الحرام المباح(الداريجة المغربية)

78

ماقدرات تعمل حتى حركة بيدها حيت كانت جالسة مقابلة مع بزاف دالناس غير العروسة وهذيك الحركة حشومة نوعا ما ،المرة الفايتة كان عادي حيت كانت جالسة مقابلة غا مع تريكت زكرياء ولكن دبا لا حيت كاينين حتى شخصيات هامة فالدولة خصوصا سي العربي معروف كان ويمكن حجرتو كانت تقل من سي محمد ، ولكن كانت عارفة غا وجودها وضحكتها حارقاهم حرق ...بقات كتهضر مع جميلة ومها زوبيدة لي بدورها معندهاش مع العراسات وعزيز عليها غا الهدوء فين ساكنة ولقات رانيا تزيد تتلاها معاها ويخرجو من داك الملل ،حتى بداو ينوضو البنات والنساء يشطحو على الشعبي ومزهيين الوقت وبدات غا كتصفق وترمش وتشوف فالعرس لي خاصو يكون فتلت يام ضربوه فنهار واحد ... جا وقت الغدا تغداو وعاودو بداو يشطحو البنات ومزهيين الوقت ونوضات جليلة لمياء هي ونكافة وشي بنات خالاتها وطلعوها يبدلولها بلبسة التانية ... داز الوقت وجا الليل وتجمعو فالجردة ،وبداو الرجال من المدعوين يحضرو ،رجال برلمانيين صحابهم من البوليس الرؤساء فيهم ونسوتهم معاهم بقات واقفة قدام الطابلة بوحدها حداها كاس دالعصير وطبسيل دالحلوة كتشرب وكتعض من كعب الغزال وحاضية بعينها كل شخص من الحضور كاين لي عرفاتهم وكاين لي معرفاتهمش حتى جا رضى وجر كرسي وجلس عليه كيرتاحرضى:هففف غانجلس هنا مخبي غاخليك واقفة حسن تغطي عليا واالواليد مخلا علامن عرفني المشكل انا معنديش مع الصواب كنبقا غانفرنس تاحناكي حرقونيرانيا:أصلا غانبقا واقفة أغلبية واقفين قليل لي جالسين وعاد بغيت نبقا واقفة فالواجهة باش كلشي يشوفنيرضى:(مد يدو للسرباي دايز بكيسان العصير لي بدورو وقف وهز واحد الكاس رشف منو وحطو)انتي لي جات معاك والله أنا غانوقف يقولهم هاولدي المحامي لي جا اللول فالكلية وهو غاشاريها تاكنحشم كاع ماكرهتش نقولهم برب مانقطتي هذيك راه غاشافرينهارانيا:ياودي ماعندك ماتديررضى:(رجع دور عينو فالمكان ورجع شاف فرانيا)تي فينها سمية؟ سيفطتلها ميساج مجاوباتش وكانت عوالة تجي معاك ياكما المجرمة مخليتيهاش تجي هاهرانيا:الا راه كرشها كتحرقها ومتسولش كتر لانعطيهالك فالوجه ونخليك غارق فدمك تمفهم مقصدها ويسحاب ليه جاتها ليغيكل وناض على سعدو ووعدو خرج بالخف وركب فطوموبيلتو وكسيرا مشا لسوبير مارشي شرالها السقاطة شكلاط كيكس شيبس وكاع لي كيعجبها ورجع ركب ماوقف حتى وصل لباب دارها عيا يصونيلها فتلفون مكتجاوبوش شاف تاعيا ووقف بعيد شوية مقابل مع باب الدار وبدا يعيط بجهدرضى:سومياااا سميااااا واسميااااا نزااال سميااكانت متمددة بلاصتها والدموع فعينها كتشوف الفيديوهات لي سيفطاتلها جميلة دعرس لمياء وغاسمعات صوتو ناضت كتجري وفتحات السرجم وطلات وبدات تدير ليه إشارة باش يسكتسمية:هشش الشوهة هانا كاع نازلة اويلينزلات بالخف كتجري فالدروج ونسات ماغسلات وجهها وبقات باينة من عينها كانت كتبكي ،فتحات الباب وخرجات راسها من الجنب كطل عليهسمية:اويلي على شوهتي واش حمقتي راه جيران كلهم ساقو الخباررضى:(هز البلاستيك بجوج فيدو عامرين سقاطة من الطوموبيل ووراهملها )جبتلك هذو ،قلت مريضة نفرحك بيهم
قرب لعندها كيضحك ومدهم ليها شداتهم بيدها بجوج وابتاسمات ليه ،كان تصرفو الصغير قادر يخليها تفرح أما هو فركز على عينها لي كانو منفوخين بالبكاء وقرب لعندها حاط يدو على حناكها بجوجرضى:لهاد الدرجة كتحرقك؟ نديك تدكي شي يبرة ولا نشوف شي فرماسي محلول ناخدلك شي دوى يهدنلك الحريقسمية:لا مبقاتش كتحرقني قبيلة آه كانت كتحرققربات كتر لعندو ورمات البلاستيك من يدها وحضناتو بجهد ،كانت محتاجة لمن تحضن وتبرد قلبها وبدات تبكي وتفش مافيه ،كاع الأفكار لي تجمعو عليها خرجاتهم على شكل دموع وسط حضنو مداتها لافلي دايز لا فلي غايقدر يطل من السرجم ...بادلها العناق وهو مفاهمش مالها ولكن كان كيدوز يدو على ضهرها وكيطبطب عليها وقال مايكونو غا الهرمونات وقيلة ، خلاها حتى فشات قلبها وبعدات شوية ابتاسمات ليه وباستو لحنكو وهزات البلاستيك بجوج ودخلات شدات وراها الباب وطلعات كتجري خلاتو جامد واقف لتحت وباقي كيقيس جيهة البوسة وبدا يتبسم بوحدو ...كانت أول بوسة عطاتهالو وكون بقات حداه مكانش يضمن شنو ممكن يدير حيت بدورو كان غايردهالها بطريقتو الخاصة ،طلع فالطوموبيل كيضحك ويفرنس بوحدو وكسيرا راجع للعرس ...عند رانيابقات واقفة بوحدها حتى شافت زكرياء جاي قاصدها وسي محمد تابعو من اللور عيا يبغي يوقفو مقدرش فالأخير وقف مقابل مع رانيا ...بقاو بجوجهم ساكتين هي كتسناه يهضر يقول ماعندو وهو كيتفحص ملامحها ، مد يدو لجيهت وجهها باغي يقيسو وهي تتراجع خطوة للور شي لي خلاه يفهم راسو ويجمع يدو لعندوزكرياء:رانيا خاصنا نهضرو بجوجنا ونتجمعو بجوجنارانيا:علاش؟عندك شي قضية باغي تعاودهالي أميسيو زكرياء الزرقاوي؟كان أقصى عقاب ليه هي رداتو غريب، كلماتها تغلغلو فوسط عقلو ويلاه غايدور باش يشدها من يدها وعوال يجرها لشي كوان خاوي يبقاو غاالراس فالراس ساعة وقف عليهم سي محمد وجرو لي بدورو كان تابعو المحامي أيمن ووقف عليهم ،طلع رانيا بعينو وشافها وتبسم بمكر كان عاقلها وهو لي كان محامي زكرياء فقضيتهم وخلاها تخسر وتتظلمالمحامي أيمن:الصراحة عمرني سمعت بشي قضية ديالك !واش نتي محامية فاشلة؟رانيا:لا طبعا ولكن حيت انت صمك عليها ماسمعتي والو ،ولكن متخافش غاتسمع عليا بزاف مستقبلاسي محمد:(ضحك ضحكتو الصفرة وضغط على يد زكرياء لي فهمو وبقا غاواقف ومراقب رانيا كيشبع شوقو بشوفاتو فيها)اوا ميحتاجش ههه لي تخون مع بزاف دالرجال راه أصلا باينة غاتحل قضاياها غير بالفراش ههههالمحامي أيمن:وهو الصراحة وخا تكون القضية صعيبة تتحل هكاك هههه والله ضحكتيني اسي محمدرانيا:شفتكم كذبتو كذبة وتيقتوها ونسيتو واقعكم ،كتضحكو على كذباتكم حيت حياتكم كلها كذبة (شافت فالمحامي)واحد عايش كي الكلب تابع فضلات الأغنياء(رجعات شافت فسي محمد)والتاني مريض عقلي كيعنف مراتو وكيبيع فالغبرة ويصدرها وولادو كلهم مافيهم خير ليه نهار يطيح غايدفنوه فأرضو أما انا الحمدلله عندي عائلة كتبغيني ونتا؟ شنو عندك؟ زوجة كتتسناك غا ايمتى تموت؟ بنتك لي كتموت بالخوف منك ونهار تطيح غاتكون أول وحدة تدفنك حيت الغدر خداتو منك ،ولا جمال لي هرب منك ومباغيكش فحياتو ونافرك؟ ولا هذا لي حداك شادو فحال المونيكة مربوطة ولكن أول مغاتطيح غايتفسخو الخيوط وعرفتي أول حاجة غايديرها غايشمت فيك ويخليك ! انت حاليا عندك نفوذ ولكن فالواقع انت وحيد بوحدك ماعندك حد ،داخليا حاس بهادشي وعارفو عليها كتبغي تربط يدين ولادك ومتعطيهمش الحرية وتخليهم حداك ولكن كلهم كيهربو الصراحة بقيتي فيا وبزاف كتقطع فالقلب