الحرام المباح(الداريجة المغربية)

79

حمدات ربها فسرها على رانيا لي علماتها بلا رضى خو الزوج دلمياء أما كون جنات على حياتها وعلى ختها لي عاد تزوجات ... جا السرباي فوقتو وحط ليهم العصائر الباردة هزات الكاس رشفات منو رشفة صغيرة مبللة حلقها ويلاه غاتنطق وهو يهضر رضى ،لي حس بيها وبسكوتها وعرفها وحلاترضى:سمية عندها شي مشاكل مع عائلتها ،مشاكل شخصية وأنا عارفهم فكنفضل الموضوع يبقا سر بيني وبينها ...انا اليوم جبتكم تتعارفو على شخصيات بعضكم وعاد لاكنت غانتزوج فراه غانتزوج بيها ماشي بعائلتها وبلا متشطني راسك بداك المشكل حيت ان شاء الله غايتحل مع الوقت ...عائلتها من النوع لي كيعجب الواليد غاكوني هانيةصفاء:ولكان هكا وخا راك عارف باك باغي غا ناس الفين والوين لي يتناسب معاهم ،المهم ماعلينا نتي فاش خدامة أبنتيسمية:فقسم المستعجلات ولكن فمستشفى خصوصيصفاء:واه هكاك حسن يابنتي العمومي على مكنسمع ونشوف فالفيس قالك كيجيو ليه فليل غاشماكرية هالي مقطعة وذنو وشادها فيدو هالي مخشي فيه جنوي وكل واحد فصفة فشكل الله يسترنا ويعفو عليهم المهم يابنتي أنا سميتي صفاء معقلتش واش قلتها قبل أنا من واحد الدوار وأصلي راه من بنزرهون قريبة من فاس شوية أنا عزيز عليا الجدية كيف معروف على ناس ديك المنطقة فلبانلك هادا لي حداك غاكيتفلا ركليه مانوصيكش كتر أنا ماعنديش البنات ومكنبغيش لي يلعب ببنات الناس ولا كاع نعطيك رقمي شكيهلي نسلخو ليك منها نرد يامات زمان والصندالة دالميكا ههههسمية:ههه وصاف خليلي رقمك لاماشكيتلك بعدا نهضرو ونضحكورضى:لاتبارك الله عاملينلي التجمع النسوي هههه وابشوية عليا الله يهديك الواليدة واش عارفاني كنتفلا أنا راه كنكون غادي معاهم بنيتي ومن بعد مكنتفاهموش وكنتفارقو بلتي هي أحسن ولكن هي راه فشكل ومنضمنلكش نخليها كاعصفاء:(بدات تضحك وهزات عصيرها شربات منو شوية)اوا الصراحة تقال عمرو عرفني على شي بنت من غيرك نتيرضى:عارفك غاتبغي تزوجيني فساعتي ههه اما سمية هانيةبدات تضحك سمية وطارت عليها الخلعة وبدات حتى هي تجمع مع صفاء وتضحك لقاتها تفكيرها متحضر وخا باقا كتذكر وتعرفهم بالعادات القدام ولكن كتأيد كاع قراراتهم ،عاد بانتلها معقولة وضريفة فنفس الوقت ولكان سر بينهم متنبش فيه كتخليهم منهم لبعضهم ومكتزيدش تسول كتر ...عند عز الديندخل للكوميسارية وطلع مباشرة للمكتب دالشاف دق فيه وعطاوه الاذن ودخل ...لقا تامر جلس فالكرسي وفالقدام مترأس المكان جالس الشاف ديالو مصطفى ... دخل وجلس حتى هو مقابل مع تامر وبدا يغمز ليه بعينو يشرح ليه لي واقع وراسو كيغلي بالأسئلة خلاو الفضول كياكل فيه من الداخل ...حمحم مصطفى ودار شاف فعز الدين بملامح جدية مغنزر ومكيضحكش ومد ليه واحد الورقة مغلفة بكيس بلاستيكي شفاف محافظ على الدليل ،شدو من عندو وبدا يقرى فلي مكتوب ولي خلا أعصابو تفور

"عوض تدخل فقضايا الناس حل قضيتك هي اللولة *عز الدين المجاطي* "كان باينة عارفو ومزيان ،عارف ماضيه بتفاصيلو وعارف حكايتو ولا كاع عاش فيها ...حس بأن هاد الرسالة عندها نفس الارتباط بنفس المجرم لي قتل ليه مو فلول وتبعها بباه رجع شاف فمصطفى لي كان حاضيه ومركز على ملامحو كيحاول يقراه ،وكان فمتناولو حيت كان كصفحة مكتوب عليها لي كيجول فبالو بديك الصدمة والأعصاب لي ترسمو على تقاسيم وجهومصطفى:معرفتش اشنو علاقتك بالقضية ولا كيفاش قال ديك الجملة وشمن تدخل تدخلتي ولكن جاوني أوامر من الفوق عطاوك صلاحية الدخول فالتحقيق (مد ليه العقد مختوم من الأسفل) وهاد الورقة تقدر تخليها عندك في حالة شي حد بغا يتقلب عليك ويقول بلا كدخل فمسائل ماشي ضمن خدمتك وفنفس الوقت كيبقا قرارك واش غاتوافق تشارك ولالاعز الدين:أكيد غانشارك ...المجرم مباغينيش نتدخل فغنتدخل وماعندي مانخسر ،بغيت نعرف تفاصيل أكثر حول هاد الجريمةمصطفى:هي ماشي غاجريمة وحدة ...هوما عدة جرائم مرتابطين ضمن بعضهم وكاع لي تضررو مكيموتوش وعاد البارح واحد من الفاسدين لقاوه مربوط مع الشجرة لي حدا دارو وملصقة ورقة فصباطو بلا الدليل كاين وسطو فاش قلبناه لقيناه كيشد رشاوى من عامة الناس وكيشربكها بينهم ،المهم تامر غايوريك الدلائل وكلشي (شاف فتامر)خودو معاك للغرفة دالتحقيقات فين الدلائل محطوطين وعنداكو تضيعو شي دليل نصدقو فمشكل كبرخرجو بجوجهم مع بعضهم كيتمشاو ناحية الغرفة التانية فين كاين الفريق ديالو وفنفس الوقت بدا يشرح ليه لي واقعتامر:من بعد الجرائم العشوائية لي وقعو فطنجة ونتاقلو لهنا فشركنا التحقيق معاهم وحيت الجرائم وقفو تم فسيفطولنا صور على لي لقاو وحنا نفس شيء باش نتعاونو بجوجنا وخا شاك واش غايديرو يدهم أصلا،المهم الجرائم دهنا مختالفة ...بداو أول شيء بتيسير ودج عطيتك معلومات على الجريمةوقف كلامو بعد ماوصل لعند فريقو عرفهم بعز وعرفوه بنفسهم عاد وقفو كلهم مجموعين حدا واحد الطاولة كبيرة وفوق منها كاع الدلائل مغلفين ببلاستيك شفاف باش يحافظ عليهم والصور لي وصلوهم من مكتب التحقيقات بطنجةتامر:الجريمة التانية وقعات للمياء وزكرياء الزرقاوي وملقينا لا دليل لا ورقة والتالتة وقعات البارح راه عاودلك الشاف والدليل هو داك التسجيل داعترافاتو ...حاولنا نعرفوه لمن اعتارف فقال لصاحبو وشكينا فيه من بعد لقينا عندو جهاز تنصت فمكتبو ومن تم جا التسجيل ،وقلبنا فالكامرات مبالنا تاحد دخل غريب كلهم غا المحششين والشيخات وماجاوره ومعرفناش اصلا ايمتى تركب ...والرابعة الصباح فواحد الفندق كانت حالت تسمم عادية ولكن بعد التحاليل لقيناه تعاطى واحد النوع دالسم غير هو خفيف ولاتعالج دغيا مكيموتش فاش فاق لقا ورقة وسط جيبو مكتوب فيها كاع الجرائم لي وقعو هنا ومعاهم تهديد ليه (مد الدليل لعز)قشعاتو الفرميرة وهي لي قالتها لبوليسي لي كان تم وخداها من عندو بزز باش طلقها وعيطلنا حيت داكشي متعلق بمكتبنا ومكانش عندو علاقة بأكل الفندقعز الدين:مبغاش يعطيها ليه حيت فيها تهديد أنه غايسممو على كل ليلة اغتاصب طفولة بنت صغيرة (رجع حط الدليل وشاف فتامر)المجرم كيحارب الشر بالشر ولكن أنا شدخلني وشدخل قضيتي فالموضوع هذا لاش بغيت نوصل