الحرام المباح(الداريجة المغربية)

EP31

-مناضت تاسمعات صوت مونيا كيعيط لها ...حلات عينيها بشوية عليها كانو حمرين بالنعاس لي منعساتش مزيان وبالشراب ...شدات فمها كتتفوه وزادت تغطات وغمضات عينها باش ترجع تنعس وهي تحيدلها الغطا من فوق راسها
مونيا:ماما نوض عندي مشكل كبير داابا نوض
سعيدة:وابعدي مني راسي كيحرق
مونيا:وغانوض انا نصاوبلك قهوة تفيقك نوض دبا راه البنت لي كنت معاها باعتني بالفلوس لسعودي وو(سكتات ودورات راسها للجنب التاني كارهة راسها وداكشي لي غاتقول)و دخل عليا وغتاصبني
-تجلسات بزربة وهي كتشوف فيها وتشوف راسها واش كتحلم ولا مونيا كضحك...شافت فعينها المنفوخين بالبكا وعنقها لي مجروح وفيه شي طبايع ...ناضت وتجلسات وجرات مونيا لبرا وشدات الباب على سيد لي لداخل ودفعاتها جات جالسة فوق السداري
سعيدة:تي آش هادشي سايرة تقولي فيه هاه (قربات وبدات كتآذي فطبايع وتمسحهم تشوفهم واش ماكياج ساعة لقاتهم حقيقيين )اويلي ستغفر الله اويلي (جلسات فوق السداري التاني وضربات حناكها بجوج وشافت فيها)اويلي يا المسخوطة صاف هادي هي غاتمشي لعند صاحبتك باش متبقاش معايا ومتكونيش فحالي هاويلي على حمارة ضحكات عليك صافي (مدات يدها علات راس مونيا لي كانت حانياه وكتبكي وجبداتها من شعرها تاغوتات )هادشي لي بغيتي هاه هادشي لي بغيتي توصل ليه
مونيا:(كتحاول تفك شعرها من يد مها)طلقي اماما طلقي واش انا كنت باغا هادشي هاه
سعيدة:وعلاه كنتي ميتة محسيتي بوالو هاه دوي(زادت زيرات على شعرها تبرد فيه غدايدها وأعصابها)ولا عجباك الحال الق*** بغيتي تخرج لها نيشان وفاش تنادم معاك الحال جايا تفرعي ليا ك** تاني إوا لي عطا ز*كو لهلا يفك طباسل مو (ددفعاتها من شعرها تاطاحت مونيا فالأرض ووقفات)باغا ضحكي عليا قالاك صاحبتها باعتها على أساس معارفاش ونتي كل مرة داخلة بلباس جديد من فوقاش ونتي كتهزيه هاه ...طالعة تشبهي لز**امل دباك
-وقفات مونيا وعينها ونيفها حومر بقوة البكا لي بكات وحطات يدها على يدين مها
مونيا:والله تاباعتني عملاتلي فانيد دالنعاس ودخت مفطنتش تالصباح وفلخر سجلاتني ودبا كتهددني تنشرو لا مبغيتش نبقا نبات مع سواعدة ...باغا تبقا تبيعني وتاخد الفلوس ...أنا شحال هذي كنت كنفتخهم كنهضر معاهم وصاف وعمرهم قاصوني وهي لي دخلاتني لهادشي
-"نترات يدها من يدين مونيا وحطات يديها بجوج على راسها لي كيحرقها وجلسات فوق السداري":هاربي ياربي وكتقولها بوجهها حمر تفتخهم وتتعرا عليهم (شافت فمونيا)علاه أنا لاش كنخدم فليل مكنعطيكش هاه ياك كنعطيك الفلوس قادينك وخا قلال غا ديباني بيهم كنعيا فيك شوف على قدك ونتي تشوفي فولاد تانيين راه ماشي كلشي تولد بمعلقة دذهب راه نتي تولدتي فالزنقة ووسط التراب وبقيت نخدم تاجمعت الفلوس وسكنت فهاد الدار لقيت كراها رخيث و ركبت باب الحديد باش ميتهرسش ويدخلو عليك فلخر تمشي لعند ديك الموسخة هاه (وقفات مشات للكوزينة وحلات المجر جبدات فانيد حريق الراس شربات وحدة وهبطاتها بالما ورجعات للبيت عند داك سيد لي لداخل وبدات تزعزعو
سعيدة:نوض اتا نوض اعمورة نوض راه صبح الصباح وانا عندي مانقضي برا راه تمنية ونص هذي يلاه تلحق خدمتك
-ناض كيتكسل ووقف لبس كارصونو وسروالو ودخل للحمام بقات تسناه تاخرج وهز طريكو لبسو وجبد واحد 1500 درهم حطهم لها فوق الفراش وقرب لعندها باسها بوسة خفيفة من عنقها
عمر:(غمزها)نتلقاو من بعد اكاراميلا
-خرج ومع شاف مونيا بانت ليه باقي فتية وصغيرة ومع صابغة شعرها بزعر مفتح لها لون بشرتها ...مع علات راسها فيها وهو يغمزها وخرج كيتمختر وهي مكرهاتش تنوض تبرد فيه أعصابها...خرجات سعيدة لابسة جلابتها فالكحل وهازا فيدها واحد جنوية وشافت فمونيا
سعيدة:نوضي خوديني عند ديك الموسخة ليوم نقتل القح*** دمها وندوزعليها من الطرف لطرف
يتبع...