الحرام المباح(الداريجة المغربية)

Ep2

�الحرام المباح�
بقلم:دعاء ابن الفقيه
Ep2:
خرجات لابسة بيجامة دميكي ماوس ...مشات عملات تيلي فسارج وخا باقي واصل فنص وجبدات سيشوار كتنشف شعرها عاد صاوباتو...نص ساعة بقات مع شعرها غاكملاتو عملات ليه زيت ومشات حلات الباب وخرجات كدور لقاتها خاوية تاخوها خرج ومها وباها باقي مجاو من الخدمة مشات للبيت هزات واحد تيشورط ديالها باقي نقي وخا هكاك فزكاتو بالما وعملاتو فواحد شبكة صغيرة وطلعات بيه لسطح كتتلوز فمشيتها وفنفس الوقت كدور عينها فالسطح... مكانش تم كيف عادتو نفخات معصبة حيت طلعات على والو ...نشرات داك التيشورط وغا كملات وهي تحس بواحد الضربة جات فطرماحتها تاتأوهات بالتقصيحة
رانيا :ايي هيه شهادشي  (دارت لقاتو هو كيف عادتو طالع يكمي فالسطح ...ابتسمات وتعلات على طراف صباع رجليها وباستو لخدو )هذا انت اسيدي الكوميسير
مراد:ايه انا هذا ...شكديري هنا تاني العفريتة
رانيا:(غمزاتو ومدات يدها بجوج حطاتهم فعنقو )طلعت ننشر هاد تيشورط وقلت نشوفك تانتا هنا مع عارفاك ...هذي هي ساعتك دسطح
مراد:يا صكعة كنعيا فيك نكري شي دار وتجي لعندي فيها ونتي راسك قاصح شي نهار تحصلني مرتي ولا خوك هنا معايا
رانيا (بدات تلعب فعنقو وطلعات تا لشفايفو وباستو بوسة خفيفة عليهم )انا على ودك نصبر على العصا وكلشي المهم نشوفك شي دقايق ولايني تكري دار لا لا منبغيش راك عارفني ماكنطلعش لديور
مراد:علاش كتخافي مني؟
رانيا:لا كنخاف عليك مني ههه...ضحكات بغنج وعاودات تعلات على صباع رجليها وباستو لشفايفو وهاد المرة تاهوا تجاوب معاها ودفعها مع واحد الحيط وبدا يمص لها كل وحدة بوحدها وهي يدها كتلعب على عنقو واليد التانية نزلاتها مع صدرو شي لي خلاه يتبروش وحطاتها على سي بوعلام ...حيد بشوية عليها وقال:ياصكعة ناوية تحمقيني
-لحسات شفايفها بطريفة مغرية وقالت:ومالك تبقا غا نتا لي محمقني تا انا نحمقك شوية ...(حطات يدها على كرشو وكدوزها تالصدرو وتلعب بيدها وعينها مرة تشوف مباشرة فعينو مرة تشوف فشفايفو...قربات تاليهم وهضرات ومرة مرة تقيص فمها مع فمو)حبيبي كنت بغيت نسولك عاملة مع شي بنات غدا نتلاقاو ومحتاجة شوية دالفلوس
مراد:عاد تقوليها هي لي متعاودش (حط يدو فالجيم لوراني دسروال وعينو على شفايفها دوخاتو بالمعقول... جبد واحد 300 درهم وحطهالا فيدها فرحات وتعلات وباستو فعنقو وهربات خلاتو كينهج بوحدو ونزل لعند مراتو تبردو ...نزلات بالخف للدار ودخلات فرحانة بديك 300 درهم ودخلات لبيتها غسلات وجهها ورشات الباغفان ديالها باش تخفي ريحتو منها وخبات هدوك الفلوس فصدرها وبدات تضحك وتقول فبالها:"الله شكون فحالي هانا محافظة على شرفي وفنفس الوقت مضبرة على راسي..ههه قالك سي محسن متعطيوهاش الفلوس هانا ضبرتهم يسحابلو لاقال متعطيوهاش ماعندي منين نجيبهم"
-مشات بدات تتفرج فالتلفازة تاجات مها من الخدمة وبدات تطيب العشا على موجد كان باها وخوها دخلو ...تجمعو على الطابلة كلهم كيتعشاو..
-عائلتهم كانت ماشي غنية وماشي فقيرة ...أمورهم ميسورة عندهم غا جوج وليدات وشاكرين عليهم ربهم ومبغاوش يزيدو...سعادة مولات الخمسة وربعين عام فكانت خدامة كونطابل فالمعمل اما صابر باها مول الخمسين عام فكان نائب مدير فواحد شركة ...اما خوها محسن فكان عندو 27 سنة أستاذ فيزياء ختار شعبة بعيدة على واليديه ولكن رانيا ختارت الاقتصاد ماشا على مسار والديها
-كملت عشاها رانيا ويلاه ناضت وهو يعيط لها باها
صابر:رانيا غدا قارية؟
رانيا:آه
مع ديك آه رفع محسن راسو فيها وقال:تاهذيك لفاك كيقراو فيها الناس كون خليتوها تقرا فالدار وتمشي دوز غا الامتحانات راهم مكيقيدوش الغياب انا هاد لافاك خاطري مامهنينيش من جيهتها
يتبع