🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.118📍✿
تيم كان اول واحد ورا الباب ..... غير تحل دارو كل يشوفو جيهتو .... الكل تصمرو و هوما يشوفو فيه .... كانو شي جني خرجلهم ..... كانت التبسيمة مرسومة على وجهو ..... بعد ما سمع لحكاية من ولاد عمو .... كان يتوقع ردة فعلهم ...... الكل يشوفو جيهتو ... افراح قلبها راح يخرج من بلاصتو ... ضروسها قريب يبانو ......
قرمية حلت عينيها الكحلين .... و تشوف معاه مش مصدقة .... احلام و هند ثاني مشوكيين فلي يشوفو فيه .... زينة حكمتها الرجفة ....
مزالو مش مستوعبيين .... نطق ...
تيم: وش بيكم ! علاه تشوفو فيا هك ..
ڨرمية حطت يدها على قلبها .... شفافها يرجفو عيات تخرج اسمو من فمها..... غير سمعت زوج كلمات لي قالهم ... جات طايحة فالارض ....
مشالها يجري ..
تيم: ناانااا
هوما هكاك ... زينة طاحت دايخة حتى هي ...
مشالها الياس و طابس عندها هند ... يفيقو فيها ....
عينين افراح على تيم ... لي كان يفيق في ڨرمية و عينيه عليها ..... يستنى فيها حتى هي الدوخ هنههه ( المعنى تع الطايح كثر من النايض ههههه )
بعد ما فيقوهم ...
هزو ڨرمية .. و مشاو كل لصالة ....
افراح تقلقت خاطر بعد ما ستناتو كل ما داهاش فيها ...
واقفة عند الباب مربعة يديها و تشوف فيهم الكل دايرين بيه ...
ڨرمية تبوس و تشم فيه ....
ڨرمية: عزيزي يا الغالي حرقت قلوبنا علييك ...
هز يدها يبوس فيها ... و يوس في جبينها ....
تيم: سمحيلي نانا خليتك تعيشي كل هذا ..... سمحولي لي خليتكم تعيشو لي عشتوه
زينة: الحمد لله لي راك عايش يا تيم
احلام: الحمد لله على سلامتك
شاف فيها ... عمللها يعيشك براسو ...
هند: خويا تيم الحمد لله لي رجعت بخير و على خير ما نيش مصدقة لي راك قدامنا
افراح مزالت تشوف فيهم .... حواجبها تڨرنو عند بعض من لقلقة ...
ڨرمية: راك جايع !! راك مشيان .. مندرى شي لي عشتو
زينة: ذرك نوض ذرك ندير لولدي لي بغاه
الياس: هههه و حنا ما ناكلوش
ضحك هو و فيصل
ڨرمية: هيه امشو وجدو لعشااا من جديد .. لولاد يكونو ما كلاو والو
تيم: لا انا ما بغيتش ..
احلام: ههه نانا قالتلكم كي جا التمر مول البلوط يقلع ههه
ضحكو كل و رجعت لبسمة لوجوهم ..... و تنفسو الصعداء ....
كان يضحك .. طلع عينو يشوف فيها مربعة يديها و وجها مقلق و شفافها تقلبو و دايرا بالشقميمة ...
لم ضحكتو و تبسم ....
ما خلاولوش وقت باه يحوس عليها بعينيه ....
طلعت ڨرمية عينها .... لقاتو يشوف دورت وجها عينيه في افراح ....
