🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.62📍✿
و كملت نطقت
افراح: كيف ما علمتوني من صغري ما نقصدش عدويا باه يعاوني حتى و كانت حياتي بين يديه .... انا مش راح نطلب انكم تعاونوني.... حتى وكانت حياتي بين يديكم
تعصب كثر كيفاه تقول عليهم اعداءها و هدر
يوسف: اناااا مش عدوك يا افراح .... انا لي كنت نحميك من النسمة باه تقيسني و ما تقيسكش ...
هو يعز عليها ... و الكلمات لي قالتهم في وجها وجعاها كيف ما وجعوه ... هو اعز انسان عندها .... مزالت ملامحها كيف ما هي و ما تبدلتش ...
افراح: امشي من يوسف... خلاص انا قبلت بحياتي الجديدة ......ما نحب دير حتى حاجة على جالي ... اخطاني ... و خليوني في حالي ... انا مخنوقة وسطكم ... يزي من لي عيشتوني فيه ..
يوسف: انا نحب نحميك من لي راح تعيشيه... قرارك غالط .... ما نحبكش تدمري حياتك
افراح: قتلك ما تدخلوش في حياتي من اليوم .... ماوليتش ملزمة منكم ... اعتقووووني ... و اخطاااني ...
شافت مع احلام و بعدتلها على لباب بمعنى ادخلي ....
غير دات الاشارة دخلت بلا ما تتردد ..... هدرت
افراح: امشي من يا يوسف ... ما تستناش مني نغير قراري .... ..
و ردت الباب في وجهو .... و قفلاتو بالمفتاح ... قعد عند الباب مدة و هو عاجز ... عينيه دم ... هز روحو و هبط ....
فاتت هي و احلام ... و هدرت بلا ما تطلب منها تهدر مش كي لمرة لي فاتت تتلعثم ...و سالتها
احلام: متاكدة بش تمشي!!! ؟
افراح: كيما راكي متاكدة نتي باه تقعدي هناا ...
سكتت شوي و هدرت ...
افراح: انت تقدري ترجعي و تعيشي في قصركم عادي و كانو شي ما صرى والو ؟!!!
احلام: انا ونتي مش كيف كيف ... انا هربت و انتي تحملتي مسؤولية غلطتي انا ... قادرة تتراجعي ... و توقفي وتواجيهم.... عايلتك تسمعلك ..
ضحكت باستهزاء
افراح: انا باه وصلت لي عليه ذرك و لي خلاني طول عمري نعمل لحاجة لي بغيتها ضهرت كلها بش يبعدوني على لحقيقة .. بمجرد عرفت ... رماوني على طول يديهم . و على هاذا انا قبلت نعرس بتيم ... ممكن ارحملي من لمعيشة هنا
تبسمتلها احلام ...
احلام: فهذاك لقصر مستحيل تعيشي كيما تحبي نتي ... تعيشي كيما يحبو هوما ...و لازمك تكوني قوية والا بش ياكلووك ... حكمتلها يدها و زيرت عليها
احلام: كوني قوية ....
افراح: انا فالقصر هذا .. وحدي كنت النقاوم ... وحدي كنت نبكي ... و وحدي كنت نواجه بش نوصل لوين بغيت .. و اهم حاجة وحدي كنت نحبس انفاسي باه ما تتقطعش على صدري و نموت .... كلشي عملتو وحدي .. نتجرح و نداوي جراحي وحدي .. انا ما نستناش لي يعلمني نعيش ...
و مش بش تصعابلي اني نكون قوية عندهم ...
طمنت جزءيا كي هدرتلها هك .. بعدها شافت فيها و هدرت
احلام: بش ندلك على حاجة فالقصر ... من و انا صغيرة وقت كنت ما نلقى وين باه نبكي... وبش حد ما يشوفني .. كنت نمشي لبيت عمتي ... كان هو نلجأ ليا .. و مخبأ ....
تركزت معاها افراح ...
احلام: هي اخر بيت فالرواق .... غير تدخليلها بش تحسيها انها بيت مش موجودة فالقصر المظلم هذاك ... .. وقت حتى نتي ما تلقاي وين تمشي و داوي جراحك .. امشيلها ....
افراح: وانا كيفاه بش نعرفها
احلام ... هي البيت لي مقابلة بيت تيم ...فاخر الرواق من الجيهة الاخرى .... هذا اذا ما غيروش بيتك نتي و هو ....
بلعت ريقها .. و تبسمتلها ...
افراح: و انت كوني قوية هنا ... و ما تخالطيش شفاء .. بش تضرك ... انا و ما سلمتش منها ... بش تعمل اي حاجة باه تشوه تصويرتك قدام العايلة ما تقربياهاش ... و يوسف بش يكون ديما معاك واثقة من هذا ....
تبسمو لبعضهم ... كل وحدة متقبلة مصيرها .. و كل وحدة تنصح لاخرى باه تبقا عايشة فالغابة لي بش تروحلها و تعيش فيها ...
#هدولة
تعدا الوقت و وصل لعشية .... قصر ال خليفة عادي ما فيه جديد .. كانو يوم عادي كيف الايام العادية .... هي في بيتها ... حلت الصندوق لي وصلها الصباح ... روبة بيضاء و طرحة ... سنسلة باللؤلؤ ....و مراية .. مش مراية عادية ... قديمة ... و تبان غالية ... ما حطتش بالها ليها ... تركزت مع الروب ... تشوف فيه كفنها لي بش ياخذها لقبر ....ما تعرفش وش يستنا فيها ... حبل من نار لافف على رقبتها و يخنق فيها .... النفس قريب يتقطعلها ...من لبكاء و تحبس في شهقاتها.... كانت تقول ما نتزوجش كيف زواجة شفاء.. و هاهي في اسوء من حالتها ذرك ... خنجر مغروز في قلبها و يزيد يعصر عليه .... الباب يدقدق من برا ... و هي ولا على بالها... مش باغيا تحل ولا حتى تسمع وش يهدرو برا .... هزت الروبة بين يدها ... و ناضت تشوف فيها فالمراية ....
و هوما لبرا قريب يكسرو الباب عليها ....
بلعت ريقها .. و لمت غصتها .... و هبطت القش لي كانت لابساتو .....و لبست لي سماتو هي كفنها .... طلقت شعرها... و لصقت الطرحة فيه ..... هزت عقد اللؤلؤ ... لبساتو .... تشوف مع روحها ....
جاها صوت بلقاسم من برا
بلقاسم: افرااااااح يا اما تفتحي هاذ الباب والا بش نكسرو
شافية: لا تكوون عملت في روحها حاجة
فتيحة دارت عند احلام
فتيحة: شعملتيي لطفلة وش قلتيلهااا
يوسف: امييي يزي ...
حتى نطقت
احلام: انا ما عملتلها شي ... الحطام لي راها في وسطو .. انتو سبب فيه
الكل شاف معااها
يوسف: مش لازم تبرريلهم
بلقاسم: عيطو لرجال يكسروو الباب
هي لداخل ...
..
