🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.96📍✿
غير قعدت حذاها ... ما عرفتش منين تبدالها ... بدات تمهدلها ...
ڨرمية: زينة امشي جيبيلي الصندوق لي في بيتي
افراح: مش وقتو انا نحب نعرف لحقيقة ... احكي
قامت زينة ... و تكلمت ڨرمية
ڨرمية: وش راح نحكي وش نخلي .... منين راح نبدا .... انا بش نحكيلك المختصر ... و الحكاية بدات وقت عايلة جات للقرية حد ما يعرف منين جاو و كيفاه نجمو يشريو هذاك لقصر لي مقفول من سنين ... كل العروش تحكي عليهم... حتى لولاد الصغار فالقرية وقتها مشاو يشوفوه شكون العايلة هاذي ... كان لخميسي ال خليفة هو و مرتو و ولدو هوما صحاب القصر ... ولدهم وقتها في عمر سيف ولا اكبر ... لي هو بلقاسم .... كل بنات القرية كانو يتمناوه .... بدات توسعاتهم.. و يشريو ارض فلان.. و ارض فلان... حتى ولاو يعتابرو من كبار القرية ... و دخلوهم في القرارات و مجلس العشائر .... و هنا كان بلقاسم كبر... و جاو عندنا و طلب لخميسي بنت عمتي لزواج من ولدو ...بحكم كانو عمي هاشم و بويا الهمام كبار القرية و حب يناسبهم انا كنت مرت حمدان بلا دخلة يعني مزال ما بلغتش يعني مستحيل نكون انا الطفلة لي بغاوها ... رفضو لكبار يعطوه شافية لي تكون بنت عمتي لي عايشة عندنا ....
شافت فيها افراح .... اول مرة تعرف .... ولا ممكن تكون شافية اخرى مش ناناها ...
دخلت زينة في يدها الصندوق ..
ڨرمية: و هنا بدات المشاكل... شافية هربت عند بلقاسم ...
و على ال خليفة يردوها لخوالها لي هوما عمي و بويا اما يقتلوها ...و الا يعطونا ارض بما انو ما عندهمش بنات يعطوهالنا في مكانها
افراح: كيف ما صرا معايا انا و احلام ...
و شافت في احلام ....
ڨرمية: كيما مشا الحال و عطاونا ارض ....
و العيلتين نساو لحكاية ... بعد السنين حسن بو تيم تزوج من نادية... المجلس رفض زواجهم حتى انا وقتها عارضت زواجها خاطرها مش بنت قريتنا... هي بنت لمدينة ... وحتى من عايلتها كانو رافضين زواجها من حسن و عتابروها وسخت عايلتهم ... بوها وكل بلقاسم و رشاه بالدراهم بش يقتلهم و كيف ما كان لحال قتلهم اما مكان حتى دليل ضدهم ... بصح واثقين بلي هو لي عملها ... وكل لقرية تعرف
هبطت دمعة من عينين افراح ....
افراح: اما مش واثقين ما تنجموش تتهمو حد بالشك برك .... مكانش دلييل ...
احلام: كملي اسمعيها .... تفهمي
ڨرمية : بعد سنين تكرر الموضوع و سليمان ولد بلقاسم و شافية لعب بعقل وردة... و غلطت معاه و حملت منو ...
افراح قلبها ضرها..... و دمعة شاحت في بلاصتها .....
ڨرمية: كيف عرفت هربت.. خافت من حمدان .... و خاوتها .... و صرا لي ما توقعاتوش ... سليمان حاوزها ....
افراح شهقت و دموعها نزلو .....
ڨرمية تشوف معاها ... مش باغيتها تبكي ...
