🔥🍯️ #عــــــــــــرش_الــدم🍯🔥
⛔❀ ممنوع النقل بدون اذن❀⛔
🔱♛#️هہدوله آلجزآنسـيـة♛🔱
✿📍آلحلقهہ.66📍✿
المعازيم لمتواجدين كل روحو.... بعد ما باركلو اخر واحد فيهم ...
هز روحو و دخل.... قابلو الياس .. مشا لصالة مع بعض ... وين كانت ڨرمية مبين عليها الفرح... رقية معاها... طمنت شوي كي عرفت بلي احلام راهي مليحة... و تقبلت جزئيا... زينة... معاهم .. حاكمة في حجرها حفيدتها فداء... و سيف حفيدها لكبير (ولد الياس و هند) قاعد جنبهم ....
زينة: الحمد الله فات نهار ليوم بخير و على خير....
سيف: و انا وقتاه نتزوج ....
ضحكت ڨرمية و زينة... رقية شافت فيه برك ... ما تحبش احفادها يهدرو هك ...
ڨرمية: مزالك صغير.. نتا الحق 20 سنة برك و انا نجيبلك لمخيرة تع لقرية.....
سيف: ههه يعني ما بقاش 5 سنين برك و نتزوج
زينة: هههه طالع لبوه
رقية: بوه حتم عليه الحاج حمدان هند وهي مولات 16 عام هذاك لوقت ....
زينة: ايه صح ولدي لي تحتمت عليه يا رقية وهو ف 17 من عمرو .. نتيجو تيم... راه هذا وين راح يعرس...
ڨرمية: هياااا بركاو من لكلام هذا... حمدان شاف هذاك لوقت الصح .. يتزوجو و يجيبو ولاد و تكبر العايلة... وحدة ما تلوم لاخرى ....
سكتو شوي.... بعدها نطقت
ڨرمية: كشما طلعتو لعروس تاكل...
مزال ما ردوش عليها .. دخل تيم و الياس... شافو معاهم كل...يفوت في عينو.. كأنو يحوس عليها.... وسطهم
تبسمتلو ڨرمية. ..
ڨرمية: حفيدي لغاالي... واخيرا فات نهارك كيما نحب...عرسك راح يحكيو عليه ناس لقرية بالشهور...
ما ردش عليها... سكت بعدها نطق ...
تيم: ويني
حرك راسو وهو يسأل... يقصد افراح ...
ڨرمية: طلعتها زينة قبيل شوي ترتاح...
غير سمع جوابها جا خارج ..
نطق الياس
الياس: هههه ماكش صابر خلاص... رجع شاف فيه تيم خلاه يلم ضحكتو. لي كان راسمها ...و بنضراتو لي تقتل... وبوجه صارم سكتو خلاه يرجع يهدر
الياس:اسدي ما حكينا والو ههه .. ما تشوفش فيا هك ...
خرج خلاه يعرف الياس فمو ما يحكموش ..... و تقدم الياس دخل لصالة... هز كمشة مكسرات بيدو من فوق الطابل... و قعد فالفوتاي جنب ولدو...
الياس:اجواء هايلة... باغي نزيد نجرب شعور تع و انا عريس... شاف مع ڨرمية و هدر
الياس:الحاجة ما تشوفيلناش وحدا نعاودو بيها الزواج ....
تخطفت رقية ( بما انو ام هند) ... و شافت فيه... قدام ولادو ما حشمش ....
زينة: اليااس مش قدام ولادك...
شاف مع بنتو و ولدو لي شعشبلو شعرو و تبسم .... هذا وين توله بلي راهم بينهم... نسا بلي راهم ولادو ههه
ڨرمية: كان تلتى شوي بمرتك ذرك ما تخممش فالثانية ...
ناضت رقية حكمت حفيدتها و مشات .. وصلت عندو و نطقت...
رقية: على الاقل احتارم ولادك لي راهم بينك ... و شافت مع حفيدها ... ولدك لي قدك فالطول
...سبحان الله هذا وين كنا نقولو لسيف باه نزوجوه كيما زوجناك زمان ... راه راجل و الموسطاشو بداو يخرجولو احشم شوي
شاف في ولدو.... لي صح بدا يخرج شعرات في وجهو...
مشات خلاتو... كشما يفيق على روحو....
#هدولة
طلع ... وصل لباب الغرفة الضو شاعل..... ضغط على الپاص ... تحل لباب دزو .... و فات .... يدور في عينو على الغرفة يحوس عليها يعينو ... خيالها مكانش.... توجه وين صالدوبان... الضو كالعادة يشعل و يطفى... حل لباب.... عرف بلي دخلت و شافت لقزازة مكسرة..... .... حاطت في بالو بلي هربت هذا وش خمم ..... وقت لقاتهم كل لاتين هزت على راسها و هربت .... حل لقجر و هو قلقان.... جبد سلاحو... و خرج حالف كان تكون هربت يقتلها .... مشا بش يهبط ... لمح الضو شاعل.... في البيت لي من سنين مانع روحو باه يدخلها..... توجه بخطوات.... وصل للباب.. يسمع في شهقات تع بكاء .... بلا ما يخمم دز لباب... و دخل ..
