الحرام المباح(الداريجة المغربية)

41

ناضت سعادة بالخف مشات تشوف رانيا لي سخفات ومكتحركش ،أما صابر ناض وكيبعد محسن لي مبقاش عاقل على راسو غاكيسب من السمطة للتحت وكيمد رجلو وكيركل فرانيا...دفع صابر بلا ميرد البال جا مشير فوق السداري وحنا جبد رانيا من شعرها هاد الأخيرة لي مفاطنة بوالو ..دفعاتو سعادة وهي كتغوت وتقولو يبعد وهو لاصق كيضرب فيها ويقول:{هاد الق*** لي كدافعو عليها كتبات تشطح لسواعدة وحنا فدار غفلون،لي بغاتها تجيها وفلخر تبيعنا وتمشي تت... على جوج ريال هاد ***}سعادة:(دفعاتو ونزلات عليه بتصرفيقة تادار لجيهة التانية)فيق مالك جهلتيي؟ ختك غاتقتلها مهرس عليها الفاز واش حمقتيمحسن:(دار فيها وهضر بالغوات)موتها حسن من عيشتها
ناض صابر وهز رانيا وسعادة شادا محسن باش ميمشيلهاش تاني...هبطها صابر وخا جاتو تقيلة ولكن متحمل عيط لدراري الحومة لي كانو واقفين جاو جبدولو مفاتح الطوموبيل من الجيب وفتحوهالو ...حط رانيا فلور الطوموبيل وركب ...تبعاتو سعادة وركبات حداه وكسيرا غادي جاري وكل مرة يشوف فرانيا ويشوف فالطريقصابر:اش كيخربق داك الضبع المسخوط دفعني على السداري مالو جهلسعادة :واش تسولني أنا أنا براسي معارفاش تاجا ونزل عليها بالفاز راك شفتي كلشي على عينكصابر:تانرجع ليه غابلاتي يخرج عليا من داري يبقا يضرب فبنتي يمشي يدير الولاد ويضربهم كيف بغا أنا باقي فالحياة وكيمد يدو على بنتي ويبغي يقتلها تانرجع تانرجعسعادة:انعل الشيطان شهاتخرجو من الدار تاهاد البنت عندنا باسلة تانشوفو المشكل من لول ماتغلطش فولدك راه تلقاها هي دارت لاشصابر:تدير لي دارت معندوش الحق يهرس عليها شي حاجة،هاحنا وصلنا نزلي دغيا
نزلو ودخل عيط لهم خرجو هزوها فالبياص ودخلوها ...وفنفس الوقت كيسولو شنو وقعلها ...سعادة:(تهضر وتنهج)تهرس عليها الفاز شوفو مالها
دخلوها يعملولها تصوير مقطعي للراس لايكون وقعلها شي حاجة للدماغ لقاو داكشي موصلوش وموقعلها حتى ارتجاج وخا الدقة كانت قاصحة ...عاد دخلوها يعالجوها ويحيدولها الزاج من الراس
فهاد الوقت كان محسن دخل للحمام كيغسل وجهو ويعاودو رجع دخل لبيت رانيا ومشا كيقلب فحوايجها...شاف شوميزات دونوي جمعهم كلهم ومشا خشاهم فالزبل عاد قطعلها كاع الدفاتر لي كتقرا فيهم بدا يقلب على تيليفونها ملقاهش ولقا غا البيسي لي شراوهلها،جبدو وقسمو فالنص تاهوا ومشا كيهزلها فالماكياج جمعو ودخل لدوش خشاهم وسط الما و مشا جلس فالصالون كب كاس دالماء يشربو على الله يتهدن ...شاف فالارض والدم لي فيها دفل عليه ورجع لبيتو دخل للبالكون يضرب فيه شوية دالبرد وفنفس الوقت بدا يكمي ...سمع تيليفونو كيصوني جبدو من جيبو لقاه يوسف ...نفخ الدخان ورد حط تيليفون على وذنومحسن:ولدات؟يوسف وياه العشير ولدات ولدمحسن:حسن هناك الله من البنات ...واش نجي وراك دبا؟يوسف:لا صاف اخويا ناسها جاو وهوما غايوصلوني لطوموبيلتي راه من صوتك عارف بلي عندك شي مشكلمحسن:اك يتربى فعزك
قطع عليه وكمل الكمي لي كيكمي ... حتال شحال دالوقت عاد سمع باب بيتو تحل دار لقا سعادة وصابر جاو ...رما الكارو من يدو وعفط عليه بصباطو طفاه وتمشا لعندهممحسن:فينها؟صابر:بقات فالطبيب ناعسة ودبا غاتجمع عليا حوايجك وغاتخرج برا