الحرام المباح(الداريجة المغربية)

70

شاف فيه زكرياء مغنزر وعينيه عامرين دموع وقال:دخل سوق خدمتكتمشا خارج فحالو والدكتور دار شاف فالفرملية لي كتضمدلها يدها لي تجرح بالكاس ... خرجو كلهم وخلاو المنظفة كتجمع الزاج ...-كانو باقين جالسين كيستوعبو كلام سي محمد لي صدمهم حتى نطقات لمياء وقالت:كنت عارفة بلا كاينة إن في الموضوع حيت ميمكنش عملات غاحادث ومخلاوناش نمشيو نشوفوها أصلا من لول بانتي وحدة فريفرة منها مكاينسمية:ههه من نيتك ولا؟ شفتك من أول نهار طلقتي فسمك فيها تفو على منافقة فحالك فحال باك(شافت فجليلة)ماما متقوليش تقتي حتى نتي؟جليلة:نتيق ولا منتيقش ماعند الميت مايدير قدام غسالو راك سمعتيه على وذنك جمال يلاه تهنا ومرتو حاملة وعندهم الدراري ونزيدوهم بالمشاكيل يمشي يقربلهم راني ماعندي ماندير لي قال غانعملولمياء: ويلي حتى انا مالي حمقت يمشي يزوجني بداك الشارف بوطحشة تقول حامل بتسع شهور لالا اللهم نقول داكشي ولا نتزوجوسمية:اياه وتحلفو على القرآن وهانيا عندكم؟ والله ماكتحشمو انا بعدا وخا يحرقني مع دوك الوراق والله لاشهدتلووقفات معصبة وطلعات لبيتها تخبي ديبلوماتها خلات لمياء كتجمع فالطابلة ممسوقاش وجليلة كعادتها كتشوف فالجردةكان جالس سي محمد فمكتبو حتى دخل عليه المحامي بعد مادق فالباب ... مشا وجلس مقابل مع المكتب ديالوسي محمد:أهلا ااستاذ تشرب شي حاجة نعيط لدراري يجيبوهالكالمحامي أيمن:لا اسي محمد لقيتيني عاد فطرت ... المهم راك عارف قالولك فسبيطار عاطيين حتى رقم المحامي للمشفى يعني غاغاتفيق غايوصلوها للمحامي أول شي ... خوها باينة فيه متحلف فيكم المهم انا غاناخذ كاع الاحتياطات تاعي دبا تلقا القضية تدفعاتسي محمد:شوف راك عارف الخير موجود ونتهلا فيك انت وحتى القاضي غادوروها بينكم وخرجو ولدي مافيه والوالمحامي أيمن:(تنهد وصاوب نظارات دالشوف فعينو وشاف فسي محمد)كاين واحد المشكل !سي محمد:اشنو هوا باغي الفلوس؟المحامي أيمن:الا كاين فالمحكمة واحد القاضي ... لاعرضتي عليه الرشوة يدفنك فوسط أرض الحبس ... قوي وراه شي حد قوى مننا ماعرفتش الصراحة منين جاياه هاد القوة ولايني راه كاع لي ترشاو فأي قضية كيجبدهم ... إذا شد هو القضية عمل فراسك مغانشد حتى فرنك من عندك وغاننساحب ولكن اذا مشدهاش فغانبقا معاك ... وعمل فدماغك بلا اي واحد مايبغي يشدها من غير هذوك لي كيبغيو يتحداوه ولا لي مباغينش خدمتهم وباغين غاالفلوس وهاد النوع كيتخلص بالملايين باڜ يشدو القضايا وآخرتهم كيمشيو للسجنسي محمد:ودبا شنو غاتخليني وسط الطريق؟المحامي ايمن:(مسح على جبهتو العرق من حرارة الشمس)راه منخسرش خدمتي هي لي دايما المهم غانشوف شكاين فالمحكمة ونقولك ونشوف القاضي لي غايشدها اشمن تاريخ غاينفذ الجلسة يلاه خليتليك الراحة اسي محمدخرج برا خلا سي محمد كيشوف فضهرو غاشافو غبر وهو يبدا يسب فيه ويدعي باش ميشدهاش داك القاضي ...

فاق محسن مع 12 دالنهار على التيليفون لي كيصوني مد يدو وهزو جاوب وحطو على وذنومحسن:امم شكاين شكون معايا؟المحامي ياسر:الو سي محسن انا المحامي ياسر صوناو عليا فالصباح بكري من المستشفى قالولي بلا المدام رانيا فاقت وداك الساعة تسنيت غافتحات المحكمة ودفعت الملف كلو بالتصاور وكلشي راه غايشدها شي قاضي ويراجعو داكشي غايسيفطو البرية لدار الجاني وبغيت ناخد اذنك فاش تكون ختك فحالة مزيانة بغيت نهضر معاها على ود القضيةناض تجلس محسن كيحك فعينو وناض بالخف مشا للحمام وفنفس الوقت كيهضر:اه مكنتش عارفها فاقت صاف الله يرحم الواليدين ااستاذالمحامي ياسر:الله ياودي خليت ليك الراحة اسي محسن ...قطع الاتصال وحط تيليفون غسل وجهو بالخف وقضا روتينو الصباحي عاد خرج ومشا للكوزينة عند جنات لقاها كتطيب ... باسها من حنكها وقال:جنات شوف الله يرضي عليك طلع علمهم بلا رانيا فاقت انا غانلبس ونمشيوجنات:ضبصاح؟الحمد لله انا غانطلع نعلمهم ...طلعات بالخف ودقات فالباب وبقات تتسنى حتى فتحلها صابر ... باست ليه يدو ودخلات لعند سعادة للكوزينة لقاتها كتغسل فالمواعنجنات:خالتي سعادة انا طلعت نقولك ..قاطعتها سعادة وقالت:ماتقولي مانقولك ماطلع لعندي تاتهز فكرشك اولا نسيت كل مهزاتها كتطيحهم ولا تقول حمل خارج الرحم واهدشي بزاف خمس سنين وحنا نتسناو فالولاد وانا بغيت نشوف حفايدي قبل مانموت كون غاخلاني نخطب ليه شي وحدة تكون كاملة مكمولةكانت ديما تعايرها بنفس الكلام لدرجة قلبها ماشي غاجرحاتولها ... كان قلبها كينزف دم على كل كلمة خرجات سعادة ... تعايرها بالولاد لي مكيبقاولهاش فكرشها وكيطيحولها ولا كتنزلهم حيت كيكون عندها حمل خارج الرحم ... تجمعو الدموع فعينها ودارت قبل ماتشوفهم سعادة وتمات خارجة وهي كتقول :رانيا فاقت وجد راسك تمشي معاهخرجات وهي تسمع سعادة كتزغرت وفرحانة بفياق بنتها ... نزلات مع الدروج وجلسات فواحد الدرجة كتبكي من كلام سعادة ... بكات حتى شبعات عاد وقفات ومسحات دموعها ونزلات دخلات لدارها لقات محسن لبس عليه وكياكل بالخف غاشافها حط الخبز من يدو وقربلها وهو عاقد حواجبو ... شدلها وجهها بين يدو وقال:مال نيفك حمر وحناكك مزنگين؟مكيرجعو هكا تاكتبكي واش قالتلك شي كلام ناقص نطلع نهضر؟جنات:(تبسمات ليه وحطات يدها على يدو)الا راه غابكيت حيت عارفة رانيا ماتلها ولدها وعارفة بحق هاد الاحساس وعارفاها غاتكون مقصحةبداو الدموع ينزلولها وهو يمسحهم محسن وباسها من جبهتها وقال:الذنب ماشي ذنبك هذو وقيلة ذنوب افعالي القدام كيخرجو فيا سمحلي ابنت الناس كنظلمك معاياجنات:الا انا مآمنة بلا غايجي نهار ويكمل فيه حملي متبقاش تقول هاد الكلام كل مرةمحسن:دخل لبس عليك ويلاه معانا خاص رانيا تسمعلك حسن ماتسمع للواليدة ... نتوماك قراب من بعضكم فالسن ودايزين بجوج من نفس المحنة غاتفهمها وتفهمكابتاسمات ليه ودخلات وهي كتمسح فدموعها لبسات كسوة واسعة ممبيناش تفاصيل جسمها ... صاوبات شالها ودهنات كريم الحماية من الشمس بوحدو وخرجات كتلبس صباطها عند الباب ... نزلات سعادة وهي مغنزرة وغاشافها محسن قال:فينو الواليدسعادة:راك عارفو مباغيش يشوفها قلتهالو وقالي منعاودش نذكرها على لسانيمحسن:اودي عييت نشرحلو هذوك غافوطوشوب وفالمحكمة غايتفرشو ومكيسمعش زيد زيد الواليدة خليه دبا يندم