🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.84📍✿
بعد مرور شهرين .... راح نمشي شوي فالاحداث و نحكيلكم لي صرا باختصار فالشهرين لي فاتو ... نبدا بالبطلة نتاعنا ... لي مزالت ما تاقلمتش مليح مع جو العشماوي ... من ناحية الكره لي زرعوه داخلها عليهم بدا يتلاشى بشوي كي شافت بعينها .. هوما ظراف و خاصة ڨرمية لي حست انها تعاملها كانها من بكري حفيدتها و منها و فيهم مكانش ضغط عليها ... كل حد لاهي في روحو فالقصر عكس ما كانت التظن قبل .... كل مرة تحس الحاجز لي بينها وبينهم يتلاشى بصح تفيق مع روحها فيسع و ترجع لصرامتها و تركب قناع القوة قدامهم ..... حتى مرات تحس روحها هي لي تزيد عليها و تجرح بالكلام و ترمي عليهم الهدرا .... افراح فالفترة هاذي تحكي مع ولاد هند و تقربت منهم و بالاخص سيف ... لي تعاون فيه في دروسو خاطرو راح يفوت امتحانات اخر السنة... تعلقت ب بدر و تلعب مع فداء .... تحس روحها على طبيعتها معاهم .... عكس التصنع و القوة لي تركبهم وقت يكون حد كبير من العايلة و بالاخص تيم لي مخالتش فرصة نهار ولا حتى دقيقة انهم يحكيو بلا نقاش .... بطلنا تيم مخلي مرتو ههه على راحتها خاطر شاغل بالو حوايج اكبر من انو يلتى بتصرفات افراح الصبيانية لي يعرف انو راها غير تتصنع فالقوة قدامو ... ملاحظ خطواتها كل فالبيت... و شاف افراح الحقيقية وقت تكون مع ولاد الياس ... شاف افراح المتثقفة القارية في تعاملها مع سيف لي تقري فيه ... شاف افراح الهادئة لي قدرت تتعامل مع بدر العصبي لي عندو مرض شبه التوحد و حد ما ينجم يتعامل معاه فالدار غير امو .... و افراح الطفلة لي عمرها خمس سنين مع فداء لي كي يبداو يلعبو تحسهم نتاج في عمارهم ..... ما يحبش يضغط عليها و حاطط في بالو راح تقاوم تقاوم بعدها تتعب و ترضخ ليه لوحدها..... بصح لي ماعلابالوش ييه انو افراح تتخلى على حياتها و ما تسمحش لكبرئها يتلاشى .... بصح الفترة الاخيرة نقدرو نقولو انهم نقصو من عراكهم .... هو صح من لي يدخل لدار هو و هي كيف القط و الفار .... بصح رجع عراكهم غير في غرفة نومهم .... هو قاسح و عارف وش راه يدير ....و هي ما تتنازلش و عزة نفسها فوق الكل .... هذا لي خلا تواصلهم ثقيل شوي .... و علاقتهم ما تحركتش بزاف
قصر العشماوي ك كل .... كالم كعادتو .... ممكن افراح زادت فيه حاجة و بدلتها لي هي تخلي الضحكة على وجوه ولاد الياس و هند ....و تتسلى معاهم مرة على مرة بش ما تقابل حتى حد فالعايلة ..... خصوصا انو مانعين عليها تخرج ....
#هند كيما شفناها من قبل انسانة ضعيفة ... لكن بداو ملامحها يتبدلو كيف تشوف ولادها متحمسين لقرايتهم و فرحانين هي الانسانة و الام لي تستمد قوتها من ولادها .... رجع فيها شوي الروح .... و خرجت من بيتها و القوقعة لي كانت عايشة وسطها .... ما جاتش الفرصة باه تحكي مع افراح ولا حتى يتعرفو على بعض .... ولا ممكن هي لي ما بغاتش تتواصل معاها ... هي من النوع المنعزل و مش اجتماعية .... و كي تهدر تحط اللوم على الناس ..... على هذا خلات روحها بعيدة .....حتى في علاقتها مع الياس محدودة ...
قصر ال خليفة .... بلقاسم يخطط كيف يكمل الاستيلاء على اراضي العشماوي بما انو تبدلت كل الموازين لي قبل ... لكن في هدوء .... و يوسف يخطط ثاني من جيهة .... كيف يخرج افراح من لي عتابروه جحيم العشماوي في بالو راها تتعذب عندهم .... احلام من شهرين تستنا في جواب من فاتح ... بش تقابل تيم ... لي حس انو مش وقتو يقابلها ولا حتى يشوفها ... و ما ردش عليها (خلاها اوناطونط هههه ) ... فالشهرين تقربت من يوسف بزاف و قدرت تكسب ثيقتو .... و رجع يحكيلها كل تخطيطاتو بش يرجع افراح و يجيبلها حقها من تيم .... و هي بينتلو انو العشماوي يستحقو انهم يدمرو .... احلام من الاول كان خيارها قدام تيم يا تموت بش ترجع شرف العائلة ... يا تعمل لي بغاه و تكمل خطة... لي بداها هو و ناناه .... يعني خطة العشماوي ....وهي مشات فالطريق الثاني .... بش تكمل تعيش و تنتاقم من مهدي و تسلك راسها من الموت .... هي عينين و وذان تيم في قصر ال خليفة .... و مهمتها بدات من نهار قنعت افراح تتزوج بتيم .....
يوسف لي مزال ما بردتش جمرتو .... و مُصِر باه يرد افراح .... رغم لي يعرف انو مستحيل و بش تقوم القيامة كان يدير لي في راسو .... بصح يخطط لشي يكون لصالح الطرفين .... و يرضيهم و يرضي العشماوي ....
شفاء و مهدي .... اكثر كوبل كرهو بنات لقروب .... علاقتها ما يتمناها حد ... ساعات يرقد معاها مهدي بشغف ... حتى تحس انو يحبها ..و باغي عليها .. يتبنن في علاقتو معاها .... بعدها يرجع الكابوس من جديد ... كي يفيق انو مع شفاء مش مع احلام ... و ينوض يخليها بالحالة هذيك و يخرج .... كل مرة هك .... تغرق في دموعها ليل كامل.... و تنوض تمسحهم و كانو ما صرات حاجة .....
هذا علاه سرعت الاحداث باه ما نبقاش ندور في حلقة مغلقة ... نحب نوصل لثقيل التخصيب و تطريز ههههه
