🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.67📍✿
مكسر الدنيااا... هبل و جن جنونو عليهم .... يعيط باعلى صوتو
يوسف: انااااااا لي طحااا.اان خليتكم تمدوووووهااا.... انااااا لي مانسواااااش لي سمحتلهم تمشيييي من...... انااااا لي سمعتلكم و خليتها تمشي من يدياااا
مهدي: يوسف ما تعيطش علينا
يوسف: نتااااااا بلع ...... كلمة ما تهدرهاش...... والاااا مش بش تخرج حي من تحت يدي ....
فتيحة: يووووسف بزاااايد.... خلااااص صراا لي صراااا...
شافية: مكااانش رجعة..... و افراااح راهي مليحة عملووولها عرس تحلم بيه اي طفلة فالقرية
يوسف: بااااااش تهبلووووووني... هذاااك مش عرسهااااا هو جنازتهاااا تفهموو....
فضيلة: خلاااص يوسف هدي روووحك جدك وصل .. بش يتقلق...
يوسف: انااااا مش راح نسكت.... وحد ما يسكتني الليلة
دخل بلقاسم عليهم
بلقاسم: وش كااااين هنا لقصر هذا ما يهداش خلاااص
يوسف: و مش باش يهداااا انا بش نروح و نجيييب افراااح..... و دم لي راح يسيح خليي يكون دمي...
دز جدو و مشا خااارج
بلقاسم: يوووووووسف
خرج خلاهم
كل يعيطولو..... و مشا متوجه لقصر لعشماوي
بلقاسم: مهدي قوول لفاتح يلم الرجال بش نلحقوه... نمشي نجيب سلاحي ونجي
#هدولة
كانت فالبيت... بعد ما شافت صورة امها.... مع ولاد خاوتها الكل يبانو من نفس لعمر .... ما تولهتش معاهم مليح و ما ميزتش بينهم ... عينيها مركزين غير في وردة امها ... ملامحهم مش متشابهة.. بصح كاين لمسة.... تخليك تحس بلي كاين شبه بينهم.... صورة قديمة في كادر.... حلت لخزانة قشها مزالو مطبق فالخزانة... ما تعرفش اذا هو قش امها ولا لا.... الغرفة مغبرة شوي.... بصح مريييحة... كيما قالتلها احلام.... تحسها غرفة خارج لقصر ... دموعها شلال على خدها.... شعور تملكها عيااات تحكم في روحها... طول عمرها كانت تحب تعرف شكون عايلة امها... علاه ما يسقسيوش عليها.... ملامح امها كيفاه مدايرة.... قبر امها وينو!!! .... تبكي و تشهق... كيفاه خبااو عليييها... حتى حست الباب تحل.... و عبد زدم عندها ... تخطفت و مسحت دموعها قبل ما دور تشوف شكون.... واقف عند الباب يشوف معاها ما دخلش ..... كانو الزمان مشا بيه لور.... عمتو طول النهار تبكي في غرفتها و يسمع شهقاتها.. و وقت يدخل عندها تمسحهم ..و طول فالوقت باه دور عندو و تتبسملو ..... و هاهي بنتها في نفس البلاصة... و نفس التصرف تعاود فيه ....
دارت عندو كحل عينها ساح كلو على خدها .... تشوف معاه يخزرلها.... ردت الكادر في بلاصتو و ناضت ... تشوف معاه....
جات بش تهدر نطق....
تيم: امشيييي للبيت.. اخرجي من ...
افراح: شهمك فياااا بش نبات هنااا ما تدخلش في اموري ...
تيم: ما تلزينيش كثر... قتلك اخرجيييييييي من ....
افراح: بيت امي نبقا فيها وبش...
قاطعها ....
تيم: قلت اخرررررجي ....
عرق لي فوق جبينو برز.... قادر لمرة هاذي يدخل ويخرجها بارادتو... و يخليها تندم خاطر ما تسمعش لكلام ... وهي
ما حبتش تناقشو.... اصلا ما فهمتش علاه ما دخلش وراه غير عند الباب.... و تقلق لدرجة هاذي....
مشات جيهتوو... وقفت قدامو.... عينها مع عينو.... تتحدى فيه ...
افراح: انااا ما نشي بكلمة حتى حد ... وقت نحب نخرج.. نخرج و وقت لا... ما نخرجش .. وقت نحب نمشي... نمشي وحدي..... وقت لا مانمشيش..يتمالك في اعصابو باه ما يهزهاش و ينفضها من اول نهار فالقصر.... غير خرجت ... رد الباب بالقوة ... دخل المفتاح و قفلو بيه .... مع دار ما لقاهاش ....... لمحها غير داخلة... راحت تجري للشومبر.... تبسم لا ارادياا..... عدل روحو.. رخف اعصابو...و توجه عندها..... دخل و رد الباب وراه .... توجه لقجر .. جبد السلاح لي كان جبدو... تحت انضارها... دورت وجها تشوف مع لومب تع الدوش لي مزالت تغمز و مقلقتها.... ... فرغ سلاحو ..... وحطو...
و دار شاف معاها.... بخبث....
نحا ساعتو حطها .... و حل شوميزو وهي تشوف فيه.... وهو مركز معاها... كمل نحاها... تركزو عيونها مع عينو قد قد ... وهي مش حشمانة ولا حتى خايفة منو.... رما شوميزو فالپورت مونطو.... حرك عضمت ذقنو و راح ماشي متوجه ليها..... غير وصل... عندها ... خطفها من خصرها و حصرها عندو رعشت....... اصلا كانت تستنا يدخل عليها بهمجية.. مستناتش منو حاجة هك ..... ردلها شعرها ورا وذنها وهمسلها في وذنها
تيم: ما تخافيش رمانة... انا مستحيل نمس وحدة فرخة كيفك .... جسمها ضرب فيه لماس ... من همساتو.... و الجن ركبها من كلماتو .... طلقها .. و كمل فات عليها كي النسمة ..و قعد مع حافة السرير طابس يحل في صباتو ..... ما حس غير بيها وهي واقفة عندو..... طلع عينو يشوف .... عينيها نار....
افراح: ماااا نسمحلكش تحكي معايا هك ...
جا بش يوقف عندها... حطت يديها.. في صدرو و دزاتو رجع قعد فالسرير.... و نزلت لمستواه ... تركزو عينيه مع صدرها لي بان كي طابست ليه.... فيقو صوتها كي همستلو في وذنو كيما همسلها...
افراح: بش تعمل لي لازم يتعمل.. يا تيم عشماوي ... انا مش خايفة ....
