتها ... غير هدر فاقت مشات غسلت وجها ..... بلكشي ترخف السخانة لي طلعتلها كي كانت تتذكر ....
#هدولة
ما طولتش و تحل لباب خرجت .... قابلها ... عينيهم تحطت مع بعض .... تعض في شفافها من التوتر ... حتى قرب ليها .... معادش ايسپاس بيناتهم و همسلها ...
تيم: مكانش صباح الخير و بوسة لراجلك!!
عينيها يلمعو ....
تبسمت شطر تبسيمة تسحر و نطقت
افراح: صباح الخير ...
بقا واقف ... تزيد حاجة .... حتى هبطت عينيها من الحشمة ...
تيم: برك!!
افراح: ياا تيم والله نحشم
تيم: ههه بوسة ما فيها ما يحشم
طلعت على تراتف صوابعها ... و جات بش طبع بوسة في خدو .. حتى خطفها من شفافو .... و غطس فيهم بكل قوة يتبنن في مطعمهم.... و مستمتع بحلاوتهم ....
