الحرام المباح(الداريجة المغربية)

الجزء 71 ونهاية الفصل الأول ...

بقات رانيا كتتسناها حتى نزلات ومداتلها واحد 200 درهم شداتها من عندها رانيا وعاوناتها نزلات من الدرجة وبدات كتجر فكرسيها وفنفس الوقت قالت:غانمشي للبقال لي مور هاد درب غاطلع لدار وفاش غانمشي غانصونيلكجنات:الا نمشي معاكرانيا:(هضرات بالغوات)خليني نمشي متبقاوش غاتابعيني خنقتونيتمات غادا وجنات طلعات بالخف لدارها جبدات تيليفون تعلم محسن ساعة عيات تصوني مجاوبش وطلعات تعلم سعادة ... وقفات رانيا عند واحد الباب ووقفات بشوية ورجلها كيترعدو عليها وصونات فالباب وجلسات بالخف قبل ماتطيح ... طلات عليها وحدة وغاشافتها بدات تصفار وتخضار ونزلات بالخف مع الدروج وفتحات الباب خرجات راسها مع جنبرانيا:حبيبة عارفة فين ساكنة فرح لي كانت معانا فنفس دارنا؟ حيت بجوجكم كنتو صحاباتحبيبة:هالا ابنتي سيري فحالكم لداركم راجلي فدار ومباغيا صداع سيري راه غاكيصليرانيا:شوف حبيبة عطيني غارقمها وغانمشي ولا كتبيه فورقة ولويها فشي حاجة ورميها عفاك اختيحبيبة:تيلاطلعت مغانقدرش ننزل المهم راها ساكنة ف *** ومتقولهاش انا لي قلتلكمتسناتهاش حتى تشكرها كانت شدات الباب وطلعات بالخف خايفة لاراجلها يحصلها معاها خصوصا سمعتها خيابت فالحومة ... جرات كروستها وكملات الطريق حتى خرجات من الحومة ووقفات فبلاصة دتكسيات بقات واقفة حتى بانلها واحد دايز ووقفاتو ... عاونها ركبات وخشالها الكرسي فالكوفر وعطاتو العنوان وكسيرا غادي وكيدندن مع الاغاني لي طالق وهي محاملة تسمع والو صبرات راسها بزز والطريق كانت بعيدة وطويلة ومخلا شكون جلس معاها ووصلو وهي باقا موصلات ...فعيادة الطبيبة النفسية كان جالس محسن وكيسمع لطبيبة لي كتوصفلو حالة ختوالطبيبة النفسية:شوف دبا رانيا ماشي غير قضية ولدها لي مات لي مأزماها لهاد درجة ولكن هي تجمعو عليها فدقة وحدة خمس سنين لي ضاعت من حياتها وعاد الخيانة لي تخانت خصوصا كانت كتبغيه وزاد عليها الولد الاول لي ماتلها وخصوصا اول واحد كتكون قاصحة بزاف ... انا كنعيا نهضر ونسولها والو مكتجاوبش معايا ومتأكدة كاين شي سبب آخر لي مخليها فهاد الحالة كلها ودخلها فالاكتئاب لهاد الدرجةمحسن:ومكاينش شي حل من غير زعمة الدوايات لي عطيتيهملها ؟الطبيبة النفسية:وراه عليها عيطتلك خاصكم متبقاوش تشوفو فيها بديك الشوفة دالعطف وتبكيو حداها خاصكم تهضرو معاها عادي وضحكو عادي وتصرفو كيفما كنتو باش ترجع كيف كانت والصداع وأي حاجة سلبية بعدوها منها خدمو مسلسلات كوميدية أفلام وعملو عليهم السهرة المهم هو تجلسوها معاكم ومتخليوهاش بزاف بحدها باش تنسى وفنفس الوقت متلصقوهاش بزاف باش متخنقش كتر وخرجوها من الدار تدور تفوج هذي صيفيةمحسن:صاف وخا شكرامد يدو تسالمو على بعضهم وخرج فحالو طالع للدار يوجد فمقرر العام جاي دالقرايا وفنفس الوقت يشوف رانيا

من بعد طريق طويلة وقفها مول تاكسي حدا واحد الفيلا فالمجال الغير الحضري ... خلصاتو ونزل جبدلها الكرسي وعاونها تجلس فيه عاد زاد فحالو ومشا ... جرات كرسيها ووقفات حدا الباب الحديدي ودقات .. طل عليها العساس من واحد الفتحة مربعة وقال:تي شكون ؟رانيا:أنا جيت عند فرح قولها تخرج لعنديالعساس:تسناي تم شكون نقولهارانيا:(تنهدات ورحعات شافت فالعساس)قولها رانيا البنت لي كانت جارتك قبل خمس سنين وشي شهورةالعساس :ايه وخادخل وبقات كتتسناه برا مدة عاد رجع وفتحلها الباب وقال:دخلي راها كتسناك فالجردة ...دخلات والعساس شد الباب وجر بيها الكرسي حتى وصلها للجليسة فين جالسة فرح هاد الاخيرة غاشافت رانيا تفكراتها ووقفات بالخف ومشات سلمات عليها وحنات لمستواها وحطات يدها على ركابي رانيافرح:اويلي مال رجلك شواقعلهم اختيرانيا:(عضات على شفايفها كاتمة صوت بكاها وبداو دموعها كينزلو )انا ... انا غاجيت نشوفك واش بيخير حيت من نهار فقت وبالي معاك قلت نشوفك واش وليتي بيخيرفرح:(شافت فالعساس لي كان باقي واقف)سير حضي الباب نحتاجك نعيطلك (تسناتو غامشا وجرات كرسيها وجلسات مقابلة مع رانيا)خليك مني انا بيخير انتي لي شواقعلك لكانت شي حاجة نعاونكرانيا: (بدات تهضر وتبكي )انا افرح كذبت عليك ... انا كنت باقا صغيرة وعقلي صغير ومشيت كنغري فراجلك حيت شفتو مع بنات تانيين ... عوض ننبهك انا لا عاد مزدت بقيت نغريه فسطح ونديلو فالفلوس ... (غطات وجهها كتبكي)وها انا طحت فنفس موقفك ها انا راجلي خانني وضربني وطيحلي الولد كلشي بسبابي انا السباب حتى مات ... انا لي قتلتو ماشي هوما كل ليلة ضميري كيأنبني وكنقول كون ما خنتك وعملت فيك ديك الحالة كاعما كان يوقعلي هادشي وكاعما كنت نقتل الولد لي فكرشي .. عفاك سمحلي افرح سمحلي حيت هرستك هانا تهرست فحالك سمحلي حيت منبهتكش سمحلي حيت كذبت عليك وفالوقت لي نتي كتبكي انا كنضحك حيت متفرشتش وفالوقت لي نتي جالسة فدارك على نيتك انا كنغريه ... فرح سمحلي راه ليالي مانعست راه تعذبتتنهدات فرح وقربات حضنات رانيا وحالتها أترات فيها ... بقات كتبكي رانيا بهستيريا وتعاودلها على ضربو وضلمو وكلشي وهي كتسمعلها وطبطبلها على ضهرها تاشافتها تهدنات شوية عاد بعدات وشداتلها فيدها ومدات يدها التاني كتمسحلها دموعهافرح:رانيا سمعني أنا زمان نسيت مراد حيت مكيستحقنيش وحتى نتي غاتنساي زكرياء ولا هو عندو نفوذ وباه حشايشي انا راه با نفوذو كبر غانعاونك حتى توقف على رجلك ولكن قبل خاصك تقواي وتخرج من هاد الحالة ... ماشي نتي لي قتلتيه هو مكانش مكتابلو يعيش اصلا كلشي بالمكتاب معندك لاش تلوم فراسك ..قبل ماتسناي باك يتيق فيك خاصك تيق فراسك ... انتي مخاصكش تسناي من شي حد يسمحلك حيت انتي محتاجة تسامحي راسك هو لول ... سمح لراسك على أغلاطك القدام ومتبقاش تدفنها بلوم نفسك على واحد الحاجة فاتت شي مرات الانسان كيكون محتاج يسامح نفسه باش يقدر يتنفس ويعيش