🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ. 139📍✿
يقرا في كل كلمة كتبتها و يتبسم وحدو .... طلعت شاعرة مسوفجة ههه .... يدور فالصفحات ... و يتمعن في كل جملة كتبتها .... مع تاريخ الكتابة .... لين لحق لاخر حاجة كاتبتها ... " اليوم الخامس على التوال..... "
حس قلبو زادو دقاتو و رجع ينفض بين القفص الصدري ..... عينيه لمعو من الكلمات ....
تمتم بين شفافو ...
تيم: اشتهي التمرد ... يبدأ بهمس منك و ينتهي بجنون لكلانا
توسعت تبسيمتو بخبث حد ما يعلم نواياه ولا وش يخمم غيرو هو ..... قفل الدفتر حطو وسط الورق و توجه ركب و ديمارا .....
#هدولة
خرجت من بيتها ... نزلت الدرج و توجهت للكوزينة ... هزت الدواء و الماء و توجهت للبيت غير وصلت حلت الباب و دخلت .. راسمة تبسيمة على وجها ... و نطقت
احلام: تباني تحسنتي على الصباح ...
حركتلها شافية براسها هيه ...
احلام: كان تكملي هك فيسع ترجعلك صحتك و تولي كيف قبل ...
غمضت عينها و حلتهم بمعنى انشاء الله ...
احلام: هيا عاونيني خلي نشربلك دواك ...
عدلتها فالبلاصة و عطاتها دواها ...
احلام: بالشفاء ليك ....
جات بش تنوض حكمتها بيدها من الجزء لي مش مشلل ...
احلام: كشما حتجتي نجيبلك!!
نطقت بحروف بسيف ما خرجتهم من فمها
شافية: اف.ر.اح ...
احلام: افراح!! وش بيها !!
شافية: نح...ب نشو...
كي شافتها بالسيف ما تنطق نطقت هي
احلام: تحبي تشوفيها!!
حركتلها براسها و غمضت عينيها وحلتهم بمعنا هيه ....
احلام: افراح متغششة منكم اما بش نوعدك نحاول نقنعها تجي تشوفك ...
زيرتلها على يدها كأنها تشكر فيها ...
احلام: هيا ارتاحي
عاودت عدلتها فالبلاصة ... و هزت روحها خرجت ... مشات ترد الدواء سمعتها تعيط باسمها ..
شفاء: احلاام ..
دارت ليها شافت معاها .... لقاتها تكيل فيها من الفوق للتحت ... بعدها نطقت
شفاء: شايفاتك والفتي الدار فيسع و رجعتي تحومي و تجولي براحتك فيها ...
احلام: اولا نحوم وين ما نحب ومش لازم ندي الاذن منك ثانيا انا وليت فرد من الدار هذا و ما يتحكم فيا غير راجلي
ضحكت شفاء
شفاء: عندك وجه تقولي عليه راجلي بعد ما كنتي مع خوه!!
ابسمت احلام ... خاطر ماولاتش تستفزها ... و نطقت ..
احلام: شكون خوه !! راجلك تقصدي ! وينو مش نشوف فيه
و دارت خلاتها ... ردت الدواء لبلاصتو .. حتى نطرتها من يدها
شفاء: وش دخلك في رااجلي وينو!!! انت رجعتي بش تخربيها علينا .. نقولك مهدي خليك بعيدة عليييه
خبطتلها يدها
احلام: اناا هنااا على جال يوووسف
دخلت عليهم فضيلة فاللحظة هاذي .... شافت فيها احلام و رجعت نطقت
احلام: ... عبد اخر من غير يوسف ما يهمني ....انا هنا بصفتي مرتو .... مرتو بالفم و الملااا ... انا لا يهمني لا نتي ولا حتى راجلك ... و ننصحك يزي ما تعسي حياة الناس ...و التاي بحياتك و اشقاي بش تتسڨم... ما تستنايش حياة الناس تتخرب كيف حياتك بش تكوني راضية عليها ... و تقولي مش غير انا ... هك بش تستناي بزاف و الوقت ما يستناكش ...
تبسمتلها .... و مشات خلاتها واقفة ... ما لقات وش تقول ....
غير خرجت ... نطقت فتيحة
فضيلة: لكلام لي قالتهولك كلو صحيح .... لوكتاه بش تبقاي هك!!
شافت فيها بعينين مدمعين
شفاء: حتى انت يا امي!!!
فضيلة: يزي ما تعملي في روحك هك ...
شفاء: علاه حياتي هك يا امي!! النساء كلهم رجالهم ملاح الا انااا
فضيلة: وقتها قتلك شفاء اخطاك مهدي ما يناسبكش ... اما انت كبشتي فيه ... الحياة هاذي نتي لي خيرتيها .. و مشيتي فيها و مكانش رجعة منها ...
هبطو دموع شفاء ....
