الحرام المباح(الداريجة المغربية)

53

جا صباح جديد وبضبط مع سبعة دالصباح كانو جالسين كلهم كيفطرو فالجردة مترأس الطابلة سي محمد وجالس على يمينو جمال وعلى يسارو جليلة وحداه زكرياء ...أما لمياء وجميلة فكانو كايحطو الفطور وجليلة كتغنزر فجميلة مرات ولدهاسي محمد:انا اليوم غانمشي نجلس مع سي صابر فالعشية ونهضرو بيناتنا تبغي ازكريا تخرج معانا؟زكرياء:اش غاندير معاكم ونتوماك كبار وغاتهضرو على السياسة والخدمة انا راه خدمتي بعيدة عليكم انت كتصدر الخضرة والحوت من المرسى للخاريج وهو نائب مدير فشركة خدمتكم قريبة وأنا شنو مثلا غانهضرلكم على الدماغسي محمد:اوا صاف عندك الحقجليلة:وسولو إيمتا يكونو مساليين نخرجو نخترو الخواتم أنا ورانيا ومها نسيت سميتها وزكريازكرياء:(هز كاس دالقهوة وشرب منو وحطو)انا بغيت نخترهم غا انا وياهاجليلة:شنو هو؟راه هادشي من عاداتنا العروسة تخرج مع مها وعدوزتها وراجلها ونختارو الخواتم ماشي تخرجو بجوجكم واسايب تجمعزكرياء:ياك انتيناك لي فرعتيلي دماغي نتزوج وهانا غانتزوج وسير خرج من سوقي خليني على راحتيجليلة:وازعمة خترتي بنت عائلة معروفة تاكون ديتي بنتو دمنتصير بنت عمتك حسن ليك منها (دارت شافت فسي محمد)المهم أنا غانخرج اليوم مع بناتك نجيبو داكشي لي غانحتاجوه فالخطبة تاتافق انت مع باها النهار لي نخرجو فيه نجيبو الخواتم (عاودت شافت فلمياء لي جلسات تبدا فطورها)تي فين ختكلمياء:وقيلة باقا ناعسة أنا فاش نضت مشفتهاش وجدنا غا أنا وجميلة الفطور وهانتي شفتينا حطيناهجليلة:هيه طفرتوه سير فيقها قلها تنوض دبا تفطر باش تشقاو نتي وياها ... انا عندي بنات الناس يشقاو فالدار ويعرفو يطيبو كيت بنات الزنقة لي يضلو فالزناقي يطاطيو ويخدمو (شافت فجمال)حيت مزوجين بشمايت ماعندهم كلمة على مراتهمسي محمد:جليلة صاف خلينا نفطرو جمال بلا متهضر عارفكم غاتنوضوها تاني (ضرب يدو مع طبلة)خليونا نفطرو غانهار واحد بلا صداع يلاطيف-بداو فطورهم ومشات لمياء فيقات سمية لي كانت ناعسة ومدوخة بالنعاس عاد نزلات تفطر معاهم...ناضت سمية غسلات وجهها ونزلات شاركتهم الفطور وجليلة مبغاتش تسكت كل مرة تخشي الهضرة فشي حد وخصوصا فجميلة تاطلع لها الدم وناضت هي وجمال مشاو لخدمتهم وتبعهم زكرياء قبل لاتلصقو تاهوا وخلاوها لاصقة فسمية حيت تعطلات ناعسة-خرج زكرياء ركب فطوموبيلتو ماوقف تالعند واحد البقال خدا من عندو عصير والخبز مدهون بكيري والمورطادينة ورجع ركب فطوموبيلتو ماوقف تالحدا المستشفى...نزل وهز ديك بلاستيكة ومشا عطاها للعساس لي حدا الباب...شكرو وخلاه ودخل طلع مباشرة لمكتبو وبدا فمزاولة عملو لايضحك مع فيرميرات لا مع طبيبات ...ماكيكون علاقاتو مع حد فالخدمة-مع التسعد دالصباح دخلات سعيدة مور مادوزات ليلتها مع واحد من زبائنها...دخلات وفيدها الحليب والخبز ولافاشكيري وقبطة دالنعناع...حطات الخبز فوق الطابلة عاد دخلات صاوبت أتاي وحطاتو فوق الطابلة هو والكيسان والمواس ومشات جلسات حدا مونيا كتفيقهاسعيدة:(كتدوز يدها على شعر مونيا)بنتي نوضي تفطري نوضي-بدات تحل عينها مونيا وتجلسات ...يدها كان باقي مجبص دخلات لتواليط ومشات سعيدة سبقاتها وبدات تفطر...خرجات ومشات مسحات وجهها عاد خرجات وجلسات حدا سعيدة وهزات كاس دآتاي كتشرب منومونيا:فوقاش غانتلقا داك سيدسعيدة:وباقا مجبصة تاتحيديه عادكمونيا:انا مغانصبرشي تانحيدو ونبقا هنا مور ديك الشوهة عملي معاه رونديفو فالعشية نتلقاوسعيدة:وصاف انا نقولها لديك صحيبتي وناخد من عندها رقمو باش منبقاش نبرزطها انا-وقفات ومشات جبدات تيليفونها من الصاك عاد رجعات جلسات وسيفطات ميساج لصحبتها تسيفطلها رقمو وكملات فطورها...شوية عاد سيفطتلها رقمو... اتاصلات بيه بقا شحال عاد جاوبهاسعيدة:الو هذا رقم سليمان ؟سليمان:ايه مينو معي؟سعيدة:أنا أم مونيا صاحبت كريمة لي طلبت منها تخترلك بنت حليوة تتزوجو زواج عرفي ، إذا كان معاك وقت تلتقو انت والبنت بتتعرفو أكثر وتتفقوسليمان:آه معي أكيد كنت بنتظر اللحظة نلتقي فمطعم *** الساعة 8 ؟اديني العنوان اجي وراها لباب البيتسعيدة:لالا ماتعذب حالك هي هاتيجي فالموعد انت شفت صورتها بتعرفها خلاص اخليك ها الساعة-قطعات قبل مايزيد يطول معاها الهضرة وهي فيها الجوع ...هزات خبزها وبدات تاكل وفنفس الوقت كتقولها فين غايتلقاو ... غاكملات ناضت مع مونيا عاوناتها فالحكان وغسلاتلها شعرها ... خرجات لاوية عليها الفوطا وجلسات وهزات سعيدة السيشوار كتنشفلها شعرها عاد بدات تصاوبولها ... غاكملات معاها خلاتها تختار ماتلبس ومشات توجد الغدا ...-داز الوقت ومع العشية كانت لابسة طريكو فالبيض مع صاية فالأحمر ...طلقات شعرها ولبساتلها مها سبردينة عاد نزلات شدات تاكسي وصلها للمطعم يلاه تمشات بغات تدخل وهي تسمع شي حد عيطلها باسمها... دارت وهي تشوف راجل أربعيني السن ...شعرو كحل ومخلط بشوية دالأبيض ...لابس قاميجة وفوقها كوستيم بلا كمام وسروال فالرمادي... قرب لعندها وهضر بلا ميضحك ولا والو وقال:انتي مونيا موهيك؟مونيا:(حاولات تتبسم وتخبي كرهها لهاد اللهجة)آه أنا ،انت سليمان؟سليمان:تماما ...(ابتسم لها )اتفضلي-تمشاو بجوجهم وقال اسمو لسكريتي شافلو الحجز وقالو رقم الطابلة ديالهم...دخلو بجوج وغا وصلو لطابلتهم دفعلها الكرسي جلسات عاد جلسسليمان:طلعتي أحلى من الصور ...المهم خلينا نطلب شي ونتعرف عبعض أكثرمونيا:أوكي-هزات الموني كتشوف شنو تدوموندي وتاهوا نفس شي...عيط لسيرفور وقالوليه اش بغاو عاد شاف فيها...كانت شوفاتو عادية مكيشوفش فشي جيهة ماهياش ... وتا من السلام مسلموش كاع بالوجه كان نوعا ما مختلف على النوع لي كانت تتلقاه وتفتخهم ...كان هذا مرزن عليهم ومافيهش الخفة ...اخترق حاجز تفكيرها صوتو الغليظ لي كان مخالف مع اللهجة لي كيهضر بيها... اللهجة لي كتجيها غا ديال الز...سليمان:المهم أنا سليمان السليماني ...اسمي بيشبه كنيتي بس مو بإيدي هم سموني هيك هه المهم أنا عايش فالسعودية أبي سعودي وأمي من لوس أنجلوس عندي 45 سنة ... أنا بدي اتزوج زواج عرفي لأنو الزواج اللي بيكون تحت القانون مابحبو بحس انو فيه إستغلال نوعا مامونيا:استغلال من أي ناحية ؟سليمان:الورث والمال... في صديق اللي اضحكت عليه وحدة وخلاتو يبين انو بيخونها مع صاحبتها كانت متفقة معاها وبعدين هددتو وأخذت كل مصاريه...انا من هونيك فكرت اني مالازم اتزوج بس بعد ماعرفت الزواج العرفي من كريمة صاحبت أمك وشرحتلي ياه حبيتو وخليتها تخترلي بنت وانتي؟-كانت كتقول فبالها قبل هاد الوجه ماشي دواحد سعودي لكن مور ماعرفات أصول أمه عرفاتو منين جاب هذيك اللمسة لي مخلياه مختلف عن الآخرين لي تلقاتهم ...كان عنده طابعه المميز لي مميزو على لي تلقاتهم وهاد الميزة خلاتها ترتاح نسبيا وخا اللهجة كتنفرها نوعا ما...مونيا:أنا مونيا 22 سنة كنت كبدرس الإقتصاد فالجامعة بس صدقت بنت كنت بظن انها صاحبتي ونمت معاها فالبيت...حطتلي فالعصير حبايا ونمت وبدون ماحس باعتني لواحد وسخ ...فعلا عندك الحق متصدقش البنات وأنا كمان مابصدق لا بنات ولا رجالة...انا حبيت اتزوج بيك حتى ماظل هون حبيت ابدا حياة جديدة وانسا كلشي وبغيت ابداها على الصراحة كيف صارحتيني من الأول انتسليمان:كم مر على الحادثة؟مونيا:أسبوع تقريباسليمان:وقدرتي تتجاوزي الأمر بهاي السرعة؟مونيا:إذا هي اخذت مصاري وسافرت وعاشت حياتها أنا هدفن حالي مثلا؟ أنا هقوي حالي واتجاوز هاي المرحلة واخطي خطوة تانية فحياتي وبعد من المكان كلو وهعيش حياتي كيفما بحلم وهي راح يعاقبها الله سبحانهسليمان:(تبسملها)حبيت شجاعتك وقوتك كريمة اختارتلي بنت أحلامي ... قوية وراح تقويني فأوقات ضعفي المهم شو من شان المصاريمونيا:أنا مابدي مصاري بدي بس تسويلي مشروع فالسعودية مطعم وصالون نسائي وبمدخولو هعيش بعد مانفترقسليمان:حبيت الفكرة خلاص لما نروح هخلي مديرة أعمالي تجهزلك كل شي بس إذا ممكن لما أجهز العقد اللي راح يكون بيناتنا هيجهز بيوم أصلا هو كتابي بنسافر بسرعة انتي عندك جواز سفر؟-بقات ساكتة تفكرات نهار كانت كتجري عليه باش يوجدلها دغيا هي وزينب...عوالين يسافرو بجوجهم ويفوجو فالأخير باعتها وكل وحدة وفين طريقها...شافت فيه وتبسمات وقالت:آه عندي جاهز وهيك أحسن انت اتكلف بالأوراق الباقية وخلي سفرنا يكون بأسرع وقتسليمان:حبيت تفهمك للموضوع كثير-حطلهم السرباي طباسلهم ومشاو كانو طالبين شرائح لحم مشوي وشلاظة وبيبسي وهي فانطا...كان يدها الشمال مهرس ومعرفات كيف تقطعها خاصها ضروري تشد بيد وتقطع بيد.....لاحظ الموضوع وقطع اللحم لي فطبقو لقطع صغار باش تقدر تهزهم غا بالفورشيط وقلب الطباسل خلالها المقطع وخدا الصحاح وبدا يقطع فيهم...شدات الطبسيل من عندو وعجبها هاد المنظر لي عمل وبدات تهز وتغمسهم فالصوص وتاكل وهو نفس الشي ...كان الهدوء عم المكان فقط موسيقى هادئة دالبيانو وسط جو رومانسي للبعض ومكهرب للبعض الآخر أما بالنسبة ليهم فكان مريح نوعا ما ... كملو ماكلتهم وجابليه السرباي الحساب خلص وخرجو بجوجهم...سليمان:خليني أوصلك للبيتمونيا:لا بركب تاكسي بوصل عادي المهم انت هتحتاج بطاقتي الوطنية؟سليمان:هحتاجها هي وجواز سفركمونيا:انا عندي بس بطاقتي الوطنية خلاص وصلني وبطلع اجيبهالك من البيت وتنتظرني انتسليمان :تمام-جابلهم العساس الطوموبيل من الباركينغ فتحلها الباب ركبات ودار ركب بلاصتو ...عطاتو العنوان كتبو ف gps عاد بدا يسوق غاوصلها طلعات بالخف جبدات من باليزتها الجواز دالسفر ونزلات عطاتهملو ...ودعها ومشا وهي رجعات طلعات للدار غادخلات شدات الباب وراها لقات سعيدة كتسناها باش تعاودلها أش وقع-فدار سي صابر كان جالس فالصالون كيتفرج ...قرب لعندو محسن بشوية وجبد ليه يدو بالخف وباسها ...نترها صابر منو ومسحها فسروالو وغنزر فيه ودار يتفرجمحسن:وا الواليد غاتبقا معبس واصاف هانتا أنا غانتزوج ونمشي ورانيا غاتمشي وغانخويو عليك الدار وصاف سمحلي هاد المرة راه انا براسي غا عملاتلي فانيدة وعبرات علياصابر:ماسوقيش ورا داكشي بقا عاجبك الحال واسير دبا تزوج وهنيني من صداعك ومن كمامركممحسن:ولا صاف رطب قلبك من ناحيتيصابر:(وقف وحط تيليجوموند فوق الطابلة وتوجه لبيتو)لاسامحتلك خاصني نسامح تالهذيك ولكن انا مغانسامحهاش-دخل وسمح فمحسن جالس ومشافش رانيا لي كانت دايزة وسمعات جملتو...دخلات لبيتها مهمومة ماهيا قادرة تفرح بخطبتها وتعيش الفرحة ماهيا قادرة تحزن ...ماعرفات شمن طريق تشد عقلها ترون ومشاعرها مخربقة شي لي خلا راسها ينوض يحرقها ...مشات كتجبد فالكساوي لي شرات بفلوس الفتيخ جبداتهم كلهم ورماتهم فطارو دزبل ومع خرجات لقات صابر واقف فبيتها وشد تيليفونو فيدو ومدو لهاصابر:زكريا باغي يدوي معاك شديكان واقف زكرياء حدا لابيسين الريح كيحرك ليه شعرو شاد تيليفون حاطو على وذنو كيتسنا يسمع صوت رانيا...تاسمع صوتها وتبسم وبدا يدوز يدو على لحيتو وعاود حيدهارانيا:الوزكرياء:الو رانيا كيف نتيناك لباس بيخير؟رانيا:(شافت فباها خرج وشد الباب عاد مشات جلسات بلاصتها وجاوبات)لباس الحمدلله وانت لباس ؟زكرياء:الحمدلله بيخير...المهم باك راه تافق مع الواليد نهار السبت نمشيو أنا وياك والواليدة ومك يشريو الخواتم وخا الصراحة انا كنت باغي نهود غا انا وياك غا باش نهنيك من الواليدة ساعة والو قالتلك داكشي من تقاليدنا العريقة ههه المهم لاشفتيها لاصقالك فشي خاتم وعجبك آخر غاوريهلي وخليني أنا نتكلف ونقول عجبني باش مينوضلكش الصداع معاها وبلا متخاف راه غانوجد الدار مور زواجنا غاليلنا ومنسكنوش معاها هي قاصحة بزاف علينا حنا ولادها عساك معاكم ...المهم فلول غاصبر معاها تانمشيو لدارنا صافي؟رانيا:آه ماشي مشكل صافيزكرياء:المهم(شاف فالسما)قولي شحال كتلبس بغيت نشريلك شي صباط لرجلك كادورانيا:الا بلا متكلف على راسكزكرياء:وغاقول أنا بغيت نشريلك شي حاجة تتفكرني بيها وشريتلك تاحاجة أخرى كادو تانتلقاو ونخشيهالك فجيب لبس شي حاجة فيها جيب باش ميشوفوناش...والصباط غانسيفطولك مع ليفغوغ هو وشي حاجات اخرينرانيا:المهم أنا كنلبس 37 فرجليزكرياء:صاف وخا ...تقدر تعطيني رقمك نهضرو أنا وياك؟رانيا:لا معنديش تلفون ممنوع علينا فدار نشدوهزكرياء:هي غانبقا نتسنا غا نهار نتزوجو ههه المهم ماعلينا نتلقاو نهار السبت وغانتوحشكرانيا:آه صاف بسلامة-قطعات وخرجات التيليفون لباها لقاتو جالس برا ...مشات مداتولو شدو من عندها ومشا لبيتو...رجعات لبيتها ومشات تمدات فرحانة باهتمامو بيها ...حسسها بالحب نوعا ما وبالأمان...حسسها أنها غاتعيش معاه حياة كلها ألوان بعيدا عن السواد لي رجع فدارها-أما هو فغير قطعات خبا التيليفون فجيبو ورجع مشا جلس فجليسة دالجردة كان سي محمد جالس حاضي جليلة لي كانت لداخل وحصلات وحدة من بناتها خبات الزبل تحت الزربية ومجمعاتوش ...هازا فيدها قطيب زيتون وموقفاهم بجوج حداهاجليلة:يلاه قرو يلاه هضرو شكون فيكم لي خبات زبل تشطيب تحت الزربية هاه شكوون ؟(غوتات بجهد تاقفزاتهم بجوج من بلاصتهم)دويو شكوون فيكم؟لمياء:(بداو الدموع ينزلولها بالخوف)والله ما أنا راه اليوم كانت نوبتي فالكوزينة وجميع البيوت هي لي نوبتها فتخمال الدار وتشطيبهاسمية:(رجعات شافت فختها)شنو باغا تقولي أنا عملتها هاه (رجعات شافت فمها)راه تلقاها هي لي خباتها البارح تم حيت كنا مزروبين خاصنا نمشيو نخطبو لزكريالمياء:شنووو؟كذابة البارح أنا وياك اماما جمعنا هنا باش نمشيو دغيا عقلتي شفتي الكذابة هاهيا تفرشات-مجات فين ضربها تاكانت طارت وخرجات للجردة ومشات كتخبا فسي محمدسمية:ابا قولها مضربنيش ناري باغا تزرقنيجليلة:(تبعاتها هازا القطيب ومخنزرة)اجي الخانزة المعفونة باغا تحشمنا فالمستقبل مع النسايب اليوم نقطع على جدك الويفي تبقاي خاشية وجهك غافيهسي محمد :(وقف وتخبات سمية وراه)تي بعدي من البنت راه باقا صغيرة عاد 17 سنة شمن نسايب عييت فيك نجيب خدامة للدارجليلة:الا الخدامات شغلهم معفونسمية:تا أنا امي شغلي معفون غاخليه يجيبهم-مع هاد الهضرة بدا يضحك زكرياء وفاش شافها سي محمد كتتراد مع مها خلاها تدوز لها وضرباتها بالقطيب وحدة جاتلها فيدها والتانية فرجلها...هربات قبل ماتكمل عليها وطلعات لبيتها وهي كتحك فالضربات وتبكي